ബാഘ് ജില്ല

വിക്കിപീഡിയ, ഒരു സ്വതന്ത്ര വിജ്ഞാനകോശം.
ബാഘ്
Town
Ganga choti, Bagh AJK
Ganga choti, Bagh AJK
Country Pakistan
StateAzad Kashmir
HeadquartersBagh
ഉയരം
1,038 മീ(3,406 അടി)
ജനസംഖ്യ
 • ആകെ3,51,000 (1,998)
Languages
 • OfficialUrdu
സമയമേഖലPST

ബാഘ് ജില്ല (ഉർദു: ضلع باغ ) ഔദ്യോഗികമായി ഇന്ത്യയുടേതും വെടി നിർത്തൽ രേഖയിൽ ഇപ്പോഴും പാകിസ്താൻ കൈവശപ്പെടുത്തി വച്ചിരിക്കുന്നതുമായ ജമ്മു കാശ്മീർ ഭാഗത്തെ ഒരു ജില്ലയാണ്. കയ്യേറ്റ പ്രദേശത്തിലൻറെ ഈ ഭാഗം സാങ്കൽപ്പിക ആസാദ് കാശ്മീർ എന്ന പേരിൽ അവർ പ്രത്യേക മേഖലയാക്കി തിരിച്ചിരിക്കുന്നു. നേരത്തേ പൂഞ്ച് ജില്ലയുടെ ഭാഗമായിരുന്ന ഈ ജില്ല 1988 ലാണ് സ്ഥാപിക്കപ്പെട്ടത്.[1]

ജില്ലയുടെ വടക്കുഭാഗത്ത് പാകിസ്താൻറെ കൈവശത്തിലുള്ള മുസാഫറാബാദ് ജില്ലയും തെക്കുഭാഗം പൂഞ്ച് ജില്ലയും കിഴക്കുവശം ഇന്ത്യൻ കൈവശത്തിൽ ബാക്കിയുള്ള ജമ്മു കാശ്മീരും പടിഞ്ഞാറ് പാകിസ്താനിലെ പഞ്ചാബ് പ്രവിശ്യയിലെ റാവൽപിണ്ടി ജില്ലയും ഈ പട്ടണത്തിന് അതിരായി വരുന്നു. ഈ ജില്ലയുടെ ആകെ വിസ്തീർണ്ണം 1,368 സ്ക്വയർ കിലോമീറ്ററാണ്.[2] ബഘ് ജില്ല, മുസാഫറാബാദുമായി രണ്ടു റോഡുകൾ വഴി സന്ധിക്കുന്നു. ഒന്ന് സുധാന് ഗാലി (80 കിലോമീറ്റർ) വഴിയും മറ്റൊന്ന് കൊഹാല (97 കിലോമീറ്റർ) വഴിയും. റവാലാകോട്ടിൽ നിന്ന് 46 കിലോമീറ്റർ ദൂരത്തിലാണീ ജില്ല സ്ഥിതി ചെയ്യുന്നത്. ജില്ലാ ആസ്ഥാനം ബാഘിൽത്തന്നെയാണ്.

ചരിത്രം[തിരുത്തുക]

ബാഘ് ഫോർട്ട് എന്ന പേരിൽ ഇവിടെ ഒരു പുരാവസ്തു ഖനന പ്രദേശം നിലനിൽക്കുന്നുണ്ട്.[3]

1947 നു മുമ്പ് ജമ്മുകാശ്മീരിലെ പൂഞ്ച് ജില്ലയിൽ ഉൾപ്പെട്ടിരുന്നു.[4] 1947 ലെ ഇന്ത്യാ പാകിസ്താൻ യുദ്ധത്തിൽ പൂഞ്ച് ജില്ലയുടെ ഭാഗങ്ങൾ പാകിസ്താൻ അന്യായമായി കൈവശപ്പെടുത്തി. ഈ കയ്യേറ്റ മേഖല പാകിസ്താൻ ആസാദ് കാശ്മീർ എന്ന് പേരിൽ പ്രത്യേക മേഖലായാക്കി മാറ്റിയിരിക്കുന്നു.

ഭൂമിശാസ്ത്രം[തിരുത്തുക]

Panjal Mastan plains
Map of Bagh district

ഈ സ്ഥലം നിലനിൽക്കുന്ന അക്ഷാംശ രേഖാംശങ്ങൾ, 33.9735°N 73.7918°E ആണ്. ഭൂപ്രകൃതിയനുസരിച്ച് ബാഘ് ജില്ല മുഴുവനായും പർവ്വതങ്ങൾ നിറഞ്ഞ പ്രദേശമാകുന്നു. വടക്കു പടിഞ്ഞാറു നിന്ന് തെക്കു പടിഞ്ഞാറേയ്ക്ക് ചരിഞ്ഞു കിടക്കുന്നു. ഈ ജില്ലയിലെ പ്രധാന കൊടുമുടി പിർ-പഞ്ചാൽ ആണ്. സമുദ്രനിരപ്പിൽ നിന്ന് 3,421 മീറ്റർ ഉയരമുള്ള ഹാജി-പിർ പാസ് സമീപത്തു തന്നെ സ്ഥിതി ചെയ്യുന്നു. സമുദ്രനിരപ്പിൽ നിന്നുള്ള സാധാരണ ഉയരം 1500 മുതൽ 2500 മീറ്റർ വരെയാണ്. മലനിരകൾ മുഴുവനും കൊണിഫറസ് വൃക്ഷങ്ങളാൽ നിറഞ്ഞതാണ്. ബാഘ് സബ്-ഡിവിഷനിലെ, മഹ്‍ൽ നാല, ഹവേലി സബ് ഡിവിഷനിലെ ബെറ്റാർ നാല എന്നിവ രണ്ടു പ്രധാന വെള്ളച്ചാട്ടങ്ങളാണ്. മറ്റനേകം അരുവികളും തോടുകളും ഈ ജില്ലയിൽ നിന്നു പ്രവഹിക്കുന്നുണ്ട്.[5]

കാലാവസ്ഥ[തിരുത്തുക]

ഉയരത്തിനനുസരിച്ച് ഈ ജില്ലയിലെ കാലാവസ്ഥ വ്യത്യാസപ്പെട്ടിരിക്കുന്നു. സാധാരണയായി താപനില 2 °C മുതൽ 40 °C വരെയാണ്. ജില്ലയുയുടെ കിഴക്കൻ പ്രദേശങ്ങളിൽ ശൈത്യകാലത്ത് കൂടുതൽ തണുപ്പനുഭവപ്പെടുന്നു. വസന്തത്തിൽ സുഖകരമായ കാലാവസ്ഥയാണിവിടെ. ഉയരം കുറഞ്ഞ താഴ്വരകൾ, കോഹ്‍ലയ്ക്കു സമീപമുള്ള പ്രദേശങ്ങളായ മോങ്‍ബാജ്‍രി, അജ്‍ര-ബാഗ് എന്നിവിടങ്ങളിൽ ശൈത്യകാലത്ത് തണുപ്പും വേനൽക്കാലത്ത് ചൂടുമാണ്. മെയ്, ജൂൺ, ജൂലൈ എന്നീ മാസങ്ങളിലാണ് ചൂടു കൂടുതൽ അനുഭവപ്പെടുന്നത്. ജൂണിലെ ഏറ്റവും കൂടിയതും ഏറ്റവും കുറഞ്ഞതുമായ താപനിലകൾ ഏകദേശം 40 °C, 22 °C എന്നിങ്ങനെയാണ്. ഡസംബർ, ജനുവരി, ഫെബ്രുവരി മാസങ്ങളിലാണ് തണുപ്പു കൂടുതലുള്ളത്. ജനുവരിയിലെ ഏറ്റവും ഉയർന്ന താപനില 16 °C ഉം കുറഞ്ഞ താപനില 3 °C ഉം ആണ്. ഒരു വർഷം ലഭിക്കുന്ന മഴയുടെ ഏകദേശ അളവ് 1500 മില്ലീമീറ്ററാണ്.[5]

2005 ലെ ഭൂമികുലുക്കം[തിരുത്തുക]

ജില്ലയിലെ മറ്റു പ്രദേശങ്ങൾക്കൊപ്പം ബാഘ് ജില്ലയിലും 2005 ലെ കാശ്മീർ ഭൂമികുലുക്കം കനത്ത നാശനഷ്ടങ്ങളുണ്ടാക്കി. പട്ടണത്തിലെ 60 ശതമാനം കെട്ടിടങ്ങളും ഈ ഭൂമികുലുക്കത്തിൽ തകർന്നടിഞ്ഞിരുന്നു. ആയിരക്കണക്കിനാളുകൾ മരണപ്പെടുകയും പതിനായിരക്കണക്കിനു പേർ ഭവനരഹിതരാകുകയും ചെയ്തിരുന്നു. ഭൂമികുലുക്കത്തിനു ശേഷം NATO യുടെ നേതൃത്വത്തിലുള്ള സംഘം ഇവിടെയെത്തുകയും പുനർനിർമ്മാണ പ്രവർത്തനങ്ങളും മറ്റും ആരംഭിക്കുകയും ചെയ്തു.[6] ഈ ജില്ലയിലെ ഒരു ഗ്രാമം മുഴുവനായി ഈ ഭൂമികുലുക്കത്തിൽ തുടച്ചു നീക്കപ്പെട്ടിരുന്നു.[7] യു.എസ്. പാകിസ്താൻ മുഖേന ഇവിടെ ജനങ്ങൾക്കുള്ള ഭക്ഷണവും വെള്ളവും വിതരണം ചെയ്തിരുന്നു.[8]

അവലംബം.[തിരുത്തുക]

  1. Government of Azad Kashmir
  2. Bagh District Statistics
  3. [https://web.archive.org/web/20110209052906/http://www.pmajk.gov.pk/history.asp#area Archived 2011-02-09 at the Wayback Machine. [2]]
  4. Snedden, Christopher (2015), Understanding Kashmir and Kashmiris, Oxford University Press, p. xxi, ISBN 978-1-84904-342-7
  5. 5.0 5.1 [https://web.archive.org/web/20150924001853/http://www.erra.pk/Reports/KMC/BaghProfile200907.pdf Archived 2015-09-24 at the Wayback Machine. [3]]
  6. [5]
  7. [6]
  8. [7]
"https://ml.wikipedia.org/w/index.php?title=ബാഘ്_ജില്ല&oldid=3987232" എന്ന താളിൽനിന്ന് ശേഖരിച്ചത്