സെപ്റ്റംബർ 3

ഗ്രിഗോറിയൻ കലണ്ടർ പ്രകാരം സെപ്റ്റംബർ 3 വർഷത്തിലെ 246 (അധിവർഷത്തിൽ 247)-ാം ദിനമാണ്

ചരിത്രസംഭവങ്ങൾ

• ബി.സി.ഇ. 36 - സൈന്യാധിപൻ അഗ്രിപ്പായുടെ നേതൃത്വത്തിലുള്ള ഒക്ടേവിയന്റെ സൈന്യം നൗളോക്കസിലെ യുദ്ധത്തിൽ‌വച്ച് പോം‌പെയുടെ സൈന്യത്തെ പരാജയപ്പെടുത്തി.
• 301 - നിലവിലുള്ള ലോകത്തെ ഏറ്റവും പുരാതനമായ റിപ്പബ്ലിക് രാജ്യമായ സാൻ മറിനോ സ്ഥാപിതമായി.
• 1260 - പാലസ്തീനിൽ ഐൻ ജലുത് യുദ്ധത്തിൽ മംലൂക്കുകൾ മംഗോളിയരെ പരാജയപ്പെടുത്തി.
• 1939 - രണ്ടാം ലോകമഹായുദ്ധത്തിന്റെ ആരംഭം. പോളണ്ടിലേക്കുള്ള ജർമ്മനിയുടെ അധിനിവേശത്തെത്തുടർന്ന്, ഫ്രാൻസ്, യു.കെ., ന്യൂ സീലാന്റ്, ഓസ്ട്രേലിയ എന്നീ രാജ്യങ്ങൾ ജർമ്മനിക്കെതിരെ യുദ്ധം പ്രഖ്യാപിച്ചു.
• 1943 - രണ്ടാം ലോകമഹായുദ്ധം: സഖ്യശക്തികൾ ആദ്യമായി ഇറ്റലിയിൽ അധിനിവേശം നടത്തി.
• 1971 - ഖത്തർ സ്വതന്ത്രരാജ്യമായി.
• 1995 - ഇ-ബെ സ്ഥാപിതമായി

മറ്റു പ്രത്യേകതകൾ

• റോമൻ കത്തോലിക്കാ സഭ - പോപ്പ് ഗ്രിഗറി ഒന്നാമന്റെ തിരുനാൾ
• ഖത്തർ - സ്വാതന്ത്ര്യദിനം (ബ്രിട്ടീഷ് സാമ്രാജ്യത്തിൽ നിന്ന്, 1971)
• സാൻ മാരിനോ - വിശുദ്ധ മാരിനൂസിനാൽ സ്ഥാപനം (301)
• തായ്‌വാൻ - സൈനികദിനം
• ഓസ്ട്രേലിയ - പതാകദിനം
• ടുണീഷ്യ - Memorial Day
• അമേരിക്കൻ ഐക്യനാടുകൾ - തൊഴിലാളി ദിനം
• കാനഡ - തൊഴിലാളി ദിനം