ഇ.കെ. വിജയൻ

ഇംഗ്ലീഷ് വിലാസം

https://ml.wikipedia.org/wiki/E.K._Vijayan

ഇ.കെ. വിജയൻ
പതിമൂന്ന്, പതിനാല് കേരള നിയമസഭകളിലെ അംഗം.
പദവിയിൽ
ഓഫീസിൽ മേയ് 14 2011
മുൻഗാമി	ബിനോയ്‌ വിശ്വം
മണ്ഡലം	നാദാപുരം
വ്യക്തിഗത വിവരങ്ങൾ
ജനനം	(1953-01-02) ജനുവരി 2, 1953 മുതുവന
രാഷ്ട്രീയ കക്ഷി	സി.പി.ഐ.
പങ്കാളി	പി. അനിത
കുട്ടികൾ	2 പുത്രന്മാർ
മാതാപിതാക്കൾ	ടി.വി. ബാലകൃഷ്ണകിടാവ് (അച്ഛൻ) ഇ.കെ. കമലാക്ഷി അമ്മ (അമ്മ)
വസതി	പയ്യോളി
As of ജൂലൈ 3, 2020 ഉറവിടം: നിയമസഭ

കോഴിക്കോട് ജില്ലയിൽ നിന്നുള്ള സി.പി.ഐ. നേതാക്കളിലൊരാളും പതിനാലാം കേരള നിയമസഭയിൽ നാദാപുരം മണ്ഡലത്തെ പ്രതിനിധീകരിക്കുന്ന അംഗവുമാണ് ഇ.കെ. വിജയൻ. സി.പി.ഐ സംസ്ഥാന കൗൺസിൽ അംഗം, മോട്ടോർ വെഹിക്കിൾ വർക്കേഴ്സ് പ്രസിഡണ്ട് എന്നീ നിലകളിലും പ്രവർത്തിക്കുന്നു.

ജീവിതരേഖ

ടി.വി. ബാലകൃഷ്ണൻ കിടാവിന്റെയും ഇ.കെ. കമലാക്ഷിയമ്മയുടെയും മകനായി 1953 ജനുവരി 2-ന് ജനനം. എ.ഐ.എസ്.എഫ്.-ലൂടെ പൊതുരംഗത്തെത്തി. എ.ഐ.എസ്.എഫ്.-ന്റെ ജില്ലാ സെക്രട്ടറി, സംസ്ഥാന ജോയിന്റ് സെക്രട്ടറി. സി.പി.ഐ ജില്ലാ സെക്രട്ടറി, എ.ഐ.ടി.യു.സി. ജില്ലാ സെക്രട്ടറി, സംസ്ഥാന വർക്കിംഗ് കമ്മറ്റി അംഗം തുടങ്ങിയ നിലകളിൽ പ്രവർത്തിച്ചിരുന്നു. പാർലമെന്റ് മാർച്ചുമായി ബന്ധപ്പെട്ട് ഒന്നരമാസത്തോളം ജയിൽവാസമനുഷ്ടിക്കേണ്ടി വന്നിട്ടുണ്ട്.

2011-ൽ നാദാപുരം മണ്ഡലത്തിൽ നിന്നും ആദ്യമായി നിയമസഭാംഗമായി തെരഞ്ഞെടുക്കപ്പെട്ടു. ഈ തെരഞ്ഞെടുപ്പിൽ ഇദ്ദേഹം തൊട്ടടുത്ത സ്ഥാനാർത്ഥി കോൺഗ്രസ്സ് (ഐ)-യിലെ വി.എം. ചന്ദ്രനേക്കാൾ 7546 വോട്ട് അധികം നേടിയിരുന്നു.