ന്യൂ ഡെൽഹി (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/New_Delhi_(film)

ന്യൂ ഡെൽഹി
ന്യൂ ഡെൽഹിയുടെ നൂറാംദിന പോസ്റ്റർ
സംവിധാനം	ജോഷി
നിർമ്മാണം	ജോയ് തോമസ്
രചന	ഡെന്നിസ് ജോസഫ്
അഭിനേതാക്കൾ	മമ്മൂട്ടി സുമലത ഉർവ്വശി
സംഗീതം	ശ്യാം
ഗാനരചന	ഷിബു ചക്രവർത്തി
ഛായാഗ്രഹണം	ജയാനൻ വിൻസെന്റ്
ചിത്രസംയോജനം	കെ. ശങ്കുണ്ണി
സ്റ്റുഡിയോ	ജൂബിലി പ്രൊഡക്ഷൻസ്
വിതരണം	ജൂബിലി പിക്ചേഴ്സ്
റിലീസിങ് തീയതി	1987 ജൂലൈ 24
രാജ്യം	ഇന്ത്യ
ഭാഷ	മലയാളം
ബജറ്റ്	₹29 ലക്ഷം
സമയദൈർഘ്യം	143 മിനിറ്റ്

ഡെന്നിസ് ജോസഫിന്റെ തിരക്കഥയിൽ ജോഷി സംവിധാനം ചെയ്ത് 1987-ൽ പുറത്തിറങ്ങിയ മലയാളചലച്ചിത്രമാണ് ന്യൂ ഡെൽഹി. മമ്മൂട്ടി ജി.കെ. എന്ന കേന്ദ്രകഥാപാത്രത്തെ അവതരിപ്പിച്ചിരിക്കുന്ന ഈ ചിത്രത്തിൽ സുമലത, ഉർവ്വശി, സുരേഷ് ഗോപി, ത്യാഗരാജൻ, സിദ്ദിഖ്, വിജയരാഘവൻ, മോഹൻ ജോസ്, ദേവൻ, ജഗന്നാഥ വർമ്മ തുടങ്ങിയവർ മറ്റു പ്രധാനവേഷങ്ങളിൽ അഭിനയിച്ചിരിക്കുന്നു. ജൂബിലി പ്രൊഡക്ഷൻസിന്റെ ബാനറിൽ ജോയ് തോമസാണ് ചിത്രം നിർമ്മിച്ചത്.

അഴിമതിക്കാരായ രണ്ടു രാഷ്ട്രീയക്കാരുടെ ദുഷ്കൃത്യങ്ങൾ വെളിച്ചത്തുകൊണ്ടുവന്നതിനെത്തുടർന്ന് തടവിലാക്കപ്പെടുന്ന ഡെൽഹിയിലെ ഒരു പത്രപ്രവർത്തകന്റെ പ്രതികാരത്തിന്റെ കഥയാണ് ഈ ചിത്രം പറയുന്നത്. ഇർവിങ് വാല്ലസിന്റെ ദ ഓൾമൈറ്റി എന്ന നോവലുമായി ചിത്രത്തിന്റെ കഥയ്ക്കു സാമ്യമുണ്ട്.

മലയാളസിനിമാചരിത്രത്തിലെ ഏറ്റവും വലിയ ഹിറ്റുകളിലൊന്നാണ് ന്യൂ ഡെൽഹി. മമ്മൂട്ടിയുടെ അഭിനയജീവിതത്തിലെ ഒരു വലിയ വഴിത്തിരിവായിരുന്നു ഈ ചിത്രം.

അഭിനേതാക്കൾ

• മമ്മൂട്ടി – ജി. കൃഷ്ണമൂർത്തി അഥവാ ജി.കെ.
• സുമലത – മറിയ ഫെർണാണ്ടസ്
• ഉർവ്വശി – ഉമ
• ത്യാഗരാജൻ – നടരാജ് വിഷ്ണു അഥവാ സേലം വിഷ്ണു
• സിദ്ദിഖ് – സിദ്ദിഖ്
• വിജയരാഘവൻ – അനന്തൻ
• മോഹൻ ജോസ് – അപ്പു
• ദേവൻ – ശങ്കർ
• ജഗന്നാഥ വർമ്മ – സി.ആർ. പണിക്കർ
• സുരേഷ് ഗോപി – സുരേഷ്
• പ്രതാപചന്ദ്രൻ – ജെയിലർ

സംഗീതം

ഗാനരചന നിർവ്വഹിച്ചിരിക്കുന്നത് ഷിബു ചക്രവർത്തി, സംഗീതസംവിധാനം നിർവ്വഹിച്ചിരിക്കുന്നത് ശ്യാം. 

ഗാനങ്ങൾ
#	ഗാനം	ഗായകർ	ദൈർഘ്യം
1.	"തൂമഞ്ഞിൻ"	എസ്.പി. ബാലസുബ്രഹ്മണ്യം

പുറത്തേക്കുള്ള കണ്ണികൾ

• ന്യൂ ഡെൽഹി ഇന്റർനെറ്റ് മൂവി ഡാറ്റാബേസിൽ
• മലയാളസംഗീതം ഡാറ്റാബേസിൽ നിന്ന് ന്യൂ ഡെൽഹി