സുദീപ് പാലനാട്

ഇംഗ്ലീഷ് വിലാസം

https://ml.wikipedia.org/wiki/Sudeep_Palanad

സുദീപ് പാലനാട്
ജനനം	കട്ടുപ്പാറ , പുലാമന്തോൾ ഗ്രാമപഞ്ചായത്ത് , മലപ്പുറം ജില്ല, കേരളം, ഇന്ത്യ
ദേശീയത	ഇന്ത്യ
ജീവിതപങ്കാളി(കൾ)	സിനി
കുട്ടികൾ	ദേവസൂര്യ
മാതാപിതാക്ക(ൾ)	പാലനാട് ദിവാകരൻ സുധ
ബന്ധുക്കൾ	ദീപ പാലനാട്

ഒരു ഇന്ത്യൻ പിന്നണി ഗായകനും സംഗീതസംവിധായകനുമാണ് സുദീപ് പാലനാട് . സൂഫിയും സുജാതയും എന്ന ചിത്രത്തിലെ അൽഹംദുലില്ലാഹ് എന്ന ഗാനത്തിലൂടെ അദ്ദേഹം ശ്രദ്ധേയനായി . പ്രശസ്ത കഥകളി സംഗീതജ്ഞൻ 'പാലനാട് ദിവാകരന്റെ മകനാണ് . കഥകളിപ്പദം ആലപിച്ചാണ് അദ്ദേഹം സംഗീതത്തിൽ അരങ്ങേറ്റം കുറിച്ചത്. വെള്ളിനേഴി സുബ്രഹ്മണ്യനും പുന്നപ്പുഴ രാമനാഥനുമാണ് ആദ്യത്തെ സംഗീത അധ്യാപകർ. ഒരു ഗായകൻ എന്നതിലുപരി, ഇദ്ദേഹം ഒരു സൗണ്ട് എഞ്ചിനീയർ കൂടിയാണ്. സംഗീത സംവിധായകൻ ഔസേപ്പച്ചന്റെ സഹായിയായി അദ്ദേഹം നിരവധി സിനിമകളിൽ പ്രവർത്തിച്ചിട്ടുണ്ട് .

കരിയർ

2014ൽ പ്രദർശനത്തിനെത്തിയ അപ്പോത്തിക്കിരി എന്ന ചിത്രത്തിലെ 'ഈറൻ കണ്ണിലോ' എന്ന ഗാനം ആലപിച്ചുകൊണ്ട് ചലച്ചിത്രരംഗത്തേക്ക് കടന്നുവന്നു. 2015ൽ പ്രദർശനത്തിനെത്തിയ കരിയാണ് സംഗീതം നിർവ്വഹിച്ച ആദ്യചിത്രം. പിന്നീട് ശിഖാമണി, അവിചാരിത, ലസാഗു ഉസാഗ എന്നീ ചിത്രങ്ങൾക്ക് സംഗീതം നിർവ്വഹിച്ചു. മലയാള ചിത്രങ്ങൾക്കുപുറമെ തമിഴ് ചലച്ചിത്രഗാനങ്ങളും ആലപിച്ചിട്ടുണ്ട്. 2021 ൽ മിസിലാം പെട്ടി രാജ എന്ന ചിത്രത്തിന് സംഗീത സംവിധാനം നിർവഹിച്ചു തമിഴ് സിനിമയിലും അരങ്ങേറ്റം കുറിച്ചു.

സംഗീതം പകർന്ന ചലച്ചിത്രങ്ങൾ

വർഷം	ചിത്രം	ഭാഷ
2015	കരി	മലയാളം
2016	ശിഖാമണി	മലയാളം
2020	സമീർ	മലയാളം
1987	മിസിലാം പെട്ടി രാജ	തമിഴ്

പാടിയ പാട്ടുകൾ

വർഷം	ഗാനം	ചിത്രം
2014	ഈറൻ കണ്ണിലോ	അപ്പോത്തിക്കിരി
2015	പറയൻ മലയുടെ	കരി
2016	ചുരം ഇറങ്ങണ	ശിഖാമണി
2020	സ്വപ്ന ഭൂവിലെ	സമീർ
2020	അൽഹംദുലില്ലാഹ്	സൂഫിയും സുജാതയും

സ്വകാര്യ ജീവിതം

മലപ്പുറം ജില്ലയിലെ പുലാമന്തോൾ പഞ്ചായത്തിലെ കട്ടുപ്പാറയിലാണ് സുദീപ് ജനിച്ചത്. സംസ്ഥാനത്തെ ചുരുക്കം ചില വനിതാ കഥകളി സംഗീത ഗായകരിൽ ഒരാളായ ദീപ പാലനാട് സഹോദരിയാണ്.