പ്ലാസ്സർ കൗണ്ടി

പ്ലാസർ കൗണ്ടി, കാലിഫോർണി
County
County of Placer
Images, from top down, left to right: The Auburn Courthouse, a view of Colfax, May snow in Squaw Valley
Flag Seal
Location in the state of California
The location of California in the United States
Coordinates: 39.06°N 120.73°W / 39.06; -120.73
Country	അമേരിക്കൻ ഐക്യനാടുകൾ
State	California
Regions	Sacramento Valley, Sierra Nevada
CSA	Greater Sacramento
Incorporated	April 25, 1851
നാമഹേതു	Placer mining, a reference to the area being a center of the California Gold Rush
County seat	Auburn
Largest city	Roseville
വിസ്തീർണ്ണം
• ആകെ	1,502 ച മൈ (3,890 കി.മീ.2)
• ഭൂമി	1,407 ച മൈ (3,640 കി.മീ.2)
• ജലം	95 ച മൈ (250 കി.മീ.2)
ഉയരത്തിലുള്ള സ്ഥലം	9,044 അടി (2,757 മീ)
ജനസംഖ്യ  (April 1, 2010)
• ആകെ	3,48,432
• കണക്ക്  (2016)	3,80,531
• ജനസാന്ദ്രത	230/ച മൈ (90/കി.മീ.2)
സമയമേഖല	UTC-8 (Pacific Time Zone)
• Summer (DST)	UTC-7 (Pacific Daylight Time)
Area codes	530, 916
FIPS code	06-061
GNIS feature ID	277295
വെബ്സൈറ്റ്	www.placer.ca.gov

Gold specimen from the Eagle's Nest Mine, a source of specimen gold in Placer Count

അമേരിക്കൻ ഐക്യനാടുകളിലെ സംസ്ഥാനമായ കാലിഫോർണിയയിലെ ഒരു കൗണ്ടിയാണ് പ്ലാസർ കൗണ്ടി. ഔദ്യോഗികമായി ഇത് 'കൗണ്ടി ഓഫ് പ്ലാസർ' എന്നറിയപ്പെടുന്നു. 2010 ലെ യു.എസ്. സെൻസസ് പ്രകാരം 348,432 ജനസംഖ്യയുള്ള ഈ കൗണ്ടിയുടെ ആസ്ഥാനം ഔബൺ നഗരത്തിലാണ്. പ്ലാസർ കൗണ്ടി, സാക്രമെൻറോ-റോസ്‍വില്ലെ-ആർഡൻ-ആർക്കേഡ്, CA മെട്രോപോളിറ്റൻ സ്റ്റാറ്റിസ്റ്റിക്കൽ ഏരിയയിൽ ഉൾപ്പെടുത്തിയിരിക്കുന്നു. ഇത് സാക്രമെൻറോ താഴ്വരയിലും ഗോൾഡ് കൺട്രി എന്നറിയപ്പെടുന്ന സിയേറ നെവാദ മേഖലകളിലുമായിട്ടാണു നിലനിൽക്കുന്നത്. സാക്രാമെൻറോയുടെ പ്രാന്തപ്രദേശങ്ങളിൽ നിന്ന് തഹോയ് തടാകം, നെവാഡ അതിർത്തി എന്നിവിടങ്ങളിൽവരെ ഈ കൌണ്ടി നീണ്ടു കിടക്കുന്നു.

പേരിൻറെ ഉത്ഭവം

1848 ൽ സ്വർണ്ണത്തിന്റെ കണ്ടെത്തൽ ലോകത്താകമാനമുള്ള പതിനായിരക്കണക്കിന് ഖനിജാന്വേഷകരെ കാലിഫോർണിയ ഗോൾഡ് റഷിൻറെ കാലത്ത് ഈ മേഖലയിലേയ്ക്കു നയിച്ചു. അതിനുപുറമേ ഖനിത്തൊഴിലാളികൾക്ക് ചരക്കുകളും സേവനങ്ങളും നൽകാനായി ആയിരക്കണക്കിന് ആളുകൾ വേറെയും എത്തിയിരുന്നു. സ്വർണ്ണം കണ്ടെത്തിയതിന് വെറും മൂന്നു വർഷം കഴിഞ്ഞപ്പോൾ, 1851 ഏപ്രിൽ 25 ന് സട്ടർ, യൂബൻ കൗണ്ടികളുടെ ഭാഗങ്ങളിൽ നിന്ന് ഒബൺ ആസ്ഥാനമായി അതിവേഗം വളരുന്ന ഈ കൗണ്ടി രൂപീകരിക്കപ്പെട്ടു. സ്വർണ്ണമടങ്ങിയ മണൽ, ചരൽ എന്നിവയ്ക്കുള്ള സ്പാനിഷ് പദത്തിൽനിന്നാണ് കൌണ്ടിയ്ക്ക് ഈ പേരു ലഭിച്ചത്. ഖനിത്തൊഴിലാളികൾ ചരലുകളും മണലുകളും കഴുകിയതിനു ശേഷം വലിയ അളവിലുള്ള സ്വർണക്കഷണങ്ങൾ വേർതിരിച്ചെടുക്കുന്നതിനെ "പ്ലായ്സർ മൈനിംഗ്" എന്ന പേരിൽ വിളിച്ചിരുന്നു.

ചരിത്രം

1880 കളിൽ സ്വർണ്ണ ഖനനം ഈ പ്രദേശത്തെ ഒരു പ്രധാന വ്യവസായമായിരുന്നു. ക്രമേണ പുതിയ താമസക്കാർ ഈ​പ്രദേശത്തെ ഫലഭൂയിഷ്ഠമായ മണ്ണിൽ കൃഷിചെയ്യുകയും, മരപ്പണികളിലും പസിഫിക് റെയിൽറോഡിൻറെ പണികൾക്കായി പ്രവർത്തിക്കുകയും ചെയ്തു. ക്ലോഡെ ചന 1848 മേയ് മാസത്തിൽ ഔബൺ ഗിരികന്ദരത്തിൽ സ്വർണം കണ്ടെത്തിയപ്പോൾമുതൽ ഇവിടെ കുടിയേറ്റം ആരംഭിച്ചു. അതിനുശേഷം ഈ നഗരം ചുറ്റുപാടുമുള്ള സ്വർണ ഖനികളിലെ ക്യാമ്പുകളിലേയ്ക്കു സാധനങ്ങൾ വിതരണം ചെയ്യുന്ന ഒരു ഷിപ്പിങ് കേന്ദ്രമായി മാറി.