പ്രകാശവർഷം
| SI units | |
|---|---|
| 9.46×1012 km | 9.46×1015 m |
| Astronomical units | |
| 63.2×103 AU | 0.307 pc |
| US customary / Imperial units | |
| 5.88×1012 mi | 31.0×1015 ft |
ഖഗോളീയ ദൂരം അളക്കുന്നതിനുള്ള ഒരു ഏകകം ആണ് പ്രകാശ വർഷം. അന്തർദേശീയ ജ്യോതിശാസ്ത്ര സംഘടനയുടെ നിർവചനമനുസരിച്ച് പ്രകാശം ശൂന്യതയിൽ ഒരു ജൂലിയൻ കലണ്ടർ വർഷം(365.25 ദിവസം) കൊണ്ട് സഞ്ചരിക്കുന്ന ദൂരമാണിത്.
പ്രകാശവർഷം കൂടുതലായും നക്ഷത്രളിലേക്കും താരാപഥങ്ങളിലേക്കും ഉള്ള ദൂരം പ്രകടിപ്പിക്കാനാണ് ഉപയേഗിക്കുന്നത്. എന്നാൽ ഔദ്യോഗിമായി, ജ്യോതിഃശാസ്ത്രത്തിൽ പ്രകാശ വർഷത്തെക്കാൾ കൂടുതൽ പ്രാമുഖ്യം പാർസെക്കിനാണ് (ഏകദേശം 3.26 പ്രകാശവർഷം), കാരണം പാർസെക്ക് കൂടുതൽ കൃത്യതയുള്ള ഫലങ്ങൾ നൽകുന്നു. പക്ഷേ പൊതുവായി കൂടുതൽ ഉപയോഗിക്കപ്പെടുന്നത് പ്രകാശവർഷം തന്നെയാണ്..[1]
നിർവചനങ്ങൾ
[തിരുത്തുക]അന്തർദേശീയ ജ്യോതിശാസ്ത്ര സംഘടനയുടെ നിർവചനമനുസരിച്ച് പ്രകാശവർഷം ഒരു ജൂലിയൻ വർഷത്തിന്റേയും (365.25 ദിവസം, അഥവാ, 31,557,600 സെക്കൻഡ്) പ്രകാശവേഗത്തിന്റേയും (299 792 458 മീ./സെ) ഗുണനഫലമാണ്. ഇരു മൂല്യങ്ങളും 1984-ൽ അന്തർദേശീയ ജ്യോതിശാസ്ത്ര സംഘടനയുടെ ജ്യോതിശാസ്ത്ര സ്ഥിലാങ്കങ്ങളുടെ പട്ടികയിൽ ഉൾപ്പെടുത്തിയിരുന്നു.[2]
- കൃത്യമായി 9,460,730,472,580.8 കി.മീ
- ഏകദേശം 5,878,625,373,183.61 മൈൽ
- ഏകദേശം 63,241.077 സൗരദൂരം
- ഏകദേശം 0.306 601 പാർസെക്
1984 നു മുന്നെ സൗരവർഷവും അന്ന് അളന്നിരുന്ന പ്രകാശത്തിന്റ വേഗതയുമാണ് പ്രകാശവർഷത്തെ നിർവചിക്കാൻ ഉപയോഗിച്ചത്.
പ്രകാശ വർഷം ഉപയോഗിക്കുന്നത്
[തിരുത്തുക]നക്ഷത്രങ്ങൾ നക്ഷത്രവ്യൂഹങ്ങൾ എന്നിവയ്ക്കിടയിലുള്ള ദൂരം അളക്കുന്നതിനാണ് ഇത് കൂടുതൽ ഉപയോഗിക്കുന്നത്.
പ്രകാശം ഒരു സെക്കന്റിൽ 3 ലക്ഷം കിലോമീറ്റർ സഞ്ചരിക്കും. ഈ കണക്കിൽ, ഒരു മിനിറ്റ് കൊണ്ട് പ്രകാശത്തിനു ഏകദേശം ഒരു കോടി എൺപത് ലക്ഷം കിലോമീറ്ററും, ഒരു വർഷം കൊണ്ട് ഏകദേശം 95,0000 കോടി കിലോമീറ്ററും സഞ്ചരിക്കാനാവും. അപ്പോൾ ഇതിനെ ഒരു ഏകകം ആക്കിയാൽ നക്ഷത്രങ്ങൾ തമ്മിലുള്ളതുപോലുള്ള വലിയ ദൂരങ്ങൾ സൂചിപ്പിക്കാൻ നല്ലൊരു ഏകകം ആയി. അതാണ് ജ്യോതിശാസ്ത്രജ്ഞന്മാർ ചെയ്തത്. ഈ ഏകകത്തിന്റെ വേറൊരു മെച്ചം ഒരു നക്ഷത്രത്തിലേക്കോ ഗാലക്സികളിലേക്കോ ഉള്ള അകലം പ്രകാശ വർഷ ഏകകത്തിൽ അറിഞ്ഞാൽ അത്രയും വർഷം പുറകിലേക്കാണ് നോക്കുന്നത് എന്നർത്ഥം.
ഉദാഹരണത്തിന് സൂര്യനോട് ഏറ്റവും സമീപത്തുള്ള നക്ഷത്രമായ പ്രോക്സിമാ സെൻടോറിയിലേക്ക് ഉള്ള ദൂരം 4.2 പ്രകാശ വർഷമാണ് എന്ന് പറഞ്ഞാൽ[3], ആ നക്ഷത്രത്തിൽ നിന്ന് 4.2 വർഷം മുൻപ് പുറപ്പെട്ട പ്രകാശം ആണ് ഇപ്പോൾ കാണുന്നത് എന്ന് അർത്ഥം. അതായത് 4.2 വർഷം മുൻപുള്ള പ്രോക്സിമാ സെൻടോറിയെ ആണ് ഇന്ന് കാണുന്നത് . അപ്പോൾ ഇന്ന് ഭൂമിയിൽ നിന്ന് നിരീക്ഷിക്കുമ്പോൾ കാണുന്ന നക്ഷത്രങ്ങളും ഗാലക്സ്സികളുമൊക്കെ എത്രയും പ്രകാശ വർഷം അകലെയാണോ, അത്രയും വർഷം മുൻപുള്ള നക്ഷത്രങ്ങളുടേയും ഗാലക്സികളെയുമൊക്കെയാണ് നോക്കുന്നയാൾ കാണുന്നത് എന്ന് സാരം.
അവലംബം
[തിരുത്തുക]- ↑ "Measuring the Universe: The IAU and Astronomical Units". Archived from the original on 22 October 2009. Retrieved 22 October 2009.
- ↑ "Selected Astronomical Constants" (PDF). p. 6. Archived from the original (PDF) on 2014-07-26.
- ↑ http://www.daviddarling.info/encyclopedia/P/ProximaCen.html
 |
ഏകകങ്ങളും അളവുകളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |