പ്രസാദം (1976-ലെ ചലച്ചിത്രം)

പ്രസാദം
സംവിധാനം	എ.ബി. രാജ്
നിർമ്മാണം	ടി.കെ. ബാലചന്ദ്രൻ
രചന	എസ്.എൽ. പുരം സദാനന്ദൻ
തിരക്കഥ	എസ്.എൽ. പുരം സദാനന്ദൻ
അഭിനേതാക്കൾ	പ്രേം നസീർ ജയഭാരതി കെ.പി.എ.സി. ലളിത അടൂർ ഭാസി ഗോവിന്ദൻ കുട്ടി ജനാർദ്ദനൻ ശങ്കരാടി
സംഗീതം	വി. ദക്ഷിണാമൂർത്തി
ഛായാഗ്രഹണം	കന്നിയപ്പൻ
ചിത്രസംയോജനം	കെ. നാരായണൻ
സ്റ്റുഡിയോ	ടീക്ബീസ്
വിതരണം	റ്റീക്ബീസ്
റിലീസിങ് തീയതി	1 ഏപ്രിൽ 1976 (1976-04-01)
രാജ്യം	ഭാരതം
ഭാഷ	Malayalam

എസ്.എൽ. പുരം സദാനന്ദന്റെതിരക്കഥയിൽ 'എ.ബി. രാജ് സംവിധാനം ചെയ്ത് ടി.കെ. ബാലചന്ദ്രൻ 1976ൽ നിർമ്മിച്ച ചിത്രമാണ്പ്രസാദം പ്രേം നസീർ,ജയഭാരതി,കെ.പി.എ.സി. ലളിത,അടൂർ ഭാസി എന്നിവർ അഭിനയിച്ച ഈ കുടുംബചിത്രം പി.ഭാസ്കരന്റെ വരികൾക്ക് വി. ദക്ഷിണാമൂർത്തിസംഗീതം ഒരുക്കി യേശുദാസും, എസ്. ജാനകിയും പാടിയ അതിമനോഹരമായ ഗാനങ്ങൾ കൊണ്ടും പ്രസിദ്ധമാണ്.

കഥാസാരം

അനാഥനായ ശങ്കരൻ കുട്ടിയെ വളർത്തി ടാക്സിഡ്രൈവറാക്കിയത് മറ്റോരു ടാക്സിഡ്രൈവറായ ഗോപാലപ്പിള്ളയാണ്. ശങ്കരൻ കുട്ടി ഗോപാലപ്പിള്ളയുടെ മകൾ സുമതിയുമായി അടുപ്പത്തിലാണ്. അവരുടെ വിവാഹം ഏകദേശം തീരുമാനിച്ചതുമായതുകൊണ്ട് അവർ അടുത്ത് ഇടപഴകുന്നു. അതിനിടയിൽ സമ്പന്നനായ സുകുമാരൻ വിവാഹാലോചനയുമായി വരുമ്പോൾ ഗോപാലപ്പിള്ള മോഹിക്കുന്നു. തന്റെ മകളുടെയും തങ്ങളുടെയും നല്ലഭാവിക്കായി ശങ്കരൻ കുട്ടി നാടുവിടണമെന്ന് ആവശ്യപ്പെടുന്നു. അയാൾ നാടുവിടുന്നു. പക്ഷേ സുമതി ഗർഭിണിയാണെന്നറിയുന്നു. സുകുമാരനു കുഴപ്പമില്ലെന്നതിനാൽ വിവാഹം നടക്കുന്നു. പക്ഷേ അയാൽ പെൺ വാണിഭസംഘത്തിലേക്കാണ് തന്നെ കൊണ്ടുവന്നിരിക്കുന്നറ്റെന്നറിഞ്ഞ് അവൾ രക്ഷപ്പെടൂന്നു. പോകുന്നതിനിടയിൽ തങ്ങളൂടെ കുഞ്ഞിനെ പാമ്പിൽ നിന്നും രക്ഷിച്ചതിന് തങ്ങളുടെ കൂടെ വസിക്കാൻ സമ്മതിക്കുന്നു. അവിടെവെച്ച് ഒരു പെൺകുഞ്ഞിനെ പ്രസവിക്കുന്നു. കുറച്ചു കഴിയുമ്പോൽ അയാൾക്ക് അവളിൽ കാമം വളരുന്നു. അവൾ അവിടുന്ന് പുറത്താക്കപ്പെടുന്നു. അവൾ ഒരു കാറിനുമുമ്പിൽ ചാടുന്നു. അത് ഡോ. ദുശ്ശാസനന്റെ കാർ ആയിരുന്നു.
നാടകഭ്രാന്തനായ ഡോക്റ്റർ ചന്ദ്രൻ ഡോക്റ്റർ ദുശ്ശാസനൻ എന്നാണ് അറിയുന്നത്. താൻ സംവിധാനം ചെയ്യുന്ന ദിഗംബരപാഞ്ചാലി (പാഞ്ചാലീ വസ്ത്രാക്ഷേപം) എന്ന നാടകത്തിലാണ് അയാളൂറ്റെ ശ്രദ്ധ. അയാളുടെ നാടകഭ്രാന്തിൽ മടുത്ത് ഭാര്യ ഭാഗീരഥി വീട്ടിൽ പോകുന്നു.പക്ഷെ കുഞ്ഞിനെ കൊണ്ടുപോകാൻ സമ്മതിക്കുന്നില്ല. അവൾ ചില റൗഡി സംഘത്തെകൊണ്ട് കുഞ്ഞിനെ തട്ടിയെടുക്കാൻ ശ്രമിക്കുന്നു. അബദ്ധത്തിൽ സുമതിയുടെ കുഞ്ഞിനെ യാണ് അവർ തട്ടിയെടുക്കുന്നത്. തെന്റെ കുഞ്ഞല്ലെന്നറിഞ്ഞപ്പോൾ അവളെ റൗഡികൽക്ക് തിരിച്ചേൽപ്പിക്കുന്നു. അവർ അവലെ പിച്ചക്കരുടെ അടുത്ത് ഉപേക്ഷിക്കുന്നു. ശങ്കരൻ കുട്ടിയും നഗരത്തിൽ ഒരു റൗഡിസംഘവുമായാണ് പരിചയപ്പെടുന്നതെങ്കിലും ഊച്ചാളി കേശവൻ അയാളെ സ്വന്തം വീട്ടിലേക്ക് കൊണ്ടുപൊകുന്നു. അവിടെ അയാളുടെ അനുജത്തി മീനാക്ഷി മാത്രമേ ഉള്ളു. ഇതിനിടയിൽ കേശവൻ സുകുമാരനുമായുള്ള അടിപിടിയിൽ കൊല്ലപ്പെടുന്നു. മീനാക്ഷിയെ അപവാദത്തിൽ നിന്നും രക്ഷിക്കാൻ ശങ്കരൻ കുട്ടി അവളെ വിവാഹം ചെയ്യുന്നു. പ്രസവത്തിൽ മീനാക്ഷി മരിക്കുന്നു.
പിച്ചക്കാർ കുഞ്ഞിനെ അന്ധയാക്കുന്നതിനിടയിൽ ശങ്കരങ്കുട്ടിയുടെ കയ്യിലെത്തുന്നു. അയാൾ അവരെ രണ്ടുപേരെയും വളർത്തി നർത്തകരാക്കുന്നു. അവരുടെ നർത്തനം കാണാനെത്തിയ സുമതിയെ കണ്ട് അവർ ഒന്നു ചേരുന്നു.

താരനിര

ക്ര.നം.	താരം	വേഷം
1	പ്രേം നസീർ	ശങ്കരൻ കുട്ടി
2	ജയഭാരതി	സുമതി
3	അടൂർ ഭാസി	ഡോ.ദുശ്ശാസനൻ-ചന്ദ്രൻ
4	ശങ്കരാടി	ഗോപാലപ്പിള്ള
5	കെ.പി.എ.സി. ലളിത	ഭാഗീരഥി
6	ശ്രീലത	നേർസ് ദിഗംബരപാഞ്ചാലി
7	ബഹദൂർ	അറ്റന്റർ കൃഷ്ണൻ
8	ജനാർദ്ദനൻ	സുകുമാരൻ
9	ഗോവിന്ദൻകുട്ടി	ഊച്ചാളി കേശവൻ
10	മുതുകുളം രാഘവൻപിള്ള	ബ്രോക്കർ പാച്ചുപിള്ള
11	റീന	-മീനാക്ഷി

സംഗീതം

പി.ഭാസ്കരന്റെ വരികൾക്ക് വി. ദക്ഷിണാമൂർത്തിസംഗീതം ഒരുക്കി യേശുദാസും, എസ്. ജാനകിയും പാടിയിരിക്കുന്നു.

നമ്പ്രെ.	ഗാനം	പാട്ടുകാർ	വരികൽ	സംഗീതം
1	ഗാനത്തിൻ കല്ലോലിനിയിൽ	വാണി ജയറാം	പി. ഭാസ്കരൻ	വി. ദക്ഷിണാമൂർത്തി
2	ഹരിതകാനന	പി. ജയചന്ദ്രൻ, അമ്പിളി	പി. ഭാസ്കരൻ	വി. ദക്ഷിണാമൂർത്തി
3	പുലയനാർ മണിയമ്മ	കെ.ജെ. യേശുദാസ്	പി. ഭാസ്കരൻ	വി. ദക്ഷിണാമൂർത്തി
4	പുലയനാർ മണിയമ്മ	എസ്. ജാനകി	പി. ഭാസ്കരൻ	വി. ദക്ഷിണാമൂർത്തി
5	ഉദരവേദന (വാതം,പിത്തം]	കെ.ജെ. യേശുദാസ്	പി. ഭാസ്കരൻ	വി. ദക്ഷിണാമൂർത്തി

=പുറത്തേക്കുള്ള കണ്ണീകൾ

• ഇന്റർനെറ്റ് മൂവി ഡാറ്റാബേസിൽ നിന്ന് Prasadam

ചിത്രം കാണുവാൻ

• പ്രസാദം(1976)