പ്രതിഭാവം

ഇംഗ്ലീഷ് വിലാസം

https://ml.wikipedia.org/wiki/Keralopakari

പ്രതിഭാവം

തരം	പ്രതിമാസ പത്രം
ഉടമസ്ഥ(ർ)	സതീഷ് കളത്തിൽ
എഡീറ്റർ	സതീഷ് കളത്തിൽ
സ്ഥാപിതം	2000
ഭാഷ	മലയാളം
ആസ്ഥാനം	തൃശ്ശൂർ

2000-ൽ തൃശ്ശൂരിൽ നിന്ന് പ്രസിദ്ധീകരണം ആരംഭിച്ച മലയാള പത്രമാണ് പ്രതിഭാവം. മാസത്തിൽ ഒന്ന് വീതമായാണ് ഇത് അച്ചടിച്ചിരുന്നത്. തൃശ്ശൂർ നഗരസഭയുടെ കീഴിലുള്ള പ്രദേശങ്ങളിലെ പ്രാദേശിക പ്രശ്നങ്ങൾ പ്രസിദ്ധീകരിക്കുക എന്നതായിരുന്നു ഈ പ്രതിമാസ പത്രത്തിന്റെ പ്രധാന ലക്ഷ്യം. സതീഷ് കളത്തിലായിരുന്നു മുഖ്യപത്രാധിപർ.

ചരിത്രം

തൃശ്ശൂരിലെ ശങ്കരയ്യ റോഡിൽ പ്രവർത്തിച്ചിരുന്ന ഒരു പ്രാദേശിക ക്ലബ്ബായിരുന്ന റെഡ് സ്റ്റാറിന്റെ ഒരു ബുക്ക് ലെറ്റ് ആയാണ് ഈ പത്രം ആദ്യം തുടങ്ങിത്. ക്ലബ്ബിന്റെ പരിധിയിലുള്ള തൃശ്ശൂർ മുനിസിപ്പാലിറ്റിയിലെ ജനങ്ങളുടെ പ്രശ്നങ്ങൾ ഈ ബുക്ക് ലെറ്റിലൂടെ അധികാരകേന്ദ്രങ്ങളിലേക്ക് എത്തിക്കുക എന്ന ഉദ്ദേശത്തോടെയാണ് ഇത് തുടങ്ങിയത്. ക്ലബ്ബിന്റെ സ്ഥാപകനും വൈസ് പ്രസിഡന്റുമായിരുന്ന സതീഷ് കളത്തിലാണ് ഈ പത്രം ക്ലബ്ബിന് വേണ്ടി തുടങ്ങിയത്. 1999 സെപ്തംബർ 08ന് ഈ ബുക്ക് ലെറ്റിന്റെ ഉദ്ഘാടനം പ്രമുഖ ഹിസ്റ്റോറിയനും ശ്രീ കേരള വർമ്മ കോളേജിന്റെ ഹിസ്റ്ററി വിഭാഗം തലവനുമായിരുന്ന പ്രൊഫ. പി.കെ.ടി. രാജ ഉദ്ഘാടനം ചെയ്തു.

പിന്നീട്, ക്ലബ്ബിന് ഈ ബുക്ക് ലെറ്റ് തുടർന്ന് കൊണ്ടുപോകുവാൻ സാധിക്കാതെ വരികയും ഇതിന്റെ പ്രവർത്തനങ്ങൾ ഒരു പ്രതിമാസ പത്രമായി സതീഷ് സ്വന്തമായി തുടരുകയും ചെയ്തു. 1999 ജനുവരി 05ന് പ്രതിഭാവത്തിന് ഡിക്ലറേഷൻ ലഭിച്ചു.[1][2] 2000-ൽ പ്രസിദ്ധീകരണം ആരംഭിച്ചു. പിന്നീട്, സാമ്പത്തിക പ്രശ്നങ്ങളെത്തുടർന്ന് ഇത് നിർത്തി.

പുറമെ നിന്നുള്ള കണ്ണികൾ

• Prathibhavam Monthly News Paper
• ONLINE OF NEWSPAPERS FOR INDIA