എൻ.എൻ. പിള്ള

ഇംഗ്ലീഷ് വിലാസം

https://ml.wikipedia.org/wiki/N._N._Pillai

എൻ.എൻ. പിള്ള
ജനനം	1918
മരണം	1995 നവംബർ 14
ദേശീയത	ഇന്ത്യൻ
തൊഴിൽ	നടൻ

മലയാള നാടക വേദിയുടെ ആചാര്യൻമാരിൽ ഒരാളായിരുന്നു എൻ. എൻ. പിള്ള‍ (1917- നവംബർ 14 1995).

ജീവിതരേഖ

1917ൽ വൈക്കത്ത് ജനിച്ചു. കോട്ടയം സി.എം.എസ്. കോളെജിൽ പഠിച്ചു. ഇന്റർമീഡിയറ്റ് പരീക്ഷയിൽ തോറ്റതോടെ നാടുവിട്ട് മലയയിൽ എത്തി. രണ്ടാം ലോകയുദ്ധകാലത്ത് ഐ.എൻ.എ യുടെ പ്രചാരണവിഭാഗത്തിൽ പ്രവർത്തിച്ചു. 1945-ൽ നാട്ടിൽ തിരിച്ചെത്തി. രു വർഷം കഴിഞ്ഞ് കുടുംബസമേതം മലയയിലേക്കു പോയി. മൂന്നരവർഷം കഴിഞ്ഞ് തിരിച്ചുവന്ന് കോട്ടയത്ത് ഒളശ്ശയിൽ താമസമാക്കി. ഒട്ടേറെ നാടകങ്ങൾ രചിക്കുകയും 1952-ൽ വിശ്വകേരള കലാസമിതി സ്ഥാപിച്ചു. വിശ്വകേരളാ സമിതിയിലൂടെ അരങ്ങിലെത്തിക്കുകയും ചെയ്തു.ഭാര്യ ചിന്നമ്മയും നടിയായിരുന്നു. മകൻ വിജയരാഘവൻ നാടക-ചലച്ചിത്രനടനാണ്.1995 നവംബർ 14-ന് അന്തരിച്ചു.

കലാ ജീവിതം

ജനപ്രീതി നേടിയ പല നാടകങ്ങളും എഴുതി അരങ്ങേറി. ഇരുപത്തെട്ടു നാടകങ്ങളും 40 ഏകാങ്കനാടകങ്ങളും; കാപാലിക, ഈശ്വരൻ അറസ്റ്റിൽ,ക്രോസ്ബെൽറ്റ് തുടങ്ങിയ പ്രശസ്തനാടകങ്ങൾ നാടകദർപ്പണം, കർട്ടൻ എന്നീ പഠനഗ്രന്ഥങ്ങളും ഞാൻ എന്ന ആത്മകഥയും പ്രസിദ്ധീകരിച്ചിട്ടുണ്ട്. പ്രേതലോകം എന്ന നാടകത്തിന് 1966-ൽ കേരള സാഹിത്യ അക്കാദമി പുരസ്കാരം ലഭിച്ചിരുന്നു. എൻ.എൻ. പിള്ളയുടെ ആത്മകഥയുടെ പെര് ഞാൻ എന്നാണ്. 1991ൽ സിദ്ദിഖ്-ലാൽ സംവിധാനം ചെയ്ത ഗോഡ്‌ഫാദർ എന്ന സിനിമയിൽ അഞ്ഞൂറാൻ എന്ന കഥാപാത്രത്തെ അവതരിപ്പിച്ചുകൊണ്ട് ചലച്ചിത്ര രംഗത്ത് അരങ്ങേറ്റം കുറിച്ചു. തുടർന്ന് നാടോടി എന്ന ചിത്രത്തിലും അഭിനയിച്ചു.

അവാർഡുകൾ

കേന്ദ്ര-സംസ്ഥാന ഗവൺമെന്റുകളുടെയും കേരള സാഹിത്യ അക്കാദമിയുടെയും സംഗീത നാടക അക്കാദമിയുടെയും സാഹിത്യ പ്രവർത്തക സഹകരണ സംഘത്തിന്റെയും അവാർഡുകൾ ലഭിച്ചിട്ടുണ്ട്. ആത്മകഥയ്ക്ക് അബുദാബി മലയാളി സമാജത്തിന്റെ പുരസ്കാരവും ലഭിച്ചു.

പുസ്തകങ്ങൾ

• നാടകങ്ങൾ
  • ആത്മബലി
  • പ്രേതലോകം
  • വൈൻ ഗ്ലാസ്സ്
  • ഈശ്വരൻ അറസ്റ്റിൽ
  • ക്രോസ് ബെൽറ്റ്
  • കണക്കു ചെമ്പകരാമൻ
  • ജന്മാന്തരം
  • മെഹർബാനി
  • വിഷമവൃത്തം
  • ഞാൻ സ്വർഗ്ഗത്തിൽ
  • കാപാലിക
  • ആദ്യ രാത്രി
  • ഗൊറില്ല
  • ഫോളിഡോൾ
  • ഡൈനാമൈറ്റ്
  • മന്വന്തരം
  • സുപ്രീം കോർട്ട്
  • ദ പ്രസിഡന്റ്
  • ഡാം
  • ടു ബി ഓർ നോട് ടു ബീ
  • എൻ. ഓ. സി
  • ദ ജഡ്ജ്മെന്റ്
  • മലയും മനുഷ്യനും
  • ബൂമെറാംഗ്
  • ക്ലൈമാക്സ്
  • പോട്ടർ കുഞ്ഞാലി
  • മനുഷ്യന്റെ മാനിഫെസ്റ്റോ
  • ദ ഡബിൾ
• റേഡിയോ നാടകങ്ങൾ
  • ഓവർ ബ്രിജ്
• ഏകാങ്കനാടകങ്ങൾ
  • ശ്രീദേവി
  • അതിനുമപ്പുറം
  • കുടുംബയോഗം
  • താങ്ക് യൂ
  • ഗുഡ് നൈറ്റ്
  • മശകോപനിഷത്ത്
  • ശുദ്ദമദ്ദളം
  • മഹത്തായ സന്ദർഭം
  • മുടിഞ്ഞ കൂലി
  • ജഡ്ജ്മെന്റ്
  • മൗലികാവകാശം
  • ലോട്ടറി
  • അണ്ടർവെയർ
  • ഫാസ്റ്റ് പാസ്സഞ്ചർ
  • ബേബിക്കു കരളില്ല
  • ആ മരം
  • അന്താരാഷ്ട്ര സസ്യ സമ്മേളനം
  • അരപ്പവൻ
  • ഫ്ലാഷ് ബാക്ക്
  • ഗ്രൂപ്പ് ഫോട്ടോ
  • വാറ്റ് 69
• പഠനങ്ങൾ
  • നാടകദർപ്പണം
  • കർട്ടൻ
  • നാടകം വേണോ നാടകം
• ആത്മകഥ
  • ഞാൻ

പുറത്തേക്കുള്ള കണ്ണികൾ

• എൻ.എൻപിള്ള.കോം
• ഐ.എം.ഡി.ബി. താൾ