ബാലസാഹെബ് ഭർഡെ
മഹാരാഷ്ട്രയിൽ നിന്നുള്ള ഇന്ത്യൻ സ്വാതന്ത്ര്യ സമര സേനാനിയും, സാമൂഹിക പ്രവർത്തകനും, വിദ്യാഭ്യാസ വിചക്ഷണനും, മഹാരാഷ്ട്ര നിയമസഭയുടെ സ്പീക്കറുമായിരുന്നു ബാലസാഹെബ് ശിവ്റാം ഭർഡെ (1912-2006) [1]. മഹാരാഷ്ട്രയിലെ സഹകരണ പ്രസ്ഥാനത്തിനു നൽകിയ സംഭാവനകളിലായിരുന്നു ഇദ്ദേഹം അറിയപ്പെട്ടിരുന്നത് [2][3]. മഹാരാഷ്ട്രയുടെ സഹകരണവകുപ്പ് മന്ത്രിയുമായിരുന്നു(1957–1962) [4][5]. ഖാദി ഗ്രാമോഗ്യോഗ്, ഹരിജൻസേവാക് സംഘം, മഹാരാഷ്ട്ര ഗാന്ധി സ്മാരക് നിധി(എംജിഎസ്എൻ) തുടങ്ങി നിരവധി സാമൂഹ്യ-സർക്കാർ സംഘടനകളുമായി ബന്ധപ്പെട്ടു പ്രവർത്തിച്ചിട്ടുണ്ട്. എം.ജി.എസ്. നിഥിയുടെ രണ്ടാമത്തെ പ്രസിഡന്റായി ചുമതലയേറ്റു [6]. മഹാരാഷ്ട്ര സ്റ്റേറ്റ് ഖാദി ബോർഡിന്റെ ചെയർമാനായും അദ്ദേഹം പ്രവർത്തിച്ചു [7].
1912-ൽ മഹാരാഷ്ട്രയിലെ അഹമ്മദ് നഗർ ജില്ലയിലെ ശേവ്ഗാവിലെ ഒരു ചെറിയ ഗ്രാമത്തിൽ ജനിച്ച അദ്ദേഹം 1952 മുതൽ രണ്ട് പതിറ്റാണ്ടായി നിയമസഭയിൽ തന്റെ മണ്ഡലത്തെ പ്രതിനിധാനം ചെയ്തു. 2001-ൽ ഭാരത സർക്കാർ അദ്ദേഹത്തെ പത്മഭൂഷൺ ബഹുമതി നൽകി ആദരിച്ചു. 2006 നവംബർ 22-ന് പൂനെയിൽ അദ്ദേഹം അന്തരിച്ചു. ശേവ്ഗാവിലെ ഒരു പൊതു ലൈബ്രറിക്ക് അദ്ദേഹത്തിന്റെ പേര് നൽകപ്പെട്ടു.
അവലംബം[തിരുത്തുക]
- ↑ N. S. Karandikar (21 February 2008). Sir Swami Samarth. Sterling Publishers Pvt. Ltd. pp. 214–. ISBN 978-81-207-3445-6.
- ↑ "CM condoles demise of Balasaheb Bharde". One India. 22 November 2006. Retrieved 29 May 2016.
- ↑ "Blessings of Late Shri. Balasaheb Bharde". Ravi Ghate. 2016. Archived from the original on 2016-03-29. Retrieved 29 May 2016.
- ↑ "About Us". Padmabhushan Balasaheb Bharde Pratishthan. 2016. Archived from the original on 2016-08-26. Retrieved 29 May 2016.
- ↑ "Bank History". Akola District Central Coop. Bank. 2016. Archived from the original on 2016-04-04. Retrieved 29 May 2016.
- ↑ "Maharashtra Gandhi Smarak Nidhi". Maharashtra Gandhi Smarak Nidhi. 2016. Archived from the original on 2018-03-10. Retrieved 29 May 2016.
- ↑ "Balasaheb Bharade passes away". One India. 22 November 2006. Retrieved 29 May 2016.