ബാബു എം. പാലിശ്ശേരി
ബാബു എം. പാലിശ്ശേരി | |
|---|---|
 | |
| കേരളനിയമസഭയിലെ അംഗം | |
| പദവിയിൽ മേയ് 18 2006 – മേയ് 20 2016 | |
| മുൻഗാമി | ടി.വി. ചന്ദ്രമോഹൻ |
| പിൻഗാമി | എ.സി. മൊയ്തീൻ |
| മണ്ഡലം | കുന്നംകുളം |
| വ്യക്തിഗത വിവരങ്ങൾ | |
| ജനനം | ശങ്കരനാരായണൻ 1958 മെയ് 13 കൊരട്ടിക്കര |
| മരണം | ഒക്ടോബർ 14, 2025 (67 വയസ്സ്) കുന്നംകുളം, തൃശൂർ ജില്ല |
| രാഷ്ട്രീയ കക്ഷി | സി.പി.എം. |
| പങ്കാളി | സി.എം.ഇന്ദിര |
| കുട്ടികൾ | അശ്വതി, അഖിൽ |
| മാതാപിതാക്കൾ |
|
| വസതി | കൊരട്ടിക്കര |
As of 14 ഒക്ടോബർ, 2025 ഉറവിടം: നിയമസഭ | |
2006 മുതൽ 2016 വരെ കുന്നംകുളം മണ്ഡലത്തിൽ നിന്ന് നിയമസഭാംഗമായിരുന്ന തൃശൂർ ജില്ലയിൽ നിന്നുള്ള മുതിർന്ന സി.പി.എം നേതാവായിരുന്നു[1] ബാബു എം പാലിശേരി(1958-2025) [2][3]
ജീവിതരേഖ
[തിരുത്തുക]തൃശൂർ ജില്ലയിലെ കൊരട്ടിക്കരയിൽ ചിന്നപ്പൻ നായരുടേയും അമ്മിണിയമ്മയുടേയും മകനായി 1958 മെയ് 13 ന് ജനനം. പത്താം തരമാണ് പ്രാഥമിക വിദ്യാഭ്യാസ യോഗ്യത. ശങ്കരനാരായണൻ എന്നായിരുന്നു ശരിയായ പേര്.[4]ആദ്യകാലങ്ങളിൽ സംഘപരിവാർ സംഘടനയിൽ പ്രവർത്തിച്ച ശേഷം പിന്നീട് മാർക്സിസ്റ്റ് പാർട്ടിയിൽ ചേർന്നപ്പോൾ ബാബു.എം.പാലിശേരി എന്ന് പേര് മാറ്റുകയായിരുന്നു.[5]
രാഷ്ട്രീയ ജീവിതം
[തിരുത്തുക]ഡിവൈഎഫ്ഐ കൊരട്ടിക്കര യൂണിറ്റ് പ്രസിഡൻ്റായി രാഷ്ട്രീയത്തിലെത്തിയ ബാബു സംഘടനയുടെ തൃശൂർ ജില്ലാ സെക്രട്ടറി, സംസ്ഥാന വൈസ് പ്രസിഡന്റ് എന്നീ നിലകളിൽ മാർക്സിസ്റ്റ് പാർട്ടിയിൽ സജീവമായി.
1984-ൽ സി.പി.എം അംഗമായ ബാബു.എം.പാലിശേരി 1995 മുതൽ 2005 വരെ മാർക്സിസ്റ്റ് പാർട്ടിയുടെ കുന്നംകുളം ഏരിയാ കമ്മിറ്റി സെക്രട്ടറിയായിരുന്നു.
1998 മുതൽ മാർക്സിസ്റ്റ് പാർട്ടിയുടെ തൃശൂർ ജില്ലാ കമ്മിറ്റി അംഗമായും 2005 മുതൽ മാർക്സിസ്റ്റ് പാർട്ടിയുടെ തൃശൂർ ജില്ലാ സെക്രട്ടറിയേറ്റ് അംഗമായും തിരഞ്ഞെടുക്കപ്പെട്ടു.
2006 മുതൽ 2016 വരെ കുന്നംകുളത്ത് നിന്നുള്ള നിയമസഭാംഗമായിരുന്നു.[6]
പ്രമുഖ പദവികളിൽ
- നിയമസഭാംഗം, കുന്നംകുളം
- സി.പി.ഐ.(എം) ജില്ലാ സെക്രട്ടറിയറ്റംഗം
- സിഐടിയു തൃശൂർ ജില്ല വൈസ് പ്രസിഡന്റ്
- സി.പി.ഐ.(എം) കുന്നംകുളം ഏരിയ സെക്രട്ടറി.
- ലൈബ്രറി കൗൺസിൽ തൃശ്ശൂർ ജില്ലാ പ്രസിഡന്റ്
- ഡി.വൈ.എഫ്.ഐ.യുടെ ജില്ല സെക്രട്ടറി
- ഡി.വൈ.എഫ്.ഐ.യുടെ സംസ്ഥാന വൈസ്പ്രസിഡന്റ് [7]
സെയ്താലി കൊലക്കേസ്
[തിരുത്തുക]സെയ്താലി എന്ന എസ്.എഫ്.ഐ. പ്രവർത്തകനെ പട്ടാമ്പി സംസ്കൃത കോളേജിൽ വച്ച് കൊലപ്പെടുത്തിയ കേസിൽ എട്ടാം പ്രതിയായിരുന്ന ആർ.എസ്.എസ്. അംഗമായ ശങ്കരനാരായണനാണ് പിന്നീട് സി.പി.ഐ.(എം) അംഗമായ ബാബു പാലിശ്ശേരിയെന്ന് ബെർലിൻ കുഞ്ഞനന്തൻ നായർ അവകാശപ്പെട്ടിട്ടുണ്ട്[8] .
മരണം
[തിരുത്തുക]വാർധക്യ സഹജമായ അസുഖങ്ങൾക്ക് ചികിത്സയിൽ തുടരവെ 2025 ഒക്ടോബർ 14ന് അന്തരിച്ചു.[9]
തിരഞ്ഞെടുപ്പുകൾ
[തിരുത്തുക]| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും | പരാജയപ്പെട്ട മുഖ്യസ്ഥാനാർത്ഥി | പാർട്ടിയും മുന്നണിയും |
| 2011 | കുന്നംകുളം നിയമസഭാമണ്ഡലം | ബാബു എം. പാലിശ്ശേരി | സി.പി.എം., എൽ.ഡി.എഫ്. | സി.പി. ജോൺ | സി.എം.പി., യു.ഡി.എഫ്. |
| 2006 | കുന്നംകുളം നിയമസഭാമണ്ഡലം | ബാബു എം. പാലിശ്ശേരി | സി.പി.എം., എൽ.ഡി.എഫ്. | വി. ബാലറാം | ഡി.ഐ.സി., യു.ഡി.എഫ്. |
അവലംബം
[തിരുത്തുക]- ↑ ബാബു.എം.പാലിശേരി അന്തരിച്ചു
- ↑ "BABU.M.PALISSERY". Myneta Info. Retrieved 2012-05-11.
- ↑ "BABU.M.PALISSERY wins at Kunnamkulam for 481 votes". Reporter TV. Archived from [http://www.reportertv.co.in/kerala-election/babu-m-palissery-wins-at-kunnamkulam-for-481-vot
es the original] on 2016-03-05. Retrieved 2012-05-11.
{{cite web}}: Check|url=value (help); line feed character in|url=at position 93 (help) - ↑ https://www.samakalikamalayalam.com/news/kerala/babu-m-palissery-was-an-accused-in-political-murder-case
- ↑ മുൻ MLA ബാബു.എം.പാലിശേരി അന്തരിച്ചു
- ↑ https://niyamasabha.nic.in/index.php/profile/index/2228
- ↑ "ldfkeralam.org". Archived from the original on 2011-04-06. Retrieved 2011-05-02.
- ↑ കുഞ്ഞനന്തൻനായർ, ബർലിൻ. "ജയരാജന്മാർ അറിയാത്തത്; പറയാത്തതും". ഇ മലയാളി.കോം. Retrieved 15 മാർച്ച് 2013.
- ↑ https://www.deshabhimani.com/News/kerala/former-mla-babu-m-palissery-passes-away-91324
- ↑ http://www.ceo.kerala.gov.in/electionhistory.html Archived 2021-11-11 at the Wayback Machine http://www.ceo.kerala.gov.in/electionhistory.html Archived 2021-11-11 at the Wayback Machine