എം.ബി.ബി.എസ്.

എം.ബി.ബി.എസ് ബിരുദം

ഇന്ത്യയടക്കം ബ്രിട്ടിഷ് വിദ്യാഭ്യാസ രീതി സമ്പ്രദായികമായി പിന്തുടർന്നു പോരുന്ന രാജ്യങ്ങളിലെ അടിസ്ഥാന വൈദ്യബിരുദമാണ് എം.ബി.ബി.സ്. അഥവാ Bachelor of Medicine, Bachelor of Surgery. ലത്തീൻ ഭാഷയിലെ Medicinae Baccalaureus, Baccalaureus Chirurgiae എന്നതിൽ നിന്നും തുടങ്ങിയ ഈ ബിരുദനാമം ഇന്ന് MBBS, MBChB, MBBCh, MB BChir, BM BCh , BMBS എന്നിങ്ങനെയുള്ള വിവിധങ്ങളായ ചുരുക്കെഴുത്തിൽ വിവിധ രാജ്യങ്ങളിൽ അറിയപ്പെടുന്നു. അമേരിക്കൻ വിദ്യാഭ്യാസ രീതി പിന്തുടരുന്ന രാജ്യങ്ങളിലെ തത്തുല്യമായ അടിസ്ഥാന വൈദ്യബിരുദം എം.ഡി MD Doctor of medicine ആണ്.

ഇന്ത്യയിൽ

ഇന്ത്യയിലെ വൈദ്യ വിദ്യാഭ്യാസ സഥാപനങ്ങൾ നൽകുന്ന ഒരേയൊരു അടിസ്ഥാന വൈദ്യ ബിരുദമാണ് എം.ബി.ബി.എസ്. ഇന്ത്യൻ മെഡിക്കൽ കൗൺസിൽ അംഗീകാരമുള്ള വൈദ്യവിദ്യാഭ്യാസ സഥാപനങ്ങളാണ് എം.ബി.ബി.എസ് ബിരുദത്തിനായി വിദ്യാർത്ഥികളെ പഠിപ്പിക്കുന്നത്. ബിരുദം നൽകുന്നത് വിവിധ സർവ്വകലാശാലകൾ ആയിരിക്കും.

നാലര വർഷത്തെ പഠനവും, ഒരു വർഷത്തെ ആശുപത്രി പരിശീലനവും (ഇന്റേൺഷിപ്പ്, ഹൗസ് സർജൻസി) അടങ്ങുന്നതാണ് അടിസ്ഥാന ബിരുദ പ്രക്രിയ.