വെള്ളപ്പൊക്കവും സാംക്രമിക രോഗങ്ങളും
(പ്രളയം രോഗങ്ങൾ എന്ന താളിൽ നിന്നും തിരിച്ചുവിട്ടതു പ്രകാരം)
പ്രളയം അനുഭവപ്പെട്ട പ്രദേശങ്ങളിൽ വ്യാപകമായ തോതിൽ സാംക്രമിക രോഗങ്ങൾ ബാധിക്കുന്നതായി കാണാം. ജലത്തിലൂടെയും ജീവികൾ വഴിയും രോഗപകർച്ച ഉണ്ടാവാം[1].
കാരണങ്ങൾ[തിരുത്തുക]
ജലമലിനീകരണം[തിരുത്തുക]
കുടിവെള്ളം മലിനമാവുന്നതിന്റെ ഫലമായി അതിസാരം പടർന്നുപിടിക്കാനുള്ള സാധ്യതയുണ്ട്.
- 1992 ൽ താജിക്കിസ്ഥാനിലും 1993 ൽ കോംഗോയിലെ ലോവ നദിയിലും മിസ്സോറിയിലും ഉണ്ടായ വെള്ളപ്പൊക്കത്തെത്തുടർന്ന് അതിസാരം പടർന്നിരുന്നു.
- 1971 ൽ പസഫിക് മേഖലയിലെ ട്രക്ക് ജില്ലയിലുണ്ടായ ചുഴലിക്കാറ്റിനെ തുടർന്നുണ്ടായ വെള്ളപ്പൊക്കത്തിനോടനുബന്ധിച്ച് ശുദ്ധജല ലഭ്യത കുറയുകയും മലിനജലം ഉപയോഗിക്കേണ്ടി വരികയും ചെയ്തു. പന്നികളുടെ വിസർജ്യം കലർന്ന വെള്ളത്തിലൂടെ ബലാൻറ്റിഡിയാസിസ് പടരുന്നതിന് കാരണമായി.
- മൗറീഷ്യസിൽ 1980 ൽ ഉണ്ടായ ചുഴലിക്കാറ്റിനെത്തുടർന്ന് ഉണ്ടായ വെള്ളപ്പൊക്ക ശേഷം ടൈഫോയ്ഡ് പനി പടർന്നു.
- വെള്ളപ്പൊക്കത്തെ തുടർന്ന് എലിപ്പനി പകരാറുണ്ട്. എലി മൂത്രം കലർന്ന മലിനജലവുമായി സമ്പർക്കത്തിൽ വരുന്ന ത്വക്കിലൂടെയും ശ്ലേഷ്മ സ്തരത്തിലൂടെയും രോഗകാരിയായ ലെപ്റ്റോസ്പൈറ ബാക്ടീരിയ ശരീരത്തിൽ പ്രവേശിക്കുന്നു.
- 1983, 1988, 1996 വർഷങ്ങളിൽ ബ്രസീലിലും 1995 ൽ നിക്കരാഗ്വയിലും 1997ൽ റഷ്യൻ ഫെഡറേഷനിലെ ക്രാസ്നോഡർ മേഖലയിലും 1998 ൽ അമേരിക്കയിലെ സാൻറ ഫേയിലും 1999ൽ ഇന്ത്യയിലെ ഒറീസയിലും 2000 ൽ തായ്ലാന്റിലും വെള്ളപ്പൊക്കത്തിന് അനുബന്ധമായി എലിപ്പനി വ്യാപകമായി ബാധിച്ചിരുന്നു.
- 2018 ലെ കേരളത്തിലെ വെള്ളപ്പൊക്കത്തെ തുടർന്ന് സംസ്ഥാനത്തിന്റെ പലഭാഗങ്ങളിലും എലിപ്പനി ബാധിച്ചിരുന്നു. രോഗബാധിതരിൽ നിരവധി പേർ മരണമടഞ്ഞു [2].
- വെള്ളപ്പൊക്കത്തെത്തുടർന്ന് ജീവൻ നഷ്ടപ്പെടുന്ന മനുഷ്യരും ജന്തുക്കളും ആരോഗ്യത്തിന് ഭീഷണിയാകുന്നു. മൃതശരീരങ്ങളിൽ നിന്ന് നേരിട്ടോ ജലത്തിൽ കലർന്നോ രോഗാണുക്കൾ പടരുന്നു. കോളറ, എലിപ്പനി, ക്ഷയം, ഹെപ്പറ്റെറ്റിസ്, എയ്ഡ്സ്, റോട്ടാവൈറസ്, സാൽമണെല്ലോസിസ്, എഷെറിക്കീയ കോളി ബാക്റ്റീരിയ, ടൈഫോയ്ഡ്, ഷിഗല്ലോസിസ്, തുടങ്ങിയ രോഗങ്ങൾ പടരുന്നു.
കൊതുക് ജന്യ രോഗങ്ങൾ[തിരുത്തുക]
വെള്ളപ്പൊക്കത്തെത്തുടർന്ന് കെട്ടി നിൽക്കുന്ന ജലത്തിൽ പെരുകുന്ന കൊതുക്, ഡെങ്കിപ്പനി, മലേറിയ, വെസ്റ്റ്‌ നൈൽ പനി തുടങ്ങിയവയ്ക്ക് കാരണമാകുന്നു.
- 1991 ൽ കോസ്റ്ററിക്കയുടെ അറ്റ്‌ലാന്റിക് പ്രദേശത്തും 2004ൽ ഡൊമിനിക്കൻ റിപ്പബ്ലിക്കിലും ഉണ്ടായ വെള്ളപ്പൊക്കത്തെത്തുടർന്ന് മലേറിയ പടർന്നു പിടിച്ചു.
- എൽനിനോയെത്തുടർന്ന് അമേരിക്കൻ ഭൂഖണ്ഡത്തിൽ മാരകമായ മലേറിയ, ഡെങ്കിപ്പനി ബാധയുണ്ടായി.
- 1996-97 ൽ റൊമാനിയയിലും 1997ൽ ചെക്ക് റിപ്പബ്ലിക്കിലും 1998 ൽ ഇറ്റലിയിലും വെള്ളപ്പൊക്കത്തെത്തുടർന്ന് വെസ്റ്റ്‌ നൈൽ പനി ബാധയുണ്ടായി.
പ്രതിരോധ പ്രവർത്തനങ്ങൾ[തിരുത്തുക]
വെള്ളപ്പൊക്ക അനുബന്ധ രോഗങ്ങൾ തടയുന്നതിന് സത്വരമായ പ്രതിരോധ പ്രവർത്തനങ്ങൾ അനിവാര്യമാണ് [3]
ക്ലോറിനേഷൻ[തിരുത്തുക]
- കോറിൻ കലർത്തുന്നതിലൂടെ 99.9% ബാക്ടീരിയകളെയും വൈറസുകളെയും നിർവീര്യമാക്കാം.
- ലിക്വിഡ് സോഡിയം ഹൈപോക്ലോറൈറ്റ്, സോളിഡ് കാൽസ്യം ഹൈപോക്ലോറൈറ്റ്, ബ്ലീച്ചിംഗ് പൗഡർ എന്നിവ ഉപയോഗിച്ച് ജലം അണുവിമുക്തമാക്കാം[4], [5].
വാക്സിനേഷൻ[തിരുത്തുക]
- പകർച്ചവ്യാധികളെ തടയുന്നതിന് വാക്സിനുകൾ ഉപയോഗിക്കുക.
രോഗ വാഹകരെ നിയന്ത്രിക്കൽ[തിരുത്തുക]
- കൊതുക് നശീകരണം, എലി നശീകരണം
ബോധവൽക്കരണം[തിരുത്തുക]
- നല്ല ആരോഗ്യ ശീലങ്ങൾ പ്രചരിപ്പിക്കുക.
- തിളപ്പിച്ച / അണുവിമുക്തമാക്കിയ വെള്ളം മാത്രം ഉപയോഗിക്കാൻ പ്രേരിപ്പിക്കുക.
- പനി അനുഭവപ്പെടുകയാണെങ്കിൽ, ഉടൻ വിദഗ്ദ്ധ പരിശോധന നടത്തുക.
- മൃതശരീരങ്ങൾ ദഹിപ്പിക്കുകയോ ആഴത്തിൽ മറവു ചെയ്യുകയോ വേണം.
- കോളറ ബാധിച്ച് മരണമടഞ്ഞതാണെങ്കിൽ, ശരീരം ദഹിപ്പിക്കുകയോ, അതല്ലെങ്കിൽ, ശരീരം അണുവിമുക്തമാക്കിയ ശേഷം മറവുചെയ്യുകയോ വേണം.
അവലംബം[തിരുത്തുക]
- ↑ [1]|Flooding and communicable diseases fact sheet
- ↑ "എലിപ്പനി: സംസ്ഥാനത്ത് 23 മരണം ". മാതൃഭൂമി ദിനപത്രം. 2018-09-01. Archived from the original on 2018-09-01. Retrieved 2018-09-01.
- ↑ [2]|The Sphere Handbook
- ↑ Vogt, H.; Balej, J.; Bennett, J. E.; Wintzer, P.; Sheikh, S. A.; Gallone, P.; Vasudevan, S.; Pelin, K. (2010). "Chlorine Oxides and Chlorine Oxygen Acids". Ullmann's Encyclopedia of Industrial Chemistry. Wiley-VCH. doi:10.1002/14356007.a06_483.pub2
- ↑ Jakob, U.; J. Winter; M. Ilbert; P.C.F. Graf; D. Özcelik (14 November 2008). "Bleach Activates A Redox-Regulated Chaperone by Oxidative Protein Unfolding". Cell. Elsevier. 135 (4): 691–701. doi:10.1016/j.cell.2008.09.024. PMC 2606091. PMID 19013278. Retrieved 2008-11-19.