ബാരോ കടലിടുക്ക്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ബാരോ കടലിടുക്ക്, നുനാവട്ട്, കാനഡ.
  Nunavut
  Northwest Territories
  Greenland

ബാരോ കടലിടുക്ക് വടക്കൻ കാനഡയിലെ നുനാവട്ടിലെ ഒരു കപ്പൽപ്പാതയാണ്. പാരി ചാനലിന്റെ ഭാഗമായ ഈ കടലിടുക്ക് വടക്ക് ഭാഗത്ത് കോൺവാലിസ് ദ്വീപ്, ഡെവൺ ദ്വീപ് എന്നിവയേയും തെക്കോട്ട് പ്രിൻസ് ഓഫ് വെയിൽസ് ദ്വീപ്, സോമർസെറ്റ് ദ്വീപ്, പ്രിൻസ് ലിയോപോൾഡ് ദ്വീപ് എന്നിവ ഉൾപ്പെടെയുള്ള നിരവധി വലിയ ദ്വീപുകളെയും വേർതിരിക്കുന്നു. സാധാരണയായി നവംബർ അവസാനം വരെ തണുത്തുറയുകയോ ഡിസംബർ അവസാനം വരെ ഘനീഭവിക്കുകയോ ചെയ്യാത്ത അതിന്റെ കിഴക്കൻ ഭാഗത്തിന്റെ ആദ്യ 30 മൈൽ (48 കി.മീ) ഭാഗത്ത് ദ്വീപുകളൊന്നുംതന്നെയില്ല. ഗാരറ്റ് ദ്വീപ്, ലോതർ ദ്വീപ്, യംഗ് ഐലൻഡ്, ഹാമിൽട്ടൺ ദ്വീപ്, റസ്സൽ ദ്വീപ് എന്നിവ ബാതർസ്റ്റ് ദ്വീപിന്റെ തെക്ക് ഭാഗത്താണ് സ്ഥിതിചെയ്യുന്നത്. ബ്രൗൺ ദ്വീപ്, സോമർവില്ലെ ദ്വീപ്, ഗ്രിഫിത്ത് ദ്വീപ് എന്നിവ കോൺവാലിസ് ദ്വീപിന്റെ തെക്കുപടിഞ്ഞാറായി സ്ഥിതി ചെയ്യുന്നു.[1] ഡെവൺ ദ്വീപിൽ നിന്നകലെയായാണ് ബീച്ചെ ദ്വീപ് സ്ഥിതി ചെയ്യുന്നത്.

ലാൻകാസ്റ്റർ സൗണ്ടുമായുള്ള കിഴക്കൻ ജംഗ്ഷൻ മുതൽ വിസ്‌കൗണ്ട് മെൽവില്ലെ സൗണ്ടുമായുള്ള പടിഞ്ഞാറൻ ജംഗ്ഷൻ വരെ, കടലിടുക്കിന് ഏകദേശം 170 മൈൽ (270 കിലോമീറ്റർ) നീളമുണ്ട്. പ്രിൻസ് ലിയോപോൾഡ് ദ്വീപിനും ഡെവോൺ ദ്വീപിലെ കേപ് ഹർഡിനും ഇടയിലുള്ള ഇതിന്റെ കിഴക്കൻ മുഖത്തിന് ഏകദേശം 28 മൈൽ (45 കിലോമീറ്റർ) വീതിയുണ്ട്. തെക്കുപടിഞ്ഞാറൻ ബാതർസ്റ്റ് ദ്വീപിലെ കേപ് കോക്ക്ബേണിലെ അതിന്റെ പടിഞ്ഞാറൻ മുഖത്തിന് 66 മൈൽ (106 കിലോമീറ്റർ) വീതിയുണ്ട്.[2][3]

അവലംബം[തിരുത്തുക]

  1. Pharand, Donat; Legault, L.H. (1984). The Northwest Passage: Arctic Straits. Martinus Nijhoff Publishers. പുറം. 7. ISBN 90-247-2979-3.
  2. Pharand, Donat; Legault, L.H. (1984). The Northwest Passage: Arctic Straits. Martinus Nijhoff Publishers. പുറം. 7. ISBN 90-247-2979-3.
  3. "Canadian Arctic Archipelago: Barrow Strait and Lancaster Sound". Fisheries and Oceans Canada. 2007-06-05. മൂലതാളിൽ നിന്നും 2011-07-06-ന് ആർക്കൈവ് ചെയ്തത്. ശേഖരിച്ചത് 2008-04-22.
"https://ml.wikipedia.org/w/index.php?title=ബാരോ_കടലിടുക്ക്&oldid=3724564" എന്ന താളിൽനിന്ന് ശേഖരിച്ചത്