ഒരു യമണ്ടൻ പ്രേമകഥ

വിഷ്ണു ഉണ്ണികൃഷ്ണൻ ,ബിബിൻ ജോർജ് എന്നിവർ തിരക്കഥ രചിച്ച് 2019 ൽ പ്രദർശനത്തിന് എത്തിയ മലയാളചലച്ചിത്രം ആണ് ഒരു യമണ്ടൻ പ്രേമകഥ(English: A Adipoli Love Story). ബി. സി നൗഫൽ സംവിധാനം ചെയ്ത ഈ ചിത്രം നിർമിച്ചത് ആന്റോ ജോസഫും സി. ആർ സലീമും ആണ്. സംയുക്ത മേനോൻ, നിഖില വിമൽ,എന്നിവർ നായികമാരായി എത്തിയ ഈ ചിത്രത്തിൽ സലിം കുമാർ,സൗബിൻ ഷാഹിർ ,രൺജി പണിക്കർ, അരുൺകുര്യൻ തുടങ്ങിയവർ പ്രധാന വേഷങ്ങൾ കൈകാര്യം ചെയ്തു. നാദിർഷ സംഗീത സംവിധാനം നിർവഹിച്ച ഈ ചിത്രം 2019 ഏപ്രിൽ 25 ന്‌ തീയേറ്ററുകളിൽ പ്രദർശനത്തിന് എത്തി.ഈ ചിത്രത്തിന് പൊതുവെ നല്ല സ്വീകാര്യത ആണ് പ്രേക്ഷകരിൽ നിന്നും ലഭിച്ചത്.

അഭിനേതാക്കൾ

• ദുൽഖർ സൽമാൻ ....ലല്ലു /മോഹൻലാൽ കൊമ്പനായിൽ ജോൺ
• സംയുക്ത മേനോൻ....ജെസ്ന
• നിഖില വിമൽ.....ദിയ ഫ്രാൻസിസ്
• സുരാജ് വെഞ്ഞാറമൂട്...ഫ്രാൻസിസ്/ദിയയുടെ അച്ഛൻ
• ലെന.....അന്നാമ്മ /ദിയയുടെ അമ്മ
• രൺജി പണിക്കർ ജോൺ

കൊമ്പനായിൽ/ലല്ലുവിൻറ്റെ അച്ഛൻ

• അരുൺ കുര്യൻ....പാപ്പി/ലല്ലുവിൻറ്റെ അനിയൻ
• അശോകൻ... ജെസ്നയുടെ അച്ഛൻ
• സലിം കുമാർ.... പാഞ്ചിക്കുട്ടൻ
• സൗബിൻ ഷാഹിർ.... വിക്കി/വിക്കി പീടിക
• വിഷ്ണു ഉണ്ണികൃഷ്ണൻ...ടെനി സെബാസ്റ്റ്യൻ
• കോട്ടയം പ്രദീപ്....സെബാസ്റ്റ്യൻ/ ടെനിയുടെ അച്ഛൻ
• ധർമജൻ ബോൾഗാട്ടി... ടിങ്കു
• ദിലീഷ് പോത്തൻ...എസ്. ഐ അഭിലാഷ്
• ബിബിൻ ജോർജ്...ഡേവിസ്
• ഹരിപ്രശാന്ത് എം.ജി ..പാറമട അബ്ബ
• ഹരീഷ് കണാരൻ...ഫ്രെഡറിക്
• സുനിൽ സുഖദ... ഫാദർ നെട്ടൂരാൻ

കഥാസംഗ്രഹം

അഡ്വക്കേറ്റ് കൊമ്പനയിൽ ജോണിന്റെ മൂത്ത മകൻ ആണ് ലല്ലു.സാമ്പത്തികമായി മുൻപന്തിയിൽ നിൽക്കുന്ന ആ കുടുംബത്തിലെ സുഖ സൗകര്യങ്ങളിൽ നിന്നെല്ലാം ഒഴിഞ്ഞ് മാറിയുള്ള ഒരു ജീവിതം ആണ് ലല്ലു നയിക്കുന്നത്. ലല്ലുവിന് ചാവേർ എന്നറിയപ്പെടുന്ന ഒരു സുഹൃത്ത് വലയം ഉണ്ട്.പാഞ്ചി കുട്ടനൊപ്പം (സലിം കുമാർ) പെയിൻറ് ജോലിക്ക് പോയി സുഹൃത്തുക്കൾക്കൊപ്പം അടിച്ചു പൊളിച്ചു ജീവിക്കുന്ന പ്രകൃതം ആണ് ലല്ലുവിന്.നൊൾസ്റ്റാജിയയെ വളരെ അധികം ഇഷ്ടപ്പെടുന്ന ലല്ലുവിന്റെ ഒരു തീരുമാനം ആണ് തന്റെ മനസ്സിന് ഒരു സ്പാർക്ക് ഉണ്ടാക്കുന്ന പെൺകുട്ടിയെ മാത്രമേ അവൻ വിവാഹം കഴിക്കുക ഉള്ളൂ എന്നുള്ളത്.എങ്കിലും ആ നാട്ടിൽ അവനെ ഗാഢമായി പ്രണയിക്കുന്ന ഒരു പെൺകുട്ടി ഉണ്ട് ജസ്‌ന( സംയുക്ത മേനോൻ).എന്നാൽ ലല്ലുവിന് അവളെ ഇഷ്ടമല്ല.

ലല്ലുവിൻറ്റെ അച്ഛൻ അവന്റെ സുഹൃത്തുക്കളെ കൊണ്ട് അവനെ എങ്ങനെ എങ്കിലും കല്യാണം കഴിപ്പിക്കാൻ ശ്രമിക്കുന്നു. താൻ ആഗ്രഹിക്കുന്ന സ്പാർക്ക് ഒരു പെൺകുട്ടികളിലും കണ്ടെത്താതെ പരാജിതൻ ആകുന്ന അവൻ അവസാനം തന്റെ മനസ്സിനെ സ്പാർക്ക് ചെയ്ത ഒരു പെൺകുട്ടിയെ കണ്ടെത്തുന്നു. ആ പെൺകുട്ടിയുടെ പേര് ദിയ ഫ്രാൻസിസ്(നിഖില വിമൽ)എന്നാണ്.ഈ കാര്യം അറിഞ്ഞു സന്തോഷത്തോടെ എത്തുന്ന സുഹൃത്തുക്കൾക്ക് മുൻപിൽ ലല്ലു ഒരു പത്ര വാർത്ത കാട്ടുന്നു.. ദിയ ഫ്രാൻസിസിനെ കാൺമാനില്ല.. ഇവിടെ ഈ ചിത്രത്തിന്റെ ഇടവേള ആണ്.

തുടർന്ന് ദിയയെ കണ്ടെത്താൻ ലല്ലുവും സുഹൃത്തുക്കളും ശ്രമിക്കുന്നു. ദിയയുടെ കൂട്ടുകാരി വഴി അവളെ കുറിച്ച് കൂടുതൽ അറിയുകയും അവളുടെ നല്ല മനസ്സിന്റെ അഴം തിരിച്ചറിയാനും ലല്ലുവിന് കഴിയുന്നു .അതിനിടയിൽ അപ്രതീക്ഷിതമായി ദിയയുടെ മരണ വാർത്ത ലല്ലുവിനെ തേടി എത്തുന്നു. തുടർന്ന് ദിയയുടെ കൊലപാതകിയെ ലല്ലു കണ്ടെത്തുന്നു.

ലൊക്കേഷൻ

കൊച്ചിയിലും പരിസര പ്രദേശങ്ങളിലുമായാണ് ഈ ചിത്രത്തിന്റെ ചിത്രീകരണം നടന്നത്.

സ്വീകരണം

അനുകൂല അഭിപ്രായത്തോടാണ് പ്രേക്ഷകർ ഈ ചിത്രം സ്വീകരിച്ചത്. കുറച്ചുനാളുകളായി അന്യഭാഷകളിൽ മാത്രം അഭിനയിച്ച് കൊണ്ടിരുന്ന ദുൽഖർ സൽമാന്റെ ഈ ചിത്രത്തിനായി ആരാധകരും പ്രേക്ഷകരും വളരെ ആകാംക്ഷയോടെ ആണ് കാത്തിരുന്നത്.കോമഡിയും ,സസ്പെൻസും ,പ്രണയവും എല്ലാ ഇഴ ചേർത്ത് ഒരുക്കിയ ഈ ചിത്രം ദുൽഖറിന്റെ കരിയറിലെ തന്നെ വലിയൊരു വിജയം ആണ്.

സംഗീതം

നാദിർഷാ ആണ് ഈ ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ബിജിബാൽ പശ്ചാത്തല സഠഗീതഠ ചെയ്തിരിയ്ക്കുന്നു.