പ്രദക്ഷിണദിശ
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
ഘടികാരത്തിലെ സൂചികൾ ചലിക്കുന്നതിന്‌ സമാനമായ ചലനങ്ങളുടെ ദിശയെ സൂചിപ്പിക്കുവാനാണ്‌ പ്രദക്ഷിണദിശ (ഘടികാരദിശ) (clockwise) എന്ന് ഉപയോഗിക്കുന്നത്. മുകളിൽനിന്ന് വലതുവശത്തേക്കും, ശേഷം വലത് നിന്ന് താഴോട്ടും, ശേഷം താഴെ നിന്ന് ഇടത് വശത്തേക്കും, ശേഷം ഇടത് നിന്ന് മുകളിലോട്ടും; ഈ രീതിയിലുള്ള ചലനത്തെയാണ്‌ ഇത് സൂചിപ്പിക്കുന്നത്. ഇതിന്‌ വിപരീതമായ രീതിയിലുള്ള ചലനത്തെ അപ്രദക്ഷിണദിശ (എതിർ ഘടികാരദിശ) (anticlockwise അഥവാ counterclockwise) എന്നും പറയുന്നു.
നിരുക്തം
[തിരുത്തുക]പ്രദക്ഷിണം എന്നതുകൊണ്ട് അർ‌‍ഥമാക്കുന്നത് ദക്ഷിണദിശയിലേക്ക് എന്നാണ്. അതായത് ദക്ഷിണഹസ്തത്തിന്റെ (വലംകൈയുടെ) ദിശയിലുള്ള ചലനം.
ദേവാലയങ്ങളിൽ
[തിരുത്തുക]ഹിന്ദുക്കൾ ദേവാലയങ്ങളിൽ പ്രദക്ഷിണം ചെയ്ത് ആരാധന നടത്താറുണ്ട്. വലതുകൈയുടെ ദിശയിൽ സഞ്ചരിച്ച് വിഗ്രഹത്തെയോ ഹോമാഗ്നിയെയോ ചുറ്റിവരുന്നതാണ് പ്രദക്ഷിണം.[1]
ഉപയോഗം
[തിരുത്തുക]സ്ക്രൂകൾ, ബോൾട്ടുകൾ, ബോട്ടിലുകളുടെ അടപ്പുകൾ എന്നിവ സാധാരണയായി മുറുക്കുന്നത് ഘടികാരദിശയിലും അയവു ചെയ്തെടുക്കുന്നത് എതിർ ഘടികാരദിശയിലുമാണ്‌. വലത് കൈപ്പത്തി സിദ്ധാന്തം ഇതിനോട് സാമ്യപ്പെടുത്താവുന്നതാണ്‌. ഇത് ഓർമ്മിക്കുവാൻ "വലത്-മുറുക്കം, ഇടത്-അയക്കം" എന്ന് വാക്യം സാഹായിക്കുന്നു. മുറുക്കുകയും അയക്കുകയും ചെയ്യുന്ന വൃത്തത്തിന്‌ മുകളിൽ നിന്ന് വീക്ഷിക്കുന്ന അവസരത്തിൽ മാത്രമേ ഈ ശരിയാവുന്നുള്ളൂ എന്നതാണ്‌ ഇതിന്റെ കുഴപ്പം. താഴ്ഭാഗത്ത് നിന്ന് വീക്ഷിക്കുമ്പോൾ ഈ വാക്യം തെറ്റായി മാറുന്നു.
അവലംബങ്ങൾ
[തിരുത്തുക]- ↑ ഡോ. കെ. ബാലകൃഷ്ണവാര്യർ (16 സെപ്റ്റംബർ 2014). "പ്രദക്ഷിണവിധി". ജന്മഭൂമി. Archived from the original (പത്രലേഖനം) on 2014-09-18. Retrieved 18 സെപ്റ്റംബർ 2014.