മോത്തിലാൽ നെഹ്രു

ഇംഗ്ലീഷ് വിലാസം

https://ml.wikipedia.org/wiki/Motilal_Nehru

പണ്ഡിറ്റ് മോത്തിലാൽ നെഹ്രു
കോൺഗ്രസ്സ് പ്രസിഡന്റ്
ഓഫീസിൽ 1919–1920
മുൻഗാമി	സയ്യിദ് ഹസ്സൻ ഇമാം
പിൻഗാമി	ലാലാ ലജ്പത് റായ്
കോൺഗ്രസ്സ് പ്രസിഡന്റ്
ഓഫീസിൽ 1928–1929
മുൻഗാമി	മുക്താർ അഹമ്മദ് അൻസാരി
പിൻഗാമി	ജവഹർലാൽ നെഹ്രു
വ്യക്തിഗത വിവരങ്ങൾ
ജനനം	(1861-05-06)6 മേയ് 1861 ആഗ്ര
മരണം	6 ഫെബ്രുവരി 1931(1931-02-06) (പ്രായം 69)
ദേശീയത	ഇന്ത്യ
രാഷ്ട്രീയ കക്ഷി	ഇന്ത്യൻ നാഷണൽ കോൺഗ്രസ്സ്
അൽമ മേറ്റർ	കേംബ്രിഡ്ജ് സർവകലാശാല
ജോലി	സ്വാതന്ത്ര്യ സമരസേനാനി പൊതുപ്രവർത്തകൻ

ഇന്ത്യൻ സ്വാതന്ത്ര്യസമരസേനാനിയും, ഇന്ത്യൻ നാഷണൽ കോൺഗ്രസ്സിന്റെ പ്രസിഡന്റുമായിരുന്നു മോത്തിലാൽ നെഹ്രു (6 മെയ് 1861 – 6 ഫെബ്രുവരി 1931). മോട്ടിലാൽ നെഹ്രു രണ്ടു തവണ ഇന്ത്യൻ നാഷണൽ കോൺഗ്രസ്സിന്റെ പ്രസിഡന്റായിരുന്നു.

ബാല്യം വിദ്യാഭ്യാസം

ജയ്പൂർ സംസ്ഥാനത്തിലെ ഖേത്രിയിലാണ് മോത്തിലാൽ തന്റെ ബാല്യകാലം ചിലവഴിച്ചത്. അദ്ദേഹത്തിന്റെ മുതിർന്ന സഹോദരനായിരുന്ന നന്ദലാൽ അവിടുത്തെ ദിവാൻ ആയിരുന്നു. 1870 ൽ നന്ദലാൽ തന്റെ പദവി രാജിവെച്ച് ആഗ്രയിൽ അഭിഭാഷകനായി ജോലി നോക്കാൻ തുടങ്ങി. അതോടെ അദ്ദേഹത്തിന്റെ കുടുംബവും ആഗ്രയിലേക്ക് കുടിയേറി. കുറേക്കാലങ്ങൾക്കു ശേഷം, ഹൈക്കോടതി അലഹബാദിൽ സ്ഥിരമായപ്പോൾ, നെഹ്രു കുടുംബം അവിടെ സ്ഥിരവാസമുറപ്പിച്ചു.

പാശ്ചാത്യരീതിയിലുള്ള വിദ്യാഭ്യാസം ലഭിച്ച ആദ്യകാല യുവാക്കളിൽ ഒരാളായിരുന്നു മോത്തിലാൽ. കാൺപൂരിൽ നിന്നുമാണ് മോത്തിലാൽ തന്റെ സ്കൂൾ വിദ്യാഭ്യാസം പൂർത്തിയാക്കിയത്. ഉപരിപഠനത്തിനായി അദ്ദേഹം അലഹബാദിലുള്ള മുയിൽ സെൻട്രൽ കോളേജിൽ ചേർന്നുവെങ്കിലും ബി.എ ബിരുദം പൂർത്തിയാക്കാൻ കഴിഞ്ഞിരുന്നില്ല. പിന്നീട് മോത്തിലാൽ കേംബ്രിഡ്ജ് സർവ്വകലാശാലയിൽ തുടർപഠനത്തിനായി ചേരുകയും ഒരു അഭിഭാഷകനായി ബ്രിട്ടനിലെ കോടതികളിൽ ജോലി നോക്കുകയും ചെയ്തു.