ഫെമിനിച്ചി ഫാത്തിമ
ഫാസിൽ മുഹമ്മദ് സംവിധാനം ചെയ്ത ഒരു മലയാളം ചിത്രമാണ് ഫെമിനിച്ചി ഫാത്തിമ.[1] ലിംഗസമത്വം, സാംസ്കാരിക പാരമ്പര്യം, വ്യക്തി ശാക്തീകരണം എന്നീ പ്രമേയങ്ങൾ കേന്ദ്ര കഥാപാത്രമായ, ഫാത്തിമയുടെ കണ്ണിലൂടെ കാണുന്ന സിനിമയാണ് ഈ ചിത്രം. ഇതിലെ അഭിനയത്തിന് നടി ഷംല ഹംസയ്ക്ക് ഏറ്റവും നല്ല നടിക്കുള്ള കേരള സംസ്ഥാന അവാർഡ് ലഭിച്ചു. 100 മിനിറ്റ് ദൈർഘ്യമുള്ള ചിത്രം 2024 ൽ, 29-ാമത് കേരള രാജ്യാന്തര ചലച്ചിത്രമേളയിൽ പ്രദർശിപ്പിച്ചിരുന്നു. മേളയിൽ മത്സരവിഭാഗത്തിൽ ഈ ചിത്രത്തിന് ഏറ്റവും മികച്ച ചിത്രത്തിനുള്ള പ്രേക്ഷക പുരസ്കാരം ലഭിച്ചു. അന്താരാഷ്ട്ര മത്സര വിഭാഗത്തിലെ മികച്ച ചിത്രത്തിനുള്ള ഫിപ്രസി പുരസ്കാരവും, മികച്ച മലയാള ചിത്രത്തിനുള്ള നെറ്റ്പാക് പുരസ്കാരവും ഈ ചിത്രത്തിനു ലഭിച്ചു. അന്താരാഷ്ട്ര മത്സര വിഭാഗത്തിൽ മികച്ച തിരക്കഥക്കുള്ള ജൂറി പുരസ്കാരവും കെ.ആർ. മോഹനൻ പുരസ്കാരവും സംവിധായകൻ ഫാസിൽ മുഹമ്മദിന് ലഭിച്ചു.[2]
ഉള്ളടക്കം
[തിരുത്തുക]പൊന്നാനിയിലെ തീരദേശം പശ്ചാത്തലമായ ഈ ചിത്രത്തിൽ വീട്ടമ്മയായ ഫാത്തിമയാണ് പ്രധാന കഥാപാത്രം. ഭർത്താവായ അഷ്റഫിന്റെ കർശന നിയന്ത്രണത്തിൽ ജീവിക്കുന്ന ഫാത്തിമ തന്റെ മകൻ മൂത്രമൊഴിച്ച മെത്തയ്ക്ക് പകരം പുതിയൊരു മെത്ത വാങ്ങാൻ ശ്രമിക്കുന്നതാണ് കഥയുടെ പ്രമേയം. [3][4]
അഭിനേതാക്കൾ
[തിരുത്തുക]- ഫാത്തിമയായി ഷംല ഹംസ
- ഉസ്താദായി കുമാർ സുനിൽ
നിർമ്മാണം
[തിരുത്തുക]തമർ കെ വിയും സുധീഷ് സ്കറിയയും ചേർന്നാണ് ചിത്രം നിർമ്മിച്ചത്. പ്രിൻസ് ഫ്രാൻസിസ് ഛായാഗ്രഹണം നിർവഹിച്ചിരിക്കുന്നു.
അവലംബം
[തിരുത്തുക]- ↑ Ragesh, G. "Real-life Fathimas were my first audience, says Feminichy Fathima director Fazil Muhammed". Onmanorama (in ഇംഗ്ലീഷ്). Retrieved 18 December 2024.
- ↑ "മാതൃഭൂമി". www.mathrubhumi.com. www.mathrubhumi.com. 20 December 2024. Retrieved 20 December 2024.
- ↑ "Feminichi Fathima wins hearts for bold take on patriarchy". The Times of India. 16 December 2024. Retrieved 18 December 2024.
- ↑ M, Athira (17 December 2024). "IFFK 2024: 'Feminichi Fathima' is a satirical take on patriarchy". The Hindu (in Indian English). Retrieved 18 December 2024.
[[വർഗ്ഗം:കേരള രാജ്യാന്തര ചലച്ചിത്രമേളയിൽ ഏറ്റവും മികച്ച ചിത്രത്തിനുള്ള പ്രേക്ഷക പുരസ്കാരം ലഭിച്ച ചിത്രങ്ങൾ]]