പ്രസന്ന

പ്രസന്ന
പ്രസന്ന
	പ്രസന്നയിലെ ഒരു രംഗം
സംവിധാനം	ശ്രീരാമുലു നായിഡു
നിർമ്മാണം	പക്ഷിരാജ സ്റ്റിഡിയോ
രചന	മുൻഷി പരമുപിള്ള
അഭിനേതാക്കൾ	ബാലയ്യ; ടി.എസ്. ഭരദ്വാജ്; പി.എ. തോമസ്; കൊട്ടാരക്കര ശ്രീധരൻ നായർ; കണ്ടിയൂർ പരമേശ്വരൻ പിള്ള; പത്മിനി; രാഗിണി; രാധാമണി; കാഞ്ചന; പാപ്പുക്കുട്ടി ഭാഗവതർ
സംഗീതം	ജ്ഞാനമണി
സ്റ്റുഡിയോ	പക്ഷിരാജ
റിലീസിങ് തീയതി	17/08/1950
രാജ്യം	ഇന്ത്യ
ഭാഷ	മലയാളം

1950-ൽ പുറത്തിറങ്ങിയ മലയാള ചലച്ചിത്രമാണ് പ്രസന്ന (English: Prasanna (film)).^[1] പ്രസന്ന നിർമിച്ചതും സംവിധാനം ചെയ്തതും പക്ഷിരാജ സ്റ്റുഡിയോയുടെ ഉടമയായ ശ്രീരമുലു നായിഡു ആയിരുന്നു. തമിഴിലും മലയാളത്തിലുമായി ഇറങ്ങിയ ചിത്രമായിരുന്നു ഇത്. മലയാള സിനീമയിലെ പല പ്രശസ്തരുടേയും ആദ്യ ചിത്രമായിരുന്നു എന്ന പ്രത്യേകതയും ഈ ചിത്രത്തിനുണ്ട്. കൊട്ടാരക്കര ശ്രീധരൻ നായരും ലളിത - പത്മിനി - രാഗിണി എന്ന തിരുവിതാംകൂർ സഹോദരിമാരും ഈ പടത്തിലൂടിയാണ് ആദ്യമായി അഭിനയം തുടങ്ങിയത്. പിൽക്കാലത്ത് സംവിധായകനും നടനുമൊക്കെയായി പേരെടുത്ത പി.എ. തോമസ്, എം.എൽ. വസന്തകുമാരി, പാപ്പുക്കുട്ടി ഭാഗവതർ, പെരിയ നായകി, രാധാ ജയലക്ഷ്മി, ജ്ഞാനമണി എന്നിവരുടെയെല്ലാം ആദ്യചിത്രമായിരുന്നു ഇത്. ഇതിന്റെ കഥയും സംഭാഷണവും രചിച്ചത് പണ്ഡിതസാഹിത്യകാരൻ മുൻഷി പരമു പിള്ളയാണ്.