ഫസഹ് (നാടകം)
1985ൽ ചാലക്കുടി സാരഥി തിയറ്റേഴ്സിനു വേണ്ടി നടൻ തിലകൻ സംവിധാനം ചെയ്ത മലയാള നാടകമായിരുന്നു ഫസഹ്. കേരളപുരം കലാമിന്റെ രചനയിൽ പുറത്തിറങ്ങിയ നാടകത്തിൽ കൈനകരി തങ്കരാജ്, മീനാ ഗണേഷ്, ശ്രീകല വി.കെ, തുടങ്ങിയവർ വേഷമിട്ടു. ആയിരത്തിലധികം വേദികളിൽ അരങ്ങേറിയ ഈ നാടകത്തിന് പലയിടത്തും യാഥാസ്ഥിതികരിൽ നിന്ന് എതിർപ്പുകൾ നേരിടേണ്ടി വന്നു. ഫസഹ് ‘ഘോഷയാത്ര’ എന്ന പേരിൽ പിന്നീടു സിനിമയായി.[1]
പ്രമേയം
[തിരുത്തുക]മുസ്ലിം സ്ത്രീകളുടെ സ്വാതന്ത്ര്യത്തെക്കുറിച്ച് എഴുതിയ ‘ഫസഹ്’ നാടകം സ്ത്രീക്കും പുരുഷനും ദൈവം തുല്യാവകാശങ്ങളാണ് നൽകിയിട്ടുള്ളതെന്ന് സ്ഥാപിക്കുന്നു. അവതരണകാലത്ത് ഏറെ വിവാദങ്ങളുയർത്തി. ഈ നാടകത്തിൽ മീനാ ഗണേഷ് ചെയ്ത 'കുൽസുമ്പി' എന്ന കഥാപാത്രം ഏറെ ജനപ്രീതി നേടിയിരുന്നു.[2]
നാടകത്തിനെതിരെ
[തിരുത്തുക]കൊല്ലം കണ്ണനല്ലൂരിൽ യാഥാസ്ഥിതികർ സ്റ്റേജ് കത്തിച്ചു.[3]