ചിൽഡ്രൻസ് പാർക്ക്

ഇംഗ്ലീഷ് വിലാസം

https://ml.wikipedia.org/wiki/Children%27s_Park

ചിൽഡ്രൻസ് പാർക്ക്
സംവിധാനം	ഷാഫി
നിർമ്മാണം	മിലൻ ജലീൽ രൂപേഷ് ഓമന
രചന	റാഫി
അഭിനേതാക്കൾ	വിഷ്ണു ഉണ്ണികൃഷ്ണൻ ഷറഫുദ്ദീൻ,ധ്രുവൻ ,മാനസ രാധാകൃഷ്ണൻ, ഗായത്രി സുരേഷ് സൗമ്യ മേനോൻ ജോയ് മാത്യു
സംഗീതം	അരുൺരാജ്(ഗാനങ്ങൾ) ബിജിബാൽ (പശ്ചാത്തല സംഗീതം)
ഛായാഗ്രഹണം	ഫൈസൽ അലി
ചിത്രസംയോജനം	വി.സാജൻ
സ്റ്റുഡിയോ	കൊച്ചിൻ ഫിലിംസ്
വിതരണം	കൊച്ചിൻ ഫിലിംസ്
റിലീസിങ് തീയതി	2019 ജൂൺ 5
രാജ്യം	ഇന്ത്യ
ഭാഷ	മലയാളം
സമയദൈർഘ്യം	164 മിനിറ്റ്

ഷാഫി സംവിധാനം ചെയ്ത് 2019 ജൂൺ 5ന് പ്രദർശനത്തിനെത്തിയ ഒരു കോമഡി ചലച്ചിത്രമാണ് ചിൽഡ്രൻസ് പാർക്ക് (english:Children's Park) റാഫി തിരക്കഥയൊരുക്കിയ ഈ ചിത്രത്തിൽ വിഷ്ണു ഉണ്ണികൃഷ്ണൻ,ഷറഫുദ്ദീൻ,ധ്രുവൻ,മാനസ രാധാകൃഷ്ണൻ,ഗായത്രി സുരേഷ് എന്നിവർ അഭിനയിച്ചു. അരുൺരാജാണ് ഈ ചിത്രത്തിൻറ്റെ സംഗീത സംവിധാനം ചെയ്തത്.മിശ്രാഭിപ്രായമാണ് ഈ ചിത്രത്തിന് പ്രദർശനശാലകളിൽ നിന്നും ലഭിച്ചത്.

കഥാസാരം

ജെറിയും(വിഷ്ണു ഉണ്ണികൃഷ്ണൻ) ഋഷിയും(ധ്രുവൻ) ഉറ്റ സുഹൃത്തുക്കൾ ആണ്.ഋഷിയുടെ അച്ഛൻ മരിക്കുന്നതിന് മുമ്പ് എഴുതി വെച്ച വിൽപത്രത്തിൽ ഋഷിയ്ക്ക് ഒന്നും ലഭിക്കില്ല എന്ന് മനസ്സിലാകുന്നു.ബാക്കിയുള്ള സ്വത്തുക്കൾ ഋഷിയുടെ അച്ഛൻ ഊട്ടിയിലുള്ള ചിൽഡ്രൻസ് പാർക്ക് എന്നറിയപ്പെടുന്ന ഒരു അനാഥാലയത്തിന് എഴുതി വെച്ചിരിക്കുകയാണ്.ആ സ്വത്തുക്കൾ കൈ വിട്ടു പോകാതിരിക്കുവാൻ വേണ്ടി ഋഷിയും,ജെറിയും ഊട്ടിയിലെ ചിൽഡ്രൻസ് പാർക്കിലേക്ക് തിരിക്കുന്നു.ഇപ്പോൾ പ്രവർത്തന രഹിതമായി നില നിൽക്കുന്ന ആ അനാഥാലയത്തിൻറ്റെ ആകെയുള്ള ഉടമസ്ഥൻ ശരീരം തളർന്നു കിടക്കുന്ന ഗോവിന്ദൻ മാഷാണ്(ജോയ് മാത്യു).മാഷിന് ഒരു മകളുണ്ട് പ്രാർത്ഥന(മാനസ രാധാകൃഷ്ണൻ).തങ്ങളുടെ പദ്ധതി നടപ്പാക്കാൻ വേണ്ടി ജെറിയും,ഋഷിയും രാഷ്ട്രീയ പ്രവർത്തകനായ ലെനിൻ അടിമാലിയെ (ഷറഫുദ്ദീൻ) സഹായത്തിനു കൂടെ കൂട്ടുന്നു.പ്രവർത്തന രഹിതമായി കിടന്നാൽ അനാഥാലയം ഗവൺമെന്റിലേക്ക് പോകുമെന്ന് തിരിച്ചറിഞ്ഞ മൂവരും കുട്ടികളെ കൊണ്ട് ഭിക്ഷാടനം നടത്തുന്ന ഒരു മാഫിയയുടെ കൈകളിൽ നിന്ന് കുട്ടികളെ രക്ഷിച്ചു ചിൽഡ്രൻസ് പാർക്കിൽ എത്തിക്കുന്നു.അങ്ങനെ സന്തോഷകരമായി മുന്നോട്ട് നീങ്ങവേ പ്രാർത്ഥനയും ,ജെറിയും പ്രണയത്തിലാകുന്നു.അതോടൊപ്പം തന്നെ ലെനിന്റെ പാർട്ടി നേതാവായ കോരയുടെ (ശിവജി ഗുരുവായൂർ) മകളുമായി ധ്രുവനും പ്രണയത്തിലാകുന്നു.ലെനിൻ പ്രണയിച്ചു വഞ്ചിച്ച വിജി(ഗായത്രി സുരേഷ്) ഒരു കൈകുഞ്ഞും ആയി അനാഥാലയത്തിലേക്ക് വരുന്നു.അതിനെ അവിടെ വളർത്തുന്നു.തുടർന്ന് രസകരമായ സംഭവ വികാസങ്ങൾ അരങ്ങേറവേ അനാഥാലയത്തിലെ കുട്ടികളെ പിടിച്ചു കൊണ്ട് പോകുവാൻ മുത്ത് പാണ്ടി(അരുൾ ദാസ്) എന്ന ഒരാളും ഗുണ്ടകളും എത്തുന്നു..അവരെ ജെറിയും,ഋഷിയും,ലെനിനും ചേർന്ന് നേരിടുന്നു.അവസാനം എല്ലാവരും സന്തോഷത്തോടെ അനാഥാലയത്തിൽ കഴിയുന്നു.

കഥാപാത്രങ്ങൾ

• വിഷ്ണു ഉണ്ണികൃഷ്ണൻ-ജെറി
• ധ്രുവൻ-ഋഷി
• ഷറഫുദ്ദീൻ-ലെനിൻ അടിമാലി
• ഗായത്രി സുരേഷ്-വിജി
• മാനസ രാധാകൃഷ്ണൻ-പ്രാർത്ഥന
• സൗമ്യ മേനോൻ- നിമ്മി
• ജോയ് മാത്യു- ഗോവിന്ദൻ മാഷ്
• അരുൾ ദാസ് - മുത്ത് പാണ്ടി
• നോബി മാർക്കോസ്- ചായക്കടക്കാരൻ
• ഹരീഷ് കണാരൻ- ദിനകരൻ
• ശിവജി ഗുരുവായൂർ- കോര/നിമ്മിയുടെ അച്ഛൻ
• പൊന്നമ്മ ബാബു- നിമ്മിയുടെ അമ്മ
• ശ്രീജിത്ത് രവി- എ.സി.പി. അലക്സ്
• റാഫി- അഡ്വക്കേറ്റ് തോമസ് അഗസ്റ്റിൻ/ജെറിയുടെ അച്ഛൻ
• ബാലചന്ദ്രൻ ചുള്ളിക്കാട്- ഋഷിയുടെ അച്ഛൻ