"ഗ്രാൻ സബാന" എന്ന താളിന്റെ പതിപ്പുകൾ തമ്മിലുള്ള വ്യത്യാസം
''''ലാ ഗ്രാൻ സബാന''' ({{IPA-es|la ɣɾan saˈβana}}, ഇംഗ്ലീഷ്: ദി ഗ്രേ...' താൾ സൃഷ്ടിച്ചിരിക്കുന്നു |
No edit summary |
||
| വരി 1: | വരി 1: | ||
{{prettyurl|Gran Sabana}} |
|||
'''ലാ ഗ്രാൻ സബാന''' ({{IPA-es|la ɣɾan saˈβana}}, ഇംഗ്ലീഷ്: ദി ഗ്രേറ്റ് സവന്ന) ഗയാന [[സവേന]] പരിസ്ഥിതി മണ്ഡലത്തിന്റെ ഭാഗമായ തെക്കുകിഴക്കൻ [[വെനസ്വേല|വെനിസ്വേലയിലെ]] ഒരു പ്രദേശമാണ്. |
'''ലാ ഗ്രാൻ സബാന''' ({{IPA-es|la ɣɾan saˈβana}}, ഇംഗ്ലീഷ്: ദി ഗ്രേറ്റ് സവന്ന) ഗയാന [[സവേന]] പരിസ്ഥിതി മണ്ഡലത്തിന്റെ ഭാഗമായ തെക്കുകിഴക്കൻ [[വെനസ്വേല|വെനിസ്വേലയിലെ]] ഒരു പ്രദേശമാണ്. |
||
14:24, 9 ഒക്ടോബർ 2019-നു നിലവിലുണ്ടായിരുന്ന രൂപം
ലാ ഗ്രാൻ സബാന (സ്പാനിഷ് ഉച്ചാരണം: [la ɣɾan saˈβana], ഇംഗ്ലീഷ്: ദി ഗ്രേറ്റ് സവന്ന) ഗയാന സവേന പരിസ്ഥിതി മണ്ഡലത്തിന്റെ ഭാഗമായ തെക്കുകിഴക്കൻ വെനിസ്വേലയിലെ ഒരു പ്രദേശമാണ്.
ഇത് ഗയാന മലമ്പ്രദേശങ്ങളിലേക്കും തെക്കു കിഴക്ക് ബൊളിവർ സംസ്ഥാനത്തേയ്ക്കും വ്യാപിച്ച് ബ്രസീലിന്റേയും ഗയാനയുടേയും അതിർത്തികളിലേക്കുകൂടി വ്യാപിച്ചുകിടക്കുന്നു.[1] 10,820 ചതുരശ്ര കിലോമീറ്റർ (4,180 ചതുരശ്ര മൈൽ) വിസ്തൃതിയുള്ള ഗ്രാൻ സബാന, വെനിസ്വേലയിലെ രണ്ടാമത്തെ വലിയ ദേശീയോദ്യാനമായ കനൈമ ദേശീയോദ്യാനത്തിന്റെ ഭാഗമാണ്. പരിമ ടാപ്പിറാപെകോ ദേശീയോദ്യാനം മാത്രമാണ് കനൈമ ദേശീയോദ്യാനത്തേക്കാൾ വലുതായിട്ടുള്ളത്. ഈ പ്രദേശത്തെ ശരാശരി താപനില 20 ° C (68 ° F) ആണ്, എന്നാൽ രാത്രിയിൽ 13 ° C (55 ° F) ലേക്ക് താഴാം, കൂടാതെ ചില ഉയർന്ന സ്ഥലങ്ങളിൽ കാലാവസ്ഥാനുസൃതമായി താപനില അൽപ്പംകൂടി കുറയാനിടയുണ്ട്.
നദികൾ, വെള്ളച്ചാട്ടങ്ങൾ, ഗരികന്ദരങ്ങൾ, ആഴമേറിയതും വിശാലവുമായ താഴ്‌വരകൾ, അസംഖ്യം വൈവിധ്യമാർന്ന സസ്യ ജന്തുജാലങ്ങൾക്ക് ആതിഥ്യമൊരുക്കുന്ന അഭേദ്യവനങ്ങൾ, സാവേനകൾ, ടെപുയിസ് എന്നു പ്രാദേശികമായി അറിയപ്പെടുന്ന ടേബിൾടോപ് പർവ്വതങ്ങൾ തുടങ്ങിയവ ഉൾക്കൊള്ളുന്ന ഇത് ലോകത്തിലെ തികച്ചും അസാധാരണമായ ഭൂപ്രകൃതികളിലൊന്നാണ്.
ചരിത്രം
വെനിസ്വേലയിലെ കൊളോണിയൽ ഭരണ കാലഘട്ടത്തിൽ, ഗയാനയിലെ വിശാലമായ പ്രദേശങ്ങളുടെയും അതിലെ പ്രകൃതിവിഭവങ്ങളുടെയും വ്യാപ്തി ‘എൽ ഡൊറാഡോ’ എന്ന ഇതിഹാസത്തിന്റെ ഉത്ഭവത്തിനു കാരണമായിത്തീരുകയും ഇത് സാഹസികരുടെയും പര്യവേക്ഷകരുടെയും കുടിയേറ്റക്കാരുടെയും ശ്രദ്ധ പിടിച്ചുപറ്റുകയും ചെയ്തു. സ്വർണം, രത്നങ്ങൾ, വിലയേറിയ മറ്റ് പ്രകൃതിവിഭവങ്ങൾ എന്നിവ തേടി അവർ അന്തിമമായി ഈ തീരങ്ങളിൽ എത്തിച്ചേരുകയും ചെയ്തു. അങ്ങനെ അതിവിശാലവും എത്തിപ്പെടാൻ ബുദ്ധിമുട്ടുള്ളതും ഇന്നേയ്ക്കുവരെ വളരെ കുറച്ച് ആളുകൾ കണ്ടതുമായ നിരവധി പ്രദേശങ്ങൾ ഉൾക്കൊള്ളുന്ന ഒരു പ്രദേശത്തിന്റെ പര്യവേക്ഷണത്തിന് തുടക്കം കുറിക്കപ്പെട്ടു.
ദേശീയോദ്യാന രൂപീകരണം
തെക്കുകിഴക്കൻ ഗയാനയുടെ ജൈവശാസ്ത്രപരവും ധാതുപരവും ഭൌമശാസ്ത്രപരവുമായ സമ്പന്നതയും വൈവിധ്യവും കണക്കിലെടുത്ത് വെനിസ്വേല സർക്കാരിന് ഈ പ്രദേശത്തിന്റെ സംരക്ഷണം അത്യന്താപേക്ഷിതമായിരുന്നു. ഇക്കാരണത്താൽ 1962 ജൂൺ 12 ലെ എക്സിക്യൂട്ടീവ് ഓർഡർ നമ്പർ 770 പുറത്തിറക്കി വർഷങ്ങൾക്കുശേഷം കാനൈമ ഒരു ദേശീയോദ്യാനമായി പ്രഖ്യാപിക്കപ്പെട്ടു. വെനിസ്വേലയിലെ രണ്ടാമത്തെ വലിയ ദേശീയോദ്യാനമാണിത്.
ഇപ്പോൾ 3,000,000 ഹെക്ടർ (7,400,000 ഏക്കർ) ഭൂവിസ്തൃതിയുള്ള കാനൈമ ദേശീയോദ്യാനം ലോകത്തിലെ ഏറ്റവും വലിയ ആറ് ദേശീയോദ്യനാങ്ങളിൽ ഒന്നാണ്. എന്നിരുന്നാലും, അതിന്റെ യഥാർത്ഥ വിസ്തീർണ്ണമായ 1,000,000 ഹെക്ടറിൽ (2,500,000 ഏക്കർ) ഗ്രാൻ സബാനയുടെ പ്രദേശം ഉൾപ്പെടുത്തിയിട്ടില്ലായിരുന്നു.
ഉയർന്ന പാരിസ്ഥിതിക പ്രാധാന്യമുള്ള നിരവധി പ്രദേശങ്ങളെ ഉൾക്കൊള്ളുന്നതിനായി 1975 ൽ ഇത് വിപുലീകരിക്കപ്പെട്ടു. കരാവോ നദീതടം, കരോനി നദിയുടെ അത്യുന്നതഭാഗം, സിയറ ഡി ലെമ, കുയൂനി നദിയുടെ ഉറവിടം, ഗ്രാൻ സബാന രൂപപ്പെടുന്ന ഉരുളൻ സമതലങ്ങൾ എന്നിവ ഈ പ്രദേശങ്ങളിൽ ഉൾപ്പെടുന്നു. പാർക്ക് പ്രവേശന ചിഹ്നത്തിന്റെ ചിത്രത്തിൽ കാണിച്ചിരിക്കുന്നതുപോലെ നിലവിൽ ഗ്രാൻ സബാനയുടെ ഭൂപ്രദേശം 1,082,000 ഹെക്ടർ (2,670,000 ഏക്കർ) ആണ്.
നിലവിൽ, ഗ്രാൻ സബാന ഉയർന്ന പാരിസ്ഥിതിക മൂല്യമുള്ള ഒരു സ്ഥലമായി തുടരുന്നു. 1994 ൽ കനൈമ ദേശീയോദ്യാനത്തെ ലോക പൈതൃക സ്ഥലമായി യുനെസ്കോ പ്രഖ്യാപിച്ചിരുന്നു. സംരക്ഷണവും പര്യവേഷണവും പ്രോത്സാഹിപ്പിക്കുന്ന വെനിസ്വേല സർക്കാരും ഒപ്പം വെനിസ്വേലയിലെ പൊതുജനങ്ങളും ഉയർന്ന മൂല്യമുള്ള ഒരു സ്ഥലമായി ഇതിനെ കണക്കാക്കുന്നു. പ്രതിവർഷം ആയിരക്കണക്കിന് വിനോദ സഞ്ചാരികൾ ഈ പ്രദേശം സന്ദർശിക്കാറുണ്ട്. ദേശീയോദ്യാനത്തിലെ വൈവിധ്യമാർന്ന പ്രകൃതി അത്ഭുതങ്ങൾ ആസ്വദിക്കാനും ഒപ്പം ടെപ്പൂയികളിലെ പ്രകൃതിദൃശ്യങ്ങൾ, വെള്ളച്ചാട്ടങ്ങൾ, അരുവികൾ എന്നിവയുൾപ്പെടെയുള്ള താൽപ്പര്യമുണർത്തുന്ന സ്ഥലങ്ങളുടെ ഭംഗി ആസ്വദിക്കാനും അവയിലെ സസ്യ ജന്തുജാലങ്ങളുടെ വൈവിധ്യം ആസ്വദിക്കാനും അവർക്ക് കഴിയും. ഇവിടുത്തെ സസ്യജന്തു വൈവിധ്യം ലോകമെമ്പാടുമുള്ള നിരവധി പണ്ഡിതന്മാരെയും ശാസ്ത്രജ്ഞരെയും ആകർഷിക്കുന്ന ഒന്നാണ്. വെനിസ്വേലയിൽ ആകെയുള്ളതിലെ 40% ഇനങ്ങളും ഗ്രാൻ സബാനയിൽ മാത്രമാണ് കാണപ്പെടുന്നത്. അതുപോലെ ഉരഗങ്ങളുടെയും ഉഭയജീവികളുടെയും കാര്യത്തിൽ 23 ശതമാനത്തോടൊപ്പം വംശനാശഭീഷണി നേരിടുന്ന മറ്റ് അനേകം ജീവജാലങ്ങളും ഗ്രാൻ സബാനയിൽ കാണപ്പെടുന്നു.
ഈ പ്രദേശത്തെ ഏറ്റവും വലിയ നഗരം സാന്താ എലീന ഡി യുറൈൻ ആണ്. വളരെ വേഗത്തിൽ വളർച്ച കൈവരിച്ചുകൊണ്ടിരിക്കുന്ന ഈ നഗരത്തിൽ 30,000 ത്തിലധികം ആളുകൾ വസിക്കുന്നു. ഈ പ്രദേശത്തെ വജ്ര ഖനനത്തിന്റെ വളർച്ചയിൽ ആകൃഷ്ടനായ ലൂക്കാസ് ഫെർണാണ്ടസ് പെന 1923 ൽ ഇതു സ്ഥാപിച്ചു. ഇവിടുത്തെ ശരാശരി താപനില 25 നും 28 ° C നും ഇടയിലാണ് (77 നും 82 ° F നും ഇടയിൽ). സമുദ്രനിരപ്പിൽ നിന്ന് 910 മീറ്റർ (2,990 അടി)ഉയരത്തിലുള്ള ഈ പ്രദേശം ബ്രസീലിൽ അതിർത്തിയിൽ നിന്ന് 15 കിലോമീറ്റർ (9.3 മൈൽ), സ്യൂഡാഡ് ഗയാനയിൽ നിന്ന് 615 കിലോമീറ്റർ (382 മൈൽ), കാരക്കാസിൽ നിന്ന് 1,400 കിലോമീറ്റർ (870 മൈൽ) ദൂരങ്ങളിലാണ്. ഒരു നടപ്പാതയിലൂടെ . ഗ്രാൻ സബാനയിലെ ആകെ ജനസംഖ്യ നിലവിൽ 48,000 ആയി കണക്കാക്കപ്പെടുന്നു.
അവലംബം
- ↑ "La Gran Sabana". Venezuela Tuya. venezuelatuya.com S.A. Retrieved 2012-09-14.
La Gran Sabana (The great plain) is located inside Venezuela's biggest national park: Canaima, in the Bolivar state south. It is an unique place with views that you will not see anywhere else in the world.