ഫാനി ഹെസ്സെ
സൂക്ഷ്മജീവശാസ്ത്രരംഗത്ത് സുപ്രധാന സംഭാവനകൾ നൽകിയ ഒരു വനിതയാണ് ഫാനി ഹെസ്സെ (1850 ജൂൺ 22 - 1934 ഡിസംബർ 1).[1] ഏഞ്ചലീന ഫാനി എലിഷേമിയസ് എന്നായിരുന്നു ഇവരുടെ യഥാർത്ഥ പേര്. ഭർത്താവ് വാൽതർ ഹെസ്സേയും സൂക്ഷ്മ ജീവശാസ്ത്രരംഗത്തു പ്രവർത്തിച്ചിരുന്നു. സൂക്ഷ്മജീവികളെ വളർത്തുന്നതിനുള്ള മാധ്യമമായി അഗർ ഉപയോഗിക്കാമെന്ന് കണ്ടെത്തിയതാണ് ഫാനി ഹെസ്സെയും വാൾത്തർ ഹെസ്സെയും പ്രശസ്തരാക്കിയത്.[2] അന്നുവരെ സൂക്ഷ്മജീവികളെ വളർത്താൻ ഉപയോഗിച്ചിരുന്നത് ജെലാറ്റിൻ എന്ന വസ്തുവായിരുന്നു. വളരെയധികം ന്യൂനതകൾ ഇതിനുണ്ടായിരുന്നു. അന്തരീക്ഷ ഊഷ്മാവ് കൂടിയാൽ ജെലാറ്റിൻ ഉരുകിപ്പോകുമായിരുന്നു, കൂടാതെ പല ബാക്ടീരിയകളും ജെലാറ്റിൻ വിശ്ലേഷണം നടത്താനായി എൻസൈമുകൾ ഉത്പാദിപ്പിക്കാൻ കഴിവുള്ളവയുമായിരുന്നു. ജെലാറ്റിൻ ഉപയോഗിച്ച്‌ ബാക്റ്റീരിയയെ വളർത്താനുള്ള ബുദ്ധിമുട്ടുകൾ തന്റെ ഭർത്താവിൽ നിന്നും കേട്ടറിഞ്ഞ ഫാനി , അവരുടെ മാതാവ് ജെല്ലികളും പുഡിങ്ങുകളും ഉണ്ടാക്കാൻ ഉപയോഗിച്ചിരുന്ന അഗർ എന്ന പദാർത്ഥം ജെലാറ്റിനു പകരം ഉപയോഗിക്കാമെന്ന് നിർദ്ദേശിക്കുകയായിരുന്നു. റോബർട്ട് കോച്ച് എന്ന ശാസ്ത്രജ്ഞൻ അഗർ ഉപയോഗിക്കുകയും ക്ഷയരോഗാണുവിനെ വളർത്തിയെടുക്കുന്നതിൽ വിജയിക്കുകയും ചെയ്തു.[3]
ജീവിതരേഖ
[തിരുത്തുക]1850-ൽ ന്യൂയോർക്ക് നഗരത്തിലെ ഒരു സമ്പന്ന ഇറക്കുമതി വ്യാപാരിയായ ഗോട്ട്ഫ്രൈഡ് ഐൽഷെമിയസിന്റെയും അദ്ദേഹത്തിന്റ ഭാര്യ സെസിൽ എലിസിന്റെയും (മുമ്പ്, റോബർട്ട്) മകളായി ഫാനി ഹെസ്സെ ജനിച്ചു. ഡച്ച് വംശജരായ അവരുടെ കുടുംബം, ഫ്രിസിയയിലെ എംഡെന് സമീപമത്തുനിന്നുള്ളവരാണ്. മാതാപിതാക്കളുടെ പത്ത് മക്കളിൽ മൂത്തയാളായിരുന്നു ഹെസ്സെ. സഹോദരങ്ങളിൽ അഞ്ച് പേർ ജീവിതത്തിന്റെ ആദ്യ വർഷങ്ങളിൽ മരണമടഞ്ഞു. അവർ ന്യൂജേഴ്‌സിയിലെ നോർത്ത് ആർലിംഗ്ടണിലുള്ള ലോറൽ ഹിൽ മാനറിലാണ് വളർന്നത്. അവളും സഹോദരിമാരും ചെറുപ്പം മുതലേ അമ്മയിൽ നിന്ന് പാചകവും വീട്ടുജോലിയും പഠിച്ചു. 15 വയസ്സുള്ളപ്പോൾ, ഫ്രഞ്ച് ഭാഷയും ഗാർഹിക സാമ്പത്തിക ശാസ്ത്രവും പഠിക്കാൻ സ്വിറ്റ്സർലൻഡിലെ ഒരു ഫിനിഷിംഗ് സ്കൂളിൽ ചേർന്നു.[4]
അവലംബം
[തിരുത്തുക]- ↑ "ആർക്കൈവ് പകർപ്പ്" (PDF). Archived from the original (PDF) on 2017-06-30. Retrieved 2018-03-30.
- ↑ "The Forgotten Woman Who Made Microbiology Possible". LadyBits. 14 July 2014.
- ↑ Haines, Catharine M. C. (2001-01-01). International Women in Science: A Biographical Dictionary to 1950 (in ഇംഗ്ലീഷ്). ABC-CLIO. ISBN 9781576070901.
- ↑ Hesse, Wolfgang (1992). "Walther and Angelina Hesse - Early Contributions to Bacteriology" (PDF). American Society for Microbiology. Archived from the original (PDF) on 2017-06-30. Retrieved 2015-02-03.