ബില്ലി നായർ
ബില്ലി നായർ | |
|---|---|
 Billy Nair at a Function in October, 2005. | |
| ജനനം | 27 നവംബർ 1929 |
| മരണം | 23 ഒക്ടോബർ 2008 (പ്രായം 78) |
| രാഷ്ട്രീയ കക്ഷി | African National Congress |
ദക്ഷിണാഫ്രിക്കൻ പാർലമെന്റ് അംഗവും ദക്ഷിണാഫ്രിക്കയുടെ മോചനത്തിനായി ദീർഘകാലം തടവിൽ കഴിഞ്ഞ മലയാളിയുമായിരുന്നു ബില്ലി നായർ(27 നവംബർ 1929 – 23 ഒക്ടോബർ 2008). ഇരുപതുവർഷത്തോളം റോബൻ ഐലന്റിൽ മണ്ടേലക്കൊപ്പം തടവുകാരനായിരുന്നു.
ജീവിതരേഖ[തിരുത്തുക]
കേരളത്തിൽനിന്ന് ദക്ഷിണാഫ്രിക്കയിലേക്ക് തൊഴിലിനായി കുടിയേറിയ കൃഷ്ണൻനായരുടെയും പാർവതിയുടെയും മകനാണ്.[1] കൃഷ്ണൻ നായർ പാലക്കാട് ജില്ലയിലെ കൊങ്ങാട്ടിനടുത്ത് കുണ്ടളശ്ശേരി സ്വദേശി ആയിരുന്നു. ദക്ഷിണാഫ്രിക്കയിലെ ഡർബനിൽ വച്ചാണ് കൃഷ്ണൻ നായരും പാർവ്വതിയും വിവാഹിതരാകുന്നതും 1929-ൽ ബില്ലി നായർ ജനിക്കുന്നതും. 1953ൽ സൗത്ത് ആഫ്രിക്കൻ കമ്യൂണിസ്റ്റ് പാർടി അംഗമായി. മണ്ടേലക്കൊപ്പം അറസ്റ്റ് ചെയ്യപ്പെട്ടു. 1964 ൽ ഇരുപതുവർഷത്തെ കഠിനതടവിന് വിധിച്ചു. സ്വാതന്ത്ര്യാനന്തരം ആഫ്രിക്കയിൽ പാർലമെന്റ് അംഗമായി. ബില്ലിനായർ 2008ൽ മരിക്കുമ്പോൾ കമ്യൂണിസ്റ്റ് പാർടി കേന്ദ്രകമ്മിറ്റിയിലെ പ്രത്യേക ക്ഷണിതാവായിരുന്നു.
റോബിൻ ഐലന്റിൽ, ബില്ലി നായരുടെ നമ്പർ കാർഡാണ് ജയിലിൽ പീഡനകാലത്തിലൂടെ കടന്നുപോയവരുടെ പ്രതീകമായി പ്രദർശിപ്പിച്ചിരിക്കുന്നത്.[2]
പുരസ്കാരങ്ങൾ[തിരുത്തുക]
- പ്രവാസി ഭാരതീയ സമ്മാൻ (2007)
അവലംബം[തിരുത്തുക]
- ↑ "UNIVERSITY OF DURBAN - WESTVILLEPRIVATE DOCUMENTATION CENTRE ORAL HISTORY PROJECT "VOICES OF RESISTANCE"". University of Durban. 2002-07-12. Retrieved 2009-05-31.
- ↑ "ചരിത്രമായി മാറിയ ജീവിതം". www.deshabhimani.com. Archived from the original on 2016-03-05. Retrieved 23 മെയ് 2014.
{{cite web}}:|first=missing|last=(help); Check date values in:|accessdate=(help)