മലയാളം: വൈറസ് അണുബാധ ആസ്മാരോഗിയിലുണ്ടാക്കുന്ന സൂക്ഷ്മ പ്രതികരണങ്ങൾ (പ്രത്യൂർജ്ജകങ്ങൾ മൂലമുള്ള ആസ്മാമൂർച്ഛയിലെ സൂക്ഷ്മ പ്രക്രിയകളുടെ ചിത്രവുമായി താരതമ്യം ചെയ്യുക): 1. ബൃഹദ്‌ഭക്ഷക കോശങ്ങൾ രസാനുചലകഘടകങ്ങളാൽ ആകർഷിക്കപ്പെട്ട് ലോമികകളിൽ നിന്നും പുറത്തേയ്ക്ക് വരുന്നു. ശ്വാസനാളത്തിലെ കോശജ്വലനം നടക്കുന്ന സ്ഥലത്തെത്തുന്ന അവ കോശമരണം സംഭവിച്ച ശ്ലേഷ്മകോശങ്ങളെ “ഭക്ഷി”ക്കുന്നു. 2.ദ്രുമിക കോശങ്ങൾ വൈറസുകളെ “വിഴുങ്ങി”യശേഷം അവയെ കോശദഹനത്തിനു വിധേയമാക്കി, അവയിലെ പ്രതിജനകങ്ങളെ സി.ഡി 8+ ടി-കോശങ്ങൾക്ക് സമർപ്പിക്കുന്നു. 3.ടി-കോശങ്ങൾ ഉത്തേജിതരാകുന്നതോടെ ഗാമാ ഇന്റർഫീറോണുകൾ സമൃദ്ധമായി ഉൽ‌പ്പാദിപ്പിക്കുന്നു. 4.ടി കോശങ്ങളിൽ നിന്ന് ഉത്സർജിക്കപ്പെടുന്ന പെർഫറിനുകൾ ശ്ലേഷ്മസ്തര കോശങ്ങളിൽ തുളകൾ സൃഷ്ടിച്ച് അവയുടെ കോശമരണത്തിനു കാരണമാകുന്നു. 5. ബി-കോശങ്ങൾ ഇമ്മ്യൂണോ ഗ്ലോബുലിൻ-ജി തന്മാത്രകളെ സൃഷ്ടിച്ച് വൈറസുകളെ നിർവ്വീര്യമാക്കാൻ ശ്രമിക്കുന്നു.