"അയ്യപ്പനും കോശിയും" എന്ന താളിന്റെ പതിപ്പുകൾ തമ്മിലുള്ള വ്യത്യാസം
റ്റാഗുകൾ: മൊബൈൽ സൈറ്റ് മൊബൈൽ വെബിലെ തിരുത്ത് വിപുലീകൃത മൊബൈൽ തിരുത്ത് |
റ്റാഗുകൾ: മൊബൈൽ സൈറ്റ് മൊബൈൽ വെബിലെ തിരുത്ത് വിപുലീകൃത മൊബൈൽ തിരുത്ത് |
||
വരി 44: | വരി 44: | ||
*[[ജോണി ആന്റണി]] |
*[[ജോണി ആന്റണി]] |
||
* അനിൽ നെടുമങ്ങാട്...സി ഐ സതീഷ് |
* അനിൽ നെടുമങ്ങാട്...സി ഐ സതീഷ് |
||
* സാബുമോൻ അബ്ദുസമദ്... |
* സാബുമോൻ അബ്ദുസമദ്...കുട്ടമണി |
||
* അലൻസിയാർ...എം എൽ എ കെ.സി.ജോർജ് |
* അലൻസിയാർ...എം എൽ എ കെ.സി.ജോർജ് |
||
*ഷാജു ശ്രീധർ...ജോക്കുട്ടൻ |
*ഷാജു ശ്രീധർ...ജോക്കുട്ടൻ |
12:17, 21 ഫെബ്രുവരി 2020-നു നിലവിലുണ്ടായിരുന്ന രൂപം
അയ്യപ്പനും കോശിയും | |
---|---|
സംവിധാനം | സച്ചി |
നിർമ്മാണം | രഞ്ജിത്ത് പി.എം ശശിധരൻ |
രചന | സച്ചി |
തിരക്കഥ | സച്ചി |
അഭിനേതാക്കൾ | പൃഥ്വിരാജ് ബിജു മേനോൻ അന്ന രാജൻ |
സംഗീതം | ജേക്ക്സ് ബിജോയ് |
ഛായാഗ്രഹണം | സുദീപ് ഇളമൺ |
ചിത്രസംയോജനം | രഞ്ചൻ എബ്രഹാം |
സ്റ്റുഡിയോ | ഗോൾഡ് കോയിൻ മോഷൻ പിക്ചേഴ്സ് |
വിതരണം | സെൻട്രൽ പിക്ചേഴ്സ് |
റിലീസിങ് തീയതി |
|
രാജ്യം | ഇന്ത്യ |
ഭാഷ | മലയാളം |
ബജറ്റ് | ₹25 കോടി |
സമയദൈർഘ്യം | 177 മിനിറ്റ് |
ആകെ | ₹36 കോടി |
അനാർക്കലി എന്ന ചിത്രത്തിന് ശേഷം സച്ചി രചനയും സംവിധാനവും നിർവഹിച്ച് 2020 ഫെബ്രുവരി 7-ന് പ്രദർശനത്തിനെത്തിയ ഒരു മലയാളഭാഷ ആക്ഷൻ-ത്രില്ലർ ചലച്ചിത്രമാണ് അയ്യപ്പനും കോശിയും (English: Ayyappanum Koshiyum).പൃഥ്വിരാജും,ബിജു മേനോനും പ്രധാന കഥാപാത്രങ്ങളെ അവതരിപ്പിച്ച ഈ ചിത്രം ഗോൾഡ് കോയിൻ മോഷൻ പിക്ചേഴ്സിൻറ്റെ ബാനറിൽ രഞ്ജിത്തും ,പി.എം ശശിധരനും ചേർന്നാണ് നിർമ്മിച്ചത്.ജേക്സ് ബിജോയ് ആണ് ഈ ചിത്രത്തിന്റെ സംഗീത സംവിധാനം കൈകാര്യം ചെയ്തത്.സുദീപ് ഇളമൺ ഛായാഗ്രഹണം നിർവഹിച്ച ഈ ചിത്രത്തിന്റെ ചിത്രസംയോജനം രഞ്ജൻ എബ്രഹാമാണ് ചെയ്തത്.സെൻട്രൽ പിക്ചേഴ്സ് ഈ ചിത്രം തിയേറ്ററുകളിൽ വിതരണത്തിന് എത്തിച്ചു.പണത്തിന്റെയും പിടിപാടിന്റെയും ബലം കൊണ്ട് സാധാരണക്കാരനെ ഇല്ലാതാക്കുന്ന അധികാരവർഗങ്ങളുടെ പകപോക്കലും നിയമവാഴ്ചയിലെ പാകപ്പിഴകളും ചിത്രത്തിലൂടെ പരോക്ഷമായി വിമർശിക്കുന്നുണ്ട്. പൊതുവേ ഈ ചിത്രത്തിന് അനുകൂലമായ അഭിപ്രായമാണ് തിയേറ്ററുകളിൽ നിന്നും ലഭിച്ചത്.
പട്ടാളത്തിൽ 16 വർഷത്തെ സർവീസിനുശേഷം ഹവീൽദാർ റാങ്കിൽ വിരമിച്ച കട്ടപ്പനക്കാരനായ കോശിയും(പൃഥ്വിരാജ്) അട്ടപ്പാടിയിലെ പോലീസ് സ്റ്റേഷനിലെ എസ്.ഐയായ അയ്യപ്പൻ നായരും(ബിജു മേനോൻ) തമ്മിലുണ്ടാകുന്ന ഒരു നിയമപ്രശ്നമാണ് ഈ ചിത്രത്തിന്റെ ഇതിവൃത്തം.
അട്ടപ്പാടിയിലാണ് സിനിമ ഭൂരിഭാഗവും ചിത്രീകരിച്ചിരിക്കുന്നത്. അട്ടപ്പാടിയുടെ തനത് സൗന്ദര്യം ആവോളം ഒപ്പിയെടുക്കാൻ ചിത്രത്തിന് സാധിച്ചിട്ടുണ്ട്. ആദിവാസി നൃത്തവും പാട്ടുകളുമെല്ലാം സിനിമയുടെ പ്ലസ് പോയന്റുകളാണ്. ആദിവാസികളനുഭവിക്കുന്ന പ്രശ്നങ്ങളിലേക്കും സിനിമ വിരൽ ചൂണ്ടുന്നുണ്ട്.
കഥാസാരം
കട്ടപ്പനയിലെ വലിയ നേതാവും അതിലുപരി സമ്പന്നനുമായ കുര്യൻ ജോണിന്റെ മകനാണ് കോശി. സ്വന്തമായി ഒരു മേൽവിലാസം ഉണ്ടാക്കിയെടുക്കാൻ ശ്രമിക്കുന്നുണ്ടെങ്കിലും ചാച്ചന്റെ പേരിലും തണലിലുമാണ് അയാൾ ജീവിതം മുന്നോട്ട് കൊണ്ടുപോകുന്നത്. ചാച്ചന്റെ അടിമയായി ജീവിക്കുന്നതിന്റെ സ്വന്തമായി തീരുമാനം എടുക്കാൻ സാധിക്കാത്തതിന്റെ എല്ലാ പ്രശ്നങ്ങളും കോശിയ്ക്കുണ്ട്. അർധരാത്രി അട്ടപ്പാടി വഴി ഊട്ടിയ്ക്ക് പോകുകയാണ് കോശിയും ഡ്രൈവറും. മദ്യനിരോധിത മേഖലയായ അട്ടപ്പാടി വനമേഖലയിൽ വെച്ച് മദ്യലഹരിയിലുള്ള കോശിയെ 12 കുപ്പി മദ്യം കൈവശം വെച്ചതിന് പോലീസും എക്സൈസും വനംവകുപ്പ് ഉദ്യോഗസ്ഥരും ചേർന്ന് അറസ്റ്റ് ചെയ്യുന്നു. പ്രമാണിയും മുൻ ഹവിൽദാറുമായ കോശി പോലീസിനെതിരെ ശക്തമായി പ്രതികരിക്കുകയും കൈയ്യേറ്റം നടത്തുകയും ചെയ്യുന്നു. ഇതിനെ എതിർക്കുന്ന സബ് ഇൻസ്പെക്ടർ അയ്യപ്പൻ നായർ കോശിയെ അറസ്റ്റ് ചെയ്യുന്നു.മദ്യനിരോധിത മേഖലയിൽ മദ്യം കടത്തിയതിന്റെ പേരിൽ അകത്തിലാകുന്ന കോശിയുടെ മനസ്സിൽ അയ്യപ്പൻ നായരോടുള്ള പക ഉടലെടുക്കുന്നു. കോശി അയ്യപ്പനെ മറ്റൊരു കേസിൽ കുടുക്കുന്നു.
സത്യത്തിന്റെ പക്ഷത്ത് മാത്രം സഞ്ചരിക്കുന്ന അയ്യപ്പൻ മനുഷ്യത്വത്തിന്റെ പേരിൽ ചെയ്യുന്ന ചെറിയൊരു തെറ്റിന് നേരിടേണ്ടി വരുന്ന പരിണിത ഫലങ്ങൾ വളരെ വലുതാണ്. അതിന് കാരണക്കാരനാകുന്നത് കോശിയും. ഇതോടെ ഇരുവരും ബദ്ധ ശത്രുക്കളായി മാറുന്നു. ഇവിടുന്നങ്ങോട്ട് ഈ ചിത്രം കൂടുതൽ ഉദ്വേഗഭരിതമാകുന്നു.
അഭിനേതാക്കൾ
- പൃഥ്വിരാജ്...ഹവീൽദാർ കോശി കുര്യൻ
- ബിജു മേനോൻ... എസ്.ഐ അയ്യപ്പൻ നായർ/മുണ്ടൂർ മാടൻ
- അന്ന രാജൻ...റൂബി കോശി കുര്യൻ/കോശിയുടെ ഭാര്യ
- ഗൗരി നന്ദ...കണ്ണമ്മ/അയ്യപ്പൻ നായരുടെ ഭാര്യ
- രഞ്ജിത്ത്...കുര്യൻ ജോൺ /കോശി കുര്യന്റെ അച്ഛൻ
- ജോണി ആന്റണി
- അനിൽ നെടുമങ്ങാട്...സി ഐ സതീഷ്
- സാബുമോൻ അബ്ദുസമദ്...കുട്ടമണി
- അലൻസിയാർ...എം എൽ എ കെ.സി.ജോർജ്
- ഷാജു ശ്രീധർ...ജോക്കുട്ടൻ
- കോട്ടയം രമേശ്
- അജി ജോൺ...ഉമ്മൻ
- നന്ദു ആനന്ദ്...ജോബി
- സലീഷ് എൻ ശങ്കരൻ... ഡിവൈഎസ്പി ചെറിയാൻ ജോർജ്
- രമേശ് കോട്ടയം... ഡ്രൈവർ കുമാരൻ/കുമാരേട്ടൻ
നിർമ്മാണം
നാല് വർഷത്തിന് ശേഷമാണ് സച്ചി സംവിധാനം ചെയ്യുന്ന രണ്ടാമത്തെ സിനിമയാണ് അയ്യപ്പനും കോശിയു. രഞ്ജിത്ത് ആണ് പൃഥ്വിരാജിന്റെ അച്ഛന്റെ വേഷത്തിൽ അഭിനയിച്ചത്. അന്ന രേഷ്മ രാജൻ, സാബുമോൻ എന്നിവരാണ് മറ്റ് താരങ്ങൾ. സംവിധായകൻ രഞ്ജിത്തിന്റെ നേതൃത്വത്തിലുള്ള നിർമാണ വിതരണ കമ്പനിയായ ഗോൾഡ് കോയിൻ മോഷൻ പിക്ചേഴ്സാണ് നിർമാണം.സുദീപ് ഇളമൺ ആണ് ക്യാമറ കൈകാര്യം ചെയ്തത്. പതിനെട്ടാം പടി, ഫൈനൽസ് എന്നീ സിനിമകൾക്ക് ശേഷം സുദീപ് ഛായാഗ്രഹണം നിർവഹിച്ച ചിത്രം കൂടിയാണ് അയ്യപ്പനും കോശിയും. പാലക്കാടും അട്ടപ്പാടിയിലുമായാണ് പ്രധാന ഭാഗങ്ങൾ ചിത്രീകരിച്ചത്.
റിലീസ്
അയ്യപ്പനും കോശിയുടേയും ഔദ്യോഗിക ടീസർ 2020 ജനുവരി 11-ന് പുറത്ത് വന്നു.ചിത്രത്തിന്റെ ട്രെയിലർ 2020 ജനുവരി 23-ന് റീലീസ് ചെയ്തു. 2020 ഫെബ്രുവരി 7-ന് തീയേറ്ററുകളിൽ പ്രദർശനത്തിന് എത്തി.
ബോക്സ് ഓഫീസ്
റിലീസ് ചെയ്ത് കഴിഞ്ഞുള്ള ആദ്യത്തെ 8 ദിവസത്തെ തിയേറ്റർ റണ്ണിന് ശേഷം 12.40 കോടി രൂപയാണ് ചിത്രം നേടിയത്.
സംഗീതം
ഈ ചിത്രത്തിന്റെ സംഗീതവും പശ്ചാത്തല സംഗീതവും ജേക്സ് ബിജോയ് ആണ് നിർവഹിച്ചത്. ചിത്രത്തിൽ നഞ്ചമ്മ പാടിയ കലക്കാത്ത എന്ന ടൈറ്റിൽ സോംങ്ങ് വളരെയധികം പ്രേക്ഷക ശ്രദ്ധ നേടി. ഗാനത്തിന്റെ വരികൾ എഴുതിയത് നഞ്ചമ്മ തന്നെയാണ്.
അയ്യപ്പനും കോശിയും | ||||||||||
---|---|---|---|---|---|---|---|---|---|---|
# | ഗാനം | Singer(s) | ദൈർഘ്യം | |||||||
1. | "കലക്കാത്ത" | നഞ്ചമ്മ | 02:27 | |||||||
2. | "താളം പോയി" | സംഗീത,ജേക്സ് ബിജോയ് | 04:36 | |||||||
3. | "അറിയാതെ അറിയാതെ" | കോട്ടയ്ക്കൽ മധു | ||||||||
4. | "അടടചക്ക" | പൃഥ്വിരാജ്,ബിജു മേനോൻ |
അവലംബം
- https://www.asianetnews.com/amp/trailer/ayyappanum-koshiyum-teaser-q3y4o5?utm_source=ml&utm_medium=site&utm_campaign=related
- https://www.asianetnews.com/topic/%E0%B4%85%E0%B4%AF%E0%B5%8D%E0%B4%AF%E0%B4%AA%E0%B5%8D%E0%B4%AA%E0%B4%A8%E0%B5%81%E0%B4%82-%E0%B4%95%E0%B5%8B%E0%B4%B6%E0%B4%BF%E0%B4%AF%E0%B5%81%E0%B4%82