പ്രഭാകർ പച്പുടെ
പ്രഭാകർ പച്പുടെ | |
|---|---|
| ജനനം | ചന്ദർപൂർ, മഹാരാഷ്ട്ര |
| ദേശീയത | ഇന്ത്യൻ |
| തൊഴിൽ | ചിത്രകാരനും ശിൽപ്പിയും |
ചിത്രകാരനും ശിൽപ്പിയും നിരവധി ശ്രദ്ധേയമായ പ്രതിഷ്ഠാപന സൃഷ്ടികളുടെ രചയിതാവുമാണ് പ്രഭാകർ പച്പുടെ(ജനനം. 1986).[1]
ജീവിതരേഖ[തിരുത്തുക]
മഹാരാഷ്ട്രയിലെ വിദർഭ മേഖലയിലെ ചന്ദർപൂർ എന്ന ഗ്രാമത്തിൽ ജനിച്ചു. എം.എസ് സർവകലാശാലയിൽ നിന്ന് ശിൽപ്പ കലയിൽ എം.എഫ്.എ ബിരുദം നേടി. ഖനി തൊഴിലാളികളുടെയും കൃഷിക്കാരുടെയും ദുരിത ജീവിതമാണ് പച്പുടെ രചനകളുടെ കേന്ദ്ര പ്രമേയം.[2]
കൊച്ചി മുസിരിസ് ബിനാലെ 2018[തിരുത്തുക]
കൊച്ചി-മുസിരിസ് ബിനാലെ നാലാം ലക്കത്തിൻറെ വേദിയായ മട്ടാഞ്ചേരി ആനന്ദ് വെയർ ഹൗസിലാണ് പ്രഭാകർ പച്പുടെയുടെ സൃഷ്ടി പ്രദർശിപ്പിച്ചിരുന്നത്. [3]മഹാരാഷ്ട്രയിലും രാജസ്ഥാനിലും തമിഴ്നാട്ടിലും നടന്ന കർഷകര സമരത്തിൻറെ പശ്ചാത്തലമാണ് ഈ പ്രതിഷ്ഠാപനത്തിനുള്ളത്. റെസിലിയൻറ് ബോഡീസ് ഇൻ ദി ഇറ ഓഫ് റെസിസ്റ്റൻസ്(പ്രതിരോധത്തിൻറെ കാലത്തെ പിൻവലിയുന്ന ശരീരങ്ങൾ) എന്നാണ് കരിയും അക്രിലിക് നിറവും ചേർത്ത്തയ്യാറാക്കിയ ഈ സൃഷ്ടിക്ക്പേരു നൽകിയിരിക്കുന്നത്. ആനന്ദ് വെയർ ഹൗസിലെ മുറിയുടെ മൂലയ്ക്ക് ഒരു കാളയുടെ പ്രതിമയും പ്രഭാകർ നിർമ്മിച്ചിട്ടുണ്ട്. അതിൻറെ മുഖം മുഷ്ടി ചുരുട്ടി നിൽക്കുന്നതു പോലെയും വാല് കലപ്പയുമാണ്. കാലങ്ങളായി കർഷകരെ അവഗണിച്ചു വരുന്ന അധികാരി വർഗത്തോടുള്ള പ്രതിഷേധമായും ഇതിനെ കാണാം.[4]
രാജസ്ഥാനിൽ 2017 ൽ നടന്ന കർഷക സമരമാണ് പ്രഭാകർ പച്പുടെയുടെ ചിത്രത്തിനാധാരം. പകുതി ശരീരം മണ്ണിൽ കുഴിച്ചിട്ട നിലയിലാണ് കർഷകർ സമരം ചെയ്തത്. പച്പുടെ വരച്ച ചിത്രത്തിൽ കർഷകർ ചാക്കിനുള്ളിൽ കയറിയ നിലയിലാണ്. എല്ലാവരുടെയും മുഖത്തെ ദൈന്യത വ്യക്തമായി തിരിച്ചറിയാം.[5]
അവലംബം[തിരുത്തുക]
- ↑ "ആർക്കൈവ് പകർപ്പ്". Archived from the original on 2019-03-07. Retrieved 2019-02-14.
- ↑ "ആർക്കൈവ് പകർപ്പ്". Archived from the original on 2018-09-06. Retrieved 2019-02-14.
- ↑ https://www.deshabhimani.com/art-stage/prabhakar-pachpute-s-biennale-work-throws-light-on-farmers-plight/780739
- ↑ https://www.mathrubhumi.com/ernakulam/news/kochi-artform-creative-art-work-prabhakar-pachpude-maharashtra-1.3551834[പ്രവർത്തിക്കാത്ത കണ്ണി]
- ↑ "ആർക്കൈവ് പകർപ്പ്". Archived from the original on 2020-08-06. Retrieved 2019-02-14.