വെറുതേ ഒരു ഭാര്യ

വെറുതേ ഒരു ഭാര്യ
സംവിധാനം	അക്കു അക്‌ബർ
നിർമ്മാണം	സലാഹുദീൻ
രചന	ഗിരീഷ് കുമാർ
അഭിനേതാക്കൾ	ജയറാം, ഗോപിക, മധു വാര്യർ, ഇന്നസെന്റ്, നിവേദിത
സംഗീതം	ശ്യാം ധർമ്മൻ
ഛായാഗ്രഹണം	ഷാജി
ചിത്രസംയോജനം	രഞ്ജൻ എബ്രഹാം
രാജ്യം	ഇന്ത്യ
ഭാഷ	മലയാളം

ജയറാമിനെ നായകനാക്കി അക്കു അക്‌ബർ സംവിധാനം ചെയ്ത മലയാളചലച്ചിത്രമാണ് വെറുതേ ഒരു ഭാര്യ. 2008-ലാണ്‌ ഈ ചലച്ചിത്രം റിലീസ് ചെയ്തത്. ജയറാമിന്റെ നായികയായി ഗോപിക അഭിനയിക്കുന്നു. ഗോപിക തന്റെ വിവാഹത്തിനു തൊട്ടു മുൻപ് അഭിനയിച്ചതും ഈ ചിത്രത്തിലാണ്‌.

കഥാസാരം

ഭാര്യാഭർത്തൃബന്ധത്തിലെ സൂക്ഷ്മസംഭവവികാസങ്ങൾ ആവിഷ്കരിക്കുന്ന ഈ ചലച്ചിത്രത്തിൽ കെ.എസ്.ഇ.ബി. ഉദ്യോഗസ്ഥനായ സുഗുണന്റെയും (ജയറാം) 18-ം വയസ്സിൽ വിവാഹം കഴിഞ്ഞശേഷം സുഗുണനെ വിവാഹം ചെയ്ത് വീട്ടമ്മയാകാൻ വിധിക്കപ്പെട്ട ബിന്ദുവിന്റെയും (ഗോപിക) കഥയാണ് വെറുതേ ഒരു ഭാര്യയിൽ അനാവരണം ചെയ്യപ്പെടുന്നത്. ചെറിയ ചെറിയ അഭിപ്രായവ്യത്യാസങ്ങളിൽത്തുടങ്ങി രണ്ടുപേരും പിരിഞ്ഞിരിക്കുന്നതുവരെയെത്തുന്ന സങ്കീർണ്ണദാമ്പത്യപ്രശ്നങ്ങളിലേക്ക് ചലച്ചിത്രം സാവധാനം കടക്കുന്നു. പിന്നീട് ഇവരെ വീണ്ടും ഒരുമിപ്പിക്കുന്നതിൽ ഈ ചിത്രം അവസാനിക്കുന്നു.

സംഗീതം

വയലാർ ശരത്ചന്ദ്രവർമ്മ രചിച്ച ഗാനങ്ങൾക്ക് ശ്യാം ധർമ്മൻ ഈണം നൽകിയിരിക്കുന്നു.

അഭിനേതാക്കൾ

അഭിനേതാവ്	കഥാപാത്രം
ജയറാം	സുഗുണൻ
ഗോപിക	ബിന്ദു
ഇന്നസെന്റ്
മധു വാര്യർ
സുരാജ് വെഞ്ഞാറമ്മൂട്
റഹ്മാൻ
ജാഫർ ഇടുക്കി
കലാഭവൻ പ്രജോദ്
നിവേദ	ജയറാമിന്റെ മകൾ

അണിയറ പ്രവർത്തകർ

അണിയറപ്രവർത്തനം	നിർ‌വ്വഹിച്ചത്
നിർമ്മാണം	സലാവുദീൻ
ഛായാഗ്രഹണം	ഷാജി
ചിത്രസം‌യോജനം	രഞ്ജൻ എബ്രഹാം
കല	സാലു കെ. ജോർജ്
ചമയം	ഹസ്സൻ വണ്ടൂർ
വസ്ത്രാലങ്കാരം	വേലായുധൻ കീഴില്ലം
നൃത്തം
പരസ്യകല
നിശ്ചല ഛായാഗ്രഹണം	അനീഷ് ഉപാസന
നിർമ്മാണ നിയന്ത്രണം
നിർമ്മാണ നിർവ്വഹണം
അസോസിയേറ്റ് ക്യാമറാമാൻ
അസോസിയേറ്റ് ഡയറൿടർ

ഗാനങ്ങൾ

ഗാനം	പാടിയത്
ഓംകാരം ശംഖിൽ...	ഉണ്ണി മേനോൻ
മുറ്റത്തെങ്ങും...	ഫ്രാങ്കോ, സൗമ്യ
മഞ്ഞിൽ കുളിക്കും...	ശ്യാം ധർമ്മൻ
പാടാതെങ്ങെങ്ങോ...	ബിജു നാരായണൻ
വേദം ചൊല്ലും...	പ്രദീപ് പള്ളുരുത്തി, മാസ്റ്റർ ആദർശ്
ഓംകാരം ശംഖിൽ...	മാളവിക

പുരസ്കാരങ്ങൾ

2009 ലെ കേരളാ സംസ്ഥാന ചലച്ചിത്ര അവാർഡിൽ മികച്ച ബാലതാരത്തിനുള്ള പുരസ്കാരം നിവേദ തോമസ് നേടി.