ഉള്ളടക്കത്തിലേക്ക് പോവുക

ബലാത്സംഗം ഇന്ത്യയിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഒരു വ്യക്തി, മറ്റൊരു വ്യക്തിയുടെ സമ്മതത്തോടെയല്ലാതെ നടത്തുന്ന ലൈംഗികമായ സമ്പർക്കത്തെ അഥവാ അതിക്രമത്തെയാണ് ബലാത്സംഗം എന്ന് പറയുന്നത്. ലൈംഗിക ആസ്വാദനത്തേക്കാൾ ഉപരി കീഴടക്കലിന്റെ അധികാരമാണ് പലപ്പോഴും ബലാത്സംഗത്തിൽ നടക്കാറുള്ളത്. വിവാഹബന്ധത്തിൽ പോലും ധാരാളമായി ബലാത്സംഗം നടക്കാറുള്ളതായി കണക്കുകൾ സൂചിപ്പിക്കുന്നു. ചുണ്ടുകൾ, മാറിടം മറ്റു ശരീരഭാഗങ്ങൾ തുടങ്ങിയവ കടിച്ചു പൊട്ടിക്കുക, മാറിടത്തിൽ ഇടിക്കുക, സിഗരറ്റ് കുറ്റി കൊണ്ട് പൊള്ളിക്കുക തുടങ്ങി പല രീതിയിൽ ഉള്ള ക്രൂരമായ കൊലപാതകങ്ങൾ ബലാത്സംഗത്തിന് ഇരയാകുന്ന വ്യക്തി അനുഭവിക്കേണ്ടി വരാറുണ്ട്. അതിക്രമത്തിനിടക്ക് ചിലപ്പോൾ ഇരയ്ക്ക് മരണം പോലും സംഭവിക്കാം. ഇന്ത്യയിൽ സ്ത്രീകൾക്കു നേരെയുള്ള അതിക്രമങ്ങളിൽ ഏറ്റവും സാർവ്വജനീനമായ കുറ്റകൃത്യമാണ് ബലാത്സംഗം എന്ന് രാധാകുമാർ അഭിപ്രായപ്പെടുന്നു[1]. തോംസൺ റൊയിട്ടേഴ്സ് അഭിപ്രായസർവ്വേപ്രകാരം സ്ത്രീകൾക്ക് ഏറ്റവും മോശം ജീവിതസാഹചര്യങ്ങൾ ഉള്ള രാജ്യങ്ങളുടെ പട്ടികയിൽ ഇന്ത്യ നാലാം സ്ഥാനത്താണ്. ഇരയായ സ്ത്രീകളോട് സമൂഹം വച്ചുപുലർത്തുന്ന അവഹേളനങ്ങളും പരിഹാസവും ഇന്ത്യയിൽ സാധാരണമാണ്. രാജ്യത്ത് നിലനിൽക്കുന്ന പുരുഷാധിപത്യമാണ് ഇതിന്‌ കാരണമെന്ന് വിലയിരുത്തപ്പെടുന്നു[2]. എൻ.സി.ആർ.ബിയുടെ കണക്കുകൾ പ്രകാരം 24,206 ബലാത്സംഗ കേസുകളാണ് 2011-ൽ നടന്നതായി റിപ്പോർട്ട് ചെയ്യപ്പെട്ടിട്ടുള്ളത്.[3] സ്ത്രീകളെ തട്ടിക്കൊണ്ടുപോയ 25,000 ത്തോളം കേസുകളും, 38,000 മാനഭംഗ കേസുകളും റിപ്പോർട്ട് ചെയ്യപ്പെട്ടു[4]. എന്നാൽ, റിപ്പോർട്ട് ചെയ്യപ്പെടാത്ത സ്ത്രീകൾക്കു നേരെയുള്ള കുറ്റകൃത്യങ്ങൾ വളരെയധികമുണ്ടെന്നും, വളരെ കുറച്ച് സംഭവങ്ങൾ മാത്രമേ പുറംലോകം അറിയുന്നുള്ളുവെന്നും വിവിധ സ്ത്രീസംഘടനകൾ ആരോപിക്കുന്നു. 2008-ൽ റിപ്പോർട്ട് ചെയ്യപ്പെട്ട ബലാത്സംഗ കേസുകൾ 1990-ലെതിന്റെ രണ്ടിരട്ടിയാണ്.[5] 1980 വരെയും, ഇന്ത്യൻ നിയമപ്രകാരം ഭർത്തൃപീഡനം ബലാത്സംഗത്തിന്റെ പരിധിയിൽ വരുമായിരുന്നില്ല. 1983-ൽ ഇന്ത്യൻ ശിക്ഷാനിയമം തിരുത്തുകയും, ഭർത്തൃപീഡനത്തെ ബലാത്സംഗത്തിന്റെ പരിധിയിൽ കൊണ്ടുവരികയും ചെയ്തെങ്കിലും ഇന്നും വൈവാഹിക ബലാത്സംഗം ഇന്നും ഇന്ത്യയിൽ വ്യാപകമാണ്. ഇത് സ്ത്രീകൾക്ക് ശാരീരികവും മാനസികവുമായ പരിക്കുകൾ പറ്റാൻ ഇടയാക്കുകയും അവരെ ഭയത്തിലേക്കും ലൈംഗിക വിരക്തിയിലേക്കും നയിക്കുകയും ചെയ്യുന്നു. ഇന്ത്യയിലെ പല വിവാഹബന്ധങ്ങളുടെയും തകർച്ചക്ക് ഭർത്തൃബലാത്സംഗം ഒരു പ്രധാന കാരണം തന്നെയാണ്.[6]

കണക്കുകൾ

[തിരുത്തുക]
ബലാത്സംഗത്തിനെതിരെ ഡൽഹിയിൽ നടന്ന പ്രക്ഷോഭം

ഇന്ത്യാ വിഭജന കാലഘട്ടത്തിൽ ഒരു ലക്ഷത്തോളം സ്ത്രീകളെ തട്ടിക്കൊണ്ടുപോകുകയും ലൈംഗികപീഡനത്തിനു വിധേയരാക്കുകയും ചെയ്യപ്പെട്ടിട്ടുണ്ട്.[7][8] ഇന്ത്യയുടെ 1971-ലെ കണക്കുകളുമായി താരതമ്യം ചെയ്യുമ്പോൾ ലൈംഗികപീഡനം 700 ശതമാനത്തിലേറെയാണ് വർദ്ധിച്ചത്. എൻ.സി.ആർ.ബി റിപ്പോർട്ട് പ്രകാരം 53 ലൈംഗികപീഡനങ്ങളാണ് ദിവസവും ഇന്ത്യയിൽ നടക്കുന്നത്. ഇന്ത്യയിൽ ഓരോ 34 മിനിറ്റുകൾക്കുള്ളിലും ഒരു സ്ത്രീ ബലാത്സംഗം ചെയ്യപ്പെടുന്നു.[9] ഇന്ത്യൻ പുരുഷന്മാരിൽ നാലിൽ ഒരാൾ ജീവിതത്തിൽ ഒരിക്കലെങ്കിലും ലൈംഗിക അതിക്രമം നടത്തിയവരാണ് എന്ന് അന്തർദേശീയ സ്ത്രീപുരുഷ തുല്യതാ സർവ്വെയുടെ ഫലങ്ങൾ പറയുന്നു. അഞ്ചിൽ ഒന്ന് പുരുഷന്മാരും തങ്ങളുടെ ഭാര്യയേയോ ലൈംഗിക പങ്കാളിയെയോ ലൈംഗിക ബന്ധത്തിനു വേണ്ടി നിർബന്ധിക്കുന്നു എന്നും ഈ പഠനം സൂചിപ്പിക്കുന്നു.[10] ഇന്ത്യയിൽ ലൈംഗിക തൃഷ്ണ അടിച്ചമർത്തപ്പെടുന്നതുകൊണ്ടും, സ്ത്രീകളെ ലൈംഗിക ഉപകരണങ്ങളായി മാത്രം കാണുന്നതുകൊണ്ടുമാണ് ലൈംഗികാതിക്രമങ്ങൾ വർദ്ധിക്കുന്നത് എന്ന് ചില സ്ത്രീപക്ഷ ചിന്തകർ അഭിപ്രായപ്പെട്ടിട്ടുണ്ട്. ലിംഗ അസമത്വം, താഴ്ന്ന ജീവിത നിലവാരം, ലൈംഗികതയെ പറ്റിയുള്ള വികലമായ ധാരണകൾ, ബലം പ്രയോഗിച്ചോ ഭയപ്പെടുത്തിയോ ഉള്ള ലൈംഗികതയെ അനുകൂലിക്കുന്ന കാഴ്ചപ്പാട്, പ്രതികാര മനോഭാവം, സാംസ്കാരികമായ കാഴ്ചപ്പാടുകൾ എന്നിവയൊക്കെ ഇതിന്‌ കാരണമാകാം.[10] 2006-ൽ 7,618 സ്ത്രീകൾ സ്ത്രീധനപീഡനങ്ങൾക്കിരയായി കൊല്ലപ്പെട്ടു. ഇത്, 2005-ലെ കണക്കുകളെക്കാൾ 12 ശതമാനം അധികമാണ്. ഇന്ത്യയുടെ ലൈംഗികാതിക്രമ തലസ്ഥാനം എന്ന് കുപ്രസിദ്ധി നേടിയ ഡെൽഹിയിൽ റിപ്പോർട്ട് ചെയ്യപ്പെട്ട 414 കേസുകളിൽ 34.6 ശതമാനത്തിൽ മാത്രമേ കുറ്റവാളികൾ ശിക്ഷിക്കപ്പെട്ടിട്ടുള്ളൂ.[11] 2011-ൽ 26,000 ലൈംഗിക പീഡന കേസുകൾ റിപ്പോർട്ട് ചെയ്തു.[12] ആകെ റിപ്പോർട്ട് ചെയ്യപ്പെട്ട 256,329 അക്രമങ്ങളിൽ 228,650 എണ്ണവും സ്ത്രീകൾക്കെതിരായുള്ളതായിരുന്നു.[13]

നിയമങ്ങൾ

[തിരുത്തുക]
  • ഭാരതീയ ന്യായ സംഹിത, 2023 (BNS) നിലവിൽ വന്നതോടെ ലൈംഗിക കുറ്റകൃത്യങ്ങൾ, പ്രത്യേകിച്ച് ബലാത്സംഗം എന്ന ഗുരുതര കുറ്റം, നിയമം വളരെ കർശനമായ രീതിയിലാണ് കൈകാര്യം ചെയ്യുന്നത്. BNS ലെ സെക്ഷൻ 63 പ്രകാരം സ്ത്രീയുടെ വ്യക്തമായ സമ്മതമില്ലാതെ, അല്ലെങ്കിൽ നിയമം സമ്മതമല്ലെന്ന് കണക്കാക്കുന്ന സാഹചര്യങ്ങളിൽ (ഭീഷണി, ബലപ്രയോഗം, വഞ്ചന, മയക്കുമരുന്ന്, മാനസിക അവസ്ഥ മുതലായവ) നടക്കുന്ന ലൈംഗിക ബന്ധം ബലാത്സംഗം ആയി നിർവചിക്കുന്നു.
  • ഇവിടെ ഏറ്റവും പ്രധാനപ്പെട്ട കാര്യം, 18 വയസ്സിന് താഴെയുള്ള പെൺകുട്ടിയുടെ “സമ്മതം” നിയമപരമായി അസാധുവാണ് എന്നതാണ്. അതിനാൽ പ്രായപൂർത്തിയാകാത്ത കുട്ടിയോട് ലൈംഗിക ബന്ധം ഉണ്ടെങ്കിൽ, സമ്മതം ഉണ്ടെന്ന വാദം നിയമപരമായി നിലനിൽക്കില്ല. Section 64 പ്രകാരം ബലാത്സംഗ കുറ്റത്തിന് കുറഞ്ഞത് 10 വർഷം തടവും, ഗുരുതര സാഹചര്യങ്ങളിൽ ജീവപര്യന്തം തടവും വരെ ശിക്ഷ ലഭിക്കും.
  • അതുപോലെ, ബലാത്സംഗം മൂലം ഇര മരിക്കുകയോ, സ്ഥിരമായ vegetative state ലേക്ക് എത്തുകയോ ചെയ്താൽ Section 66 പ്രകാരം ജീവപര്യന്തം തടവോ, മരണശിക്ഷയോ വരെ കോടതി വിധിക്കാവുന്നതാണ്.
  • കൂട്ടബലാത്സംഗം ( Gang rape) നടന്നാൽ Section 70 പ്രകാരം എല്ലാ പ്രതികൾക്കും ഒരുപോലെ കർശനമായ ജീവപര്യന്തം തടവ് വരെ ശിക്ഷ ലഭിക്കും. കൊച്ചു കുട്ടികൾക്കെതിരായ ലൈംഗിക കുറ്റകൃത്യങ്ങൾ വരുമ്പോൾ, BNS നോടൊപ്പം പോക്സോ ആക്ട്, 2012 കൂടി ബാധകമാകുന്നു.
  • 18 വയസ്സിന് താഴെയുള്ള ഏതു കുട്ടിയോടുള്ള penetrative sexual assault-ഉം പോക്സോ ആക്ട് സെക്ഷൻ 3 പ്രകാരം ഗുരുതര കുറ്റമാണ്. കുട്ടിക്ക് 12 വയസ്സിന് താഴെയാണെങ്കിൽ, അല്ലെങ്കിൽ കുറ്റം ചെയ്തയാൾ മാതാപിതാവ്, ബന്ധു, അധ്യാപകൻ, ഗാർഡിയൻ, പോലീസ് ഉദ്യോഗസ്ഥൻ തുടങ്ങിയ വിശ്വാസപദവിയിലുള്ള വ്യക്തിയാണെങ്കിൽ, അത് Aggravated Penetrative Sexual Assault ആയി കണക്കാക്കപ്പെടുന്നു (Section 5). ഇത്തരം കേസുകളിൽ Section 6 പ്രകാരം കുറഞ്ഞത് 20 വർഷം തടവ്, ജീവപര്യന്തം തടവ്, അത്യന്തം ഗുരുതര സാഹചര്യങ്ങളിൽ മരണശിക്ഷ വരെ നൽകാൻ നിയമം അനുവദിക്കുന്നു.
  • കുട്ടിയുടെ ശരീരവും മനസ്സും സംരക്ഷിക്കുകയാണ് നിയമത്തിന്റെ മുഖ്യലക്ഷ്യം എന്നതിനാൽ, ഇവിടെ യാതൊരു തരത്തിലുള്ള ഒത്തുതീർപ്പ്, settlement, മീഡിയേഷൻ എന്നിവക്കും നിയമം അനുവാദം നൽകുന്നില്ല. നിയമനടപടികളുടെ ഭാഗമായി, ഇത്തരം കുറ്റങ്ങളിൽ FIR രജിസ്റ്റർ ചെയ്യുന്നത് നിർബന്ധമാണ്, കാരണം ഇവ cognizable, non-bailable offences ആണ്.
  • കുട്ടിയുടെ മൊഴി വനിതാ പോലീസ് ഓഫീസർ മുഖേന, ശിശു സൗഹൃദ അന്തരീക്ഷത്തിൽ രേഖപ്പെടുത്തണം. പിന്നീട് BNSS Section 164 പ്രകാരം ജുഡീഷ്യൽ മജിസ്‌ട്രേറ്റ് മുൻപാകെ കുട്ടിയുടെ മൊഴി എടുക്കുകയും ചെയ്യും. മെഡിക്കൽ പരിശോധന കുട്ടിയുടെയും രക്ഷിതാവിന്റെയും മാനസികാവസ്ഥ മാനിച്ചാണ് നടത്തേണ്ടത്; privacy ലംഘിക്കുന്നത് കുറ്റകരമാണ്.
  • അന്വേഷണം വേഗത്തിൽ പൂർത്തിയാക്കി ചാർജ് ഷീറ്റ് സമർപ്പിക്കേണ്ടതും, വിചാരണ പോക്സോ സ്പെഷ്യൽ കോടതിയിൽ, പൊതുജനങ്ങൾക്ക് പ്രവേശനമില്ലാത്ത in-camera trial ആയി നടത്തേണ്ടതുമാണ്. ഇരയുടെ തിരിച്ചറിയൽ വിവരങ്ങൾ പ്രസിദ്ധീകരിക്കുന്നത് നിയമപരമായി കുറ്റമാണ്; അതോടൊപ്പം നഷ്ട പരിഹാരം, കൗൺസിലിങ്, റീഹാബിലിറ്റേഷൻ തുടങ്ങിയ അവകാശങ്ങളും കുട്ടിക്ക് ലഭ്യമാണ്.
  • ചുരുക്കമായി പറഞ്ഞാൽ, ബലാത്സംഗം എന്നത് ശരീരത്തോടുള്ള ആക്രമണം മാത്രമല്ല, ഒരാളുടെ ആത്മാഭിമാനത്തെയും ഭാവിയെയും തകർക്കുന്ന കുറ്റമാണ്. പ്രത്യേകിച്ച് കൊച്ചു കുട്ടികളോടുള്ള ലൈംഗിക കുറ്റകൃത്യങ്ങളിൽ, ഇന്ത്യൻ നിയമം “Zero tolerance” നിലപാടാണ് സ്വീകരിച്ചിരിക്കുന്നത്. കുറ്റവാളിക്ക് കർശനമായ ശിക്ഷ ഉറപ്പാക്കുന്നതോടൊപ്പം, ഇരയ്ക്ക് നിയമപരമായ സംരക്ഷണവും മാനസിക പിന്തുണയും നൽകുക എന്നതാണ് BNSയും POCSO നിയമവും ലക്ഷ്യമിടുന്നത്.
  • ഈ കുറിപ്പ് പൊതുവായ നിയമവിവരവും നിയമബോധവൽക്കരണവും ലക്ഷ്യമാക്കി തയ്യാറാക്കിയതാണ്. വ്യക്തിഗതമായോ പ്രത്യേകമായോ നിയമപ്രശ്നങ്ങളിൽ നടപടി സ്വീകരിക്കുന്നതിന് മുൻപ് ബന്ധപ്പെട്ട വിഷയത്തിൽ പ്രാവീണ്യമുള്ള വക്കീലയെയോ നിയമവിദഗ്ധനെയോ സമീപിക്കുക.

പ്രധാന ലൈംഗിക പീഡന കേസുകൾ

[തിരുത്തുക]
  • 1996-ൽ ഇടുക്കിയിലെ സൂര്യനെല്ലിയിൽ വച്ച് 16 വയസ്സുള്ള പെൺകുട്ടിയെ 40 ദിവസങ്ങളോളം 42 ആളുകൾ ലൈംഗികമായി പീഡിപ്പിച്ചു എന്ന കേസിൽ മുഖ്യ പ്രതികൾ ശിക്ഷിക്കപ്പെട്ടു.[14]
  • 1999-ൽ ഐ.എ.എസ് ഉദ്യോഗസ്ഥ നളിനി നെറ്റോയെ പീഡിപ്പിച്ചു എന്ന കുറ്റത്തിന് നീലലോഹിതദാസൻ നാടാർ എം.എൽ.എയെ കോടതി മൂന്നു മാസം തടവിനു വിധിച്ചു.[15]
  • 2003-ൽ സീരിയലിൽ അഭിനയിപ്പിക്കാമെന്ന വ്യാജേന വിളിച്ചുവരുത്തി കിളിരൂർ സ്വദേശിനി ശാരി എന്ന പെൺകുട്ടിയെ ബലാത്സംഗത്തിനിരയാക്കി. പ്രസവാനന്തര ആരോഗ്യപ്രശ്നങ്ങൾ മൂലം ഇവർ മരണമടഞ്ഞു.[16]
  • 2004-ൽ കവിയൂർ സ്വദേശിനി അനഘ മരണത്തിനു ദിവസങ്ങൾക്കു മുൻപ് ബലാത്സംഗം ചെയ്യപ്പെട്ടിരുന്നു എന്ന് സി.ബി.ഐ കണ്ടെത്തി.[17]
  • 2005-ൽ കോട്ടയത്ത് നെഴ്സിങ് വിദ്യാർത്ഥിനിയെ റാഗിങ്ങിന്റെ പേരിൽ സീനിയർ വിദ്യാർഥികൾ ലൈംഗിക പീഡനത്തിനു വിധേയയാക്കി.[18]
  • 2008 ഫെബ്രുവരിയിൽ 18 വയസ്സുള്ള ബ്രിട്ടീഷ് സന്നദ്ധസേവകയെ രണ്ട് ടാക്സി ഡ്രൈവർമാർ ചേർന്ന് ഹിമാചൽ പ്രദേശിലെ പാലമ്പൂരിൽ വച്ച് ലൈംഗികമായി പീഡിപ്പിച്ചു.[19]
  • 2008 ഫെബ്രുവരിയിൽ സ്കാർലറ്റ് കീലിങ് എന്ന 15 വയസ്സുകാരി പെൺകുട്ടിയെ ഗോവയിലെ ഒരു വിനോദസഞ്ചാരകേന്ത്രത്തിൽ വച്ച് അനേകം വ്യക്തികൾ ലൈംഗികമായി പീഡിപ്പിക്കുകയും, വധിക്കുകയും ചെയ്തു.[20] 50 മുറിവുകളാണ് ഈ പെൺകുട്ടിയുടെ ശരീരത്തിൽ ഉണ്ടായിരുന്നത്.[21][22]
  • 2009 ഡിസംബറിൽ ശാന്തറാം നായിക് എന്ന ലോകസഭാംഗം തന്നെ പീഡിപ്പിച്ചതായി ഒരു റഷ്യൻ യുവതി ആരോപിച്ചു.[23]
  • 2011-ൽ ട്രെയിനിൽ യാത്ര ചെയ്യുകയായിരുന്ന സൗമ്യ എന്ന യുവതിയെ ഗോവിന്ദച്ചാമി എന്നയാൾ ലൈംഗികമായി പീഡിപ്പിക്കുകയും, മാരകമായി പരിക്കേൽപ്പിക്കുകയും ചെയ്തു. ദിവസങ്ങൾക്കുശേഷം സൗമ്യ തൃശൂർ മെഡിക്കൽ കോളേജിൽ വച്ച് മരണപ്പെട്ടു.
  • 2012 ഏപ്രിൽ 9-ന് ഉത്തരാഖണ്ഡിന്റെ തലസ്ഥാനമായ ഡെറാഡൂണിലെ ഹിന്ദു നാഷണൽ കോളേജിനു സമീപമുള്ള റോഡിൽവച്ച് ഒരു സംഘം യുവതികൾ ഒരു പുരുഷനെ തട്ടിക്കൊണ്ടുപോയി ബലാൽസംഗം ചെയ്യുകയും ദൃശ്യങ്ങൾ മൊബൈലിൽ പകർത്തുകയും ചെയ്തു. യുവാവ് പോലീസിൽ പരാതി നൽകുകയും പോലീസ് കേസെടുത്ത് എഫ്.ഐ.ആർ തയ്യാറാക്കുകയും ചെയ്തു. പോലീസ് ഭാഷ്യപ്രകാരം, വഴി ചോദിക്കാനെന്ന വ്യാജേന അടുത്തുവന്ന സ്ത്രീകൾ യുവാവിന്റെ മുഖത്തേയ്ക്ക് എന്തോ എറിഞ്ഞ് അയാളെ ബോധരഹിതനാക്കിയാണ് തട്ടിക്കൊണ്ടൂ പോയത്.[24][25]
  • 2012 ഡിസംബർ 16-ന് സുഹൃത്തിനൊപ്പം യാത്ര ചെയ്തിരുന്ന 23-വയസ്സുള്ള ജ്യോതി എന്ന യുവതിയെ ബസ്സ് ജീവനക്കാർ കൂട്ട ബലാത്സംഗം ചെയ്യുകയും വിവസ്ത്രയാക്കി റോഡരികിൽ തള്ളുകയും ചെയ്തു. മാരകമായ പരിക്കുകളോടെ യുവതിയെ ആശുപത്രിയിൽ പ്രവേശിപ്പിച്ചു.ദിവസങ്ങൾക്കകം സിംഗപ്പൂർ മൗണ്ട് എലിസബത്ത് ആശുപത്രിയിൽ വച്ച് ജ്യോതി മരണപ്പെട്ടു[26] ആറു പ്രതികൾ പൊലീസ് പിടിയിലായി. രാജ്യം മുഴുവൻ പ്രതിഷേധ പ്രകടനങ്ങൾ നടന്നു.[27] [28]

അഭിപ്രായങ്ങൾ

[തിരുത്തുക]
ബലാത്സംഗം ചെയ്യുന്നവരെ തൂക്കിലേറ്റണം എന്ന ആവശ്യവുമായി ഡൽഹിയിൽ നടന്ന പ്രകടനത്തിൽ നിന്ന്

2012 ഡിസംബറിലെ ഡെൽഹി ലൈംഗികപീഡനക്കേസിലെ പ്രതികളെ തൂക്കിലേറ്റണമെന്ന് പ്രതിപക്ഷ നേതാവ് സുഷമ സ്വരാജ് ആവശ്യപ്പെട്ടു. ലൈംഗിക പീഡനത്തിനു നൽകാവുന്ന മാതൃകാപരമായ ശിക്ഷ വധശിക്ഷയാണെന്ന് അവർ അവകാശപ്പെട്ടു.[29] ഇതേ സംഭവത്തെ അപലപിച്ച എഴുത്തുകാരി അരുന്ധതി റോയ്, ദളിത് സ്ത്രീകൾക്കു നേരെ നടക്കുന്ന ലൈംഗികാതിക്രമങ്ങൾ പ്രാധാന്യത്തോടു കൂടി റിപ്പോർട്ട് ചെയ്യപ്പെടുന്നില്ലെന്നും, മധ്യവർഗ്ഗ കുടുംബത്തിൽ പെട്ട സ്ത്രീയായതിനാലാണ് ഡെൽഹി സംഭവത്തിന് പ്രാധാന്യം ലഭിച്ചതെന്നും പറഞ്ഞു. മണിപ്പൂരിൽ ഇന്ത്യൻ സൈന്യം ബലാത്സംഗത്തെ ആയുധമായാണ് കാണുന്നതെന്നും അവർ കുറ്റപ്പെടുത്തി.[30] ഡെൽഹിയിലെ പൊലിസ് ഉദ്യോഗസ്ഥർക്കിടയിൽ തെഹൽക നടത്തിയ പഠനത്തിൽ സ്ത്രീകൾ പ്രലോഭനപരമായ വസ്ത്രങ്ങൾ ധരിക്കുന്നതുകൊണ്ടൂം, രാത്രി ഒറ്റയ്ക്ക് പുറത്തിറങ്ങുന്നതുകൊണ്ടും ആണ് പീഡിപ്പിക്കപ്പെടുന്നതെന്ന് പല ഉദ്യോഗസ്ഥരും കരുതുന്നതായി വെളിപ്പെടുത്തി.[31] നടനും നിർമ്മാതാവുമായ കമലഹാസൻ ഡെൽഹി സംഭവത്തെ ഉദ്ധരിച്ചുകൊണ്ട്, ഒരു തെറ്റിനുള്ള ശിക്ഷ മറ്റൊരു തെറ്റല്ലെന്നും, കുറ്റവാളിയെ വധശിക്ഷയ്ക്ക് വിധേയനാക്കുന്നതിനോട് യോജിക്കുന്നില്ലെന്നും പറഞ്ഞു.[32] രാഷ്ട്രപതി പ്രണബ് മുഖർജിയുടെ മകൻ അഭിജീത് മുഖർജി, "ബലാത്സംഗത്തിനെതിരെ പ്രക്ഷോഭം നടത്തുന്നവരിൽ ഭൂരിഭാഗവും "ചായമടിച്ച, വക്രതകൾ കാണിക്കുന്ന" സ്ത്രീകളാണെന്ന് അഭിപ്രായപ്പെടുകയും,[33] പിന്നീട് പ്രസ്താവന പിന്വലിക്കുകയും ചെയ്തു.[34][35][36] അഭിജീതിന്റെ സഹോദരി, ജ്യേഷ്ഠന്റെ നിലപാടുകൾ തന്റെ കുടുംബത്തിന്റെ നിലപാടല്ലെന്നും, സഹോദരന്റെ പ്രസ്താവനയിൽ ഖേദിക്കുന്നുവെന്നും, ഇന്ത്യയിലെ സ്ത്രീകളോട് അഭിജീതിനു വേണ്ടി മാപ്പു ചോദിക്കുന്നുവെന്നും പറഞ്ഞു.

ഇതും കൂടി കാണുക

[തിരുത്തുക]

അവലംബം

[തിരുത്തുക]
  1. ↑ Kumar, Radha (1993). The History of Doing: An Account of Women's Rights and Feminism in India. Zubaan. p. 128. ISBN 978-8185107769.
  2. ↑ "India is fourth most dangerous place in the world for women: Poll : Invisible India, News - India Today". Indiatoday.intoday.in. 2011-06-16. Retrieved 2012-12-21.
  3. ↑ "Human Rights Watch calls for end to 'two-finger test' for rape victims in India - Indian Express". Retrieved 2013-01-01. {{cite web}}: Cite has empty unknown parameter: |coauthors= (help)
  4. ↑ "IPS – INDIA: 60 Registered Rapes a Day | Inter Press Service". Ipsnews.net. 2011-03-11. Retrieved 2012-12-21.
  5. ↑ "http://www.arabnews.com/indian-student-gang-raped-thrown-bus-new-delhi". AFP. 17 December 2012. {{cite web}}: External link in |title= (help); Missing or empty |url= (help)
  6. ↑ Kinnear, Karen L. (2011). Women in Developing Countries: A Reference Handbook. ABC-CLIO. pp. 26–27. ISBN 978-1598844252.
  7. ↑ Žarkov, Dubravka (2007). The Body of War: Media, Ethnicity, and Gender in the Break-Up of Yugoslavia. Duke University Press. p. 172. ISBN 978-0822339663.
  8. ↑ Butalia, Urvashi. Harsh Dobhal (ed.). Writings on Human Rights, Law and Society in India: A Combat Law Anthology. Human Rights Law Network. p. 598. ISBN 81-89479-78-4.
  9. ↑ "One woman raped every 34 minutes in India: Study - Bangalore - DNA". Dnaindia.com. 2011-02-08. Retrieved 2012-12-21.
  10. 1 2 Neha Bhayana, TNN Mar 7, 2011, 12.30am IST (2011-03-07). "Indian men lead in sexual violence, worst on gender equality: Study - Times Of India". Articles.timesofindia.indiatimes.com. Archived from the original on 2013-05-10. Retrieved 2012-12-21.{{cite web}}: CS1 maint: multiple names: authors list (link) CS1 maint: numeric names: authors list (link)
  11. ↑ "India's Independent Weekly News Magazine". Tehelka. Archived from the original on 2012-12-04. Retrieved 2012-12-21.
  12. ↑ "Protests against Delhi gang-rape turn violent". Gulf Times. Retrieved 2012-12-24.
  13. ↑ "India police 'kill journalist' at Manipur protest". BBC News. BBC. 23 December 2012. Retrieved 23 December 2012.
  14. ↑ "ആർക്കൈവ് പകർപ്പ്". Archived from the original on 2012-12-31. Retrieved 2012-12-24.
  15. ↑ "ആർക്കൈവ് പകർപ്പ്". Archived from the original on 2012-11-04. Retrieved 2012-12-24.
  16. ↑ http://zeenews.india.com/news/kerala/five-held-guilty-in-kiliroor-sex-case_757003.html
  17. ↑ "ആർക്കൈവ് പകർപ്പ്". Archived from the original on 2011-12-20. Retrieved 2012-12-24.
  18. ↑ http://www.hindu.com/2005/11/15/stories/2005111512290400.htm
  19. ↑ Mail Foreign Service (2009-06-20). "British girl, 18, teaching in India 'raped by two taxi drivers' | Mail Online". Dailymail.co.uk. Retrieved 2012-12-21.
  20. ↑ http://www.bbc.co.uk/news/uk-england-devon-18444677
  21. ↑ Arthur Martin (2010-08-02). "Murdered Scarlett Keeling's body had 50 injuries | Mail Online". Dailymail.co.uk. Retrieved 2012-12-21.
  22. ↑ "Scarlett Keeling's body to be buried four years after Goa murder". Telegraph. 2012-04-18. Retrieved 2012-12-21.
  23. ↑ "Goa MP Shantaram Naik says some women invite rape - India - DNA". Dnaindia.com. 2009-12-15. Retrieved 2012-12-24.
  24. ↑ "Gang Of Girls Abused A Man And Created MMS In Dehradun – 24×7 Bulletin | Update Yourself". Archived from the original on 2012-09-18. Retrieved 2013-01-03. {{cite web}}: Cite has empty unknown parameter: |coauthors= (help)
  25. ↑ "Man 'raped' by a gang of girls, claims perpetrators shot MMS". Retrieved 2013-01-03. {{cite web}}: Cite has empty unknown parameter: |coauthors= (help)[പ്രവർത്തിക്കാത്ത കണ്ണി]
  26. ↑ "No option, victim's intestines removed". Hindustan Times. Archived from the original on 2015-04-03. Retrieved 2012-12-21.
  27. ↑ 4:54PM GMT 19 Dec 2012. "Video: Protests grow over gang rape of Indian woman". Telegraph. Archived from the original on 2014-12-02. Retrieved 2012-12-21.{{cite web}}: CS1 maint: numeric names: authors list (link)
  28. ↑ "Un muerto en la India durante las protestas contra una violación". Lavanguardia.com. Retrieved 2012-12-24.
  29. ↑ "Delhi bus gang rape: Uproar in Indian parliament". ബി.ബി.സി വാർത്ത. 18 ഡിസംബർ 2012. ശേഖരിച്ചത് 19 ഡിസംബർ 2012.
  30. ↑ "ആർക്കൈവ് പകർപ്പ്". Archived from the original on 2012-12-31. Retrieved 2012-12-24.
  31. ↑ "ആർക്കൈവ് പകർപ്പ്". Archived from the original on 2013-01-14. Retrieved 2012-12-24.
  32. ↑ "ആർക്കൈവ് പകർപ്പ്". Archived from the original on 2012-12-30. Retrieved 2012-12-24.
  33. ↑ http://economictimes.indiatimes.com/news/politics-and-nation/president-pranab-mukherjees-son-abhijit-terms-anti-rape-protesters-dented-and-painted-women/articleshow/17781372.cms
  34. ↑ "ആർക്കൈവ് പകർപ്പ്". Archived from the original on 2012-12-30. Retrieved 2013-01-03.
  35. ↑ "ആർക്കൈവ് പകർപ്പ്". Retrieved 2013-02-16.{{cite web}}: CS1 maint: deprecated archival service (link)
  36. ↑ http://articles.timesofindia.indiatimes.com/2012-12-27/india/36021507_1_abhijit-mukherjee-jangipur-women-activists[പ്രവർത്തിക്കാത്ത കണ്ണി]

കൂടുതൽ വായനയ്ക്ക്

[തിരുത്തുക]
"https://ml.wikipedia.org/w/index.php?title=ബലാത്സംഗം_ഇന്ത്യയിൽ&oldid=4594302" എന്ന താളിൽനിന്ന് ശേഖരിച്ചത്