പോർട്രെയിറ്റ് ഓഫ് മിസിസ് തിയോഡോർ അറ്റ്കിൻസൺ ജൂനിയർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Mrs. Theodore Atkinson, Jr.
Frances Deering Wentworth
Portrait of Mrs. Theodore Atkinson Jr. (Frances Deering Wentworth).jpg
കലാകാ(രൻ/രി)John Singleton Copley
വർഷം1765 (1765) (approx.)
വിഷയംFrances Deering Wentworth
അളവുകൾ129.5 cm × 101.6 cm (51.0 in × 40.0 in)
സ്ഥലംCrystal Bridges Museum of American Art, Bentonville, Arkansas, United States

ജോൺ സിംഗിൾട്ടൺ കോപ്ലി ചിത്രീകരിച്ച ഒരു എണ്ണഛായാചിത്രമാണ് പോർട്രെയിറ്റ് ഓഫ് മിസിസ് തിയോഡോർ അറ്റ്കിൻസൺ ജൂനിയർ. കോപ്ലി 1765-ൽ ഈ ചിത്രം പൂർത്തിയാക്കിയിരുന്നു. ഇപ്പോൾ ബെന്റൺവിൽ ക്രിസ്റ്റൽ ബ്രിഡ്ജസ് മ്യൂസിയം ഓഫ് അമേരിക്കൻ ആർട്ടിൽ ഈ ചിത്രം സൂക്ഷിച്ചിരിക്കുന്നു.

വിഷയം[തിരുത്തുക]

ഫ്രാൻസെസ് ഡീറിംഗ് വെന്റ്വർത്ത് (1745–1813) ധനികരും നല്ല കുടുംബ പശ്ചാത്തലമുള്ളതുമായ ഒരു കുടുംബത്തിലാണ് ജനിച്ചത്. സാമുവൽ വെന്റ്വർത്ത്, എലിസബത്ത് ഡീറിംഗ് എന്നിവരായിരുന്നു അവളുടെ മാതാപിതാക്കൾ.[1]അവൾ കൗമാരക്കാരിയായിരിക്കുമ്പോൾ, അവളുടെ ആദ്യത്തെ കസിൻ ജോൺ വെന്റ്വർത്തുമായി പ്രണയത്തിലായിരുന്നു. എന്നിരുന്നാലും, തന്റെ കരിയർ സ്ഥാപിക്കുന്നതിൽ അദ്ദേഹം വളരെയധികം നിക്ഷേപം നടത്തുകയും അമേരിക്ക വിട്ടു ലണ്ടനിലേക്ക് പോകുകയും ചെയ്തു. ലണ്ടനിൽ അദ്ദേഹം കുടുംബത്തിന്റെ ബിസിനസ്സ് കൈകാര്യം ചെയ്തു. അമേരിക്കയിൽ തിരിച്ചെത്തിയപ്പോഴേയ്ക്കും 16 വയസ്സായിരുന്ന ഫ്രാൻസെസ് മറ്റൊരു ആദ്യ കസിൻ തിയോഡോർ അറ്റ്കിൻസണുമായി പ്രണയത്തിലായി. 1762 മെയ് 13 ന് അവർ വിവാഹിതരാകുകയും 1765-ൽ പോർട്സ്മൗത്തിലെ അവരുടെ പുതിയ വീട്ടിലേക്ക് താമസം മാറുകയും ചെയ്തു. ഈ സമയത്ത്, തിയോഡോർ തന്റെ ഭാര്യയുടെ ചിത്രം അവരുടെ വീട്ടിൽ പ്രദർശിപ്പിക്കാൻ ജോൺ സിംഗിൾട്ടൺ കോപ്ലിയെ ചിത്രീകരണത്തിനായി നിയോഗിച്ചു.[2]

1767-ൽ ജോൺ വെന്റ്വർത്ത് അമേരിക്കൻ കോളനികളിലേക്ക് വിജയകരമായ തിരിച്ചുവരവ് നടത്തി. അവിടെ നന്നായി വേരുറച്ച അദ്ദേഹം ന്യൂ ഹാംഷെയറിന്റെ ഗവർണറായിരുന്നു. കുറച്ചുകാലമായി തിയോഡോർ ആരോഗ്യനില മോശമായിരുന്നു. ഫ്രാൻസിസും ജോണും പ്രണയത്തിലാണെന്ന് ഒരു അഭ്യൂഹമുണ്ടായിരുന്നു. തിയോഡോർ 1769 ഒക്ടോബർ 28 ന് അന്തരിച്ചു. തുടർന്ന് ശവസംസ്കാരം നടന്നു. കിംവദന്തികൾക്ക് ആക്കം കൂടിയതിനാൽ ഫ്രാൻസിസും ജോണും തിയോഡോറിന്റെ മരണത്തെ തുടർന്ന് ഒരാഴ്ച കഴിഞ്ഞ് വിവാഹം കഴിച്ചു. അക്കാലത്ത്, ഭർത്താവിന്റെ മരണത്തിന് തൊട്ടുപിന്നാലെ ഫ്രാൻസെസിന്റെ കല്യാണം പട്ടണത്തിലെ സംസാരവിഷയമായിരുന്നു. കുറച്ചുകാലം തുടർന്നു. 1871-ൽ ഹാരിയറ്റ് എലിസബത്ത് പ്രെസ്കോട്ട് സ്പോഫോർഡിന്റെ ന്യൂ ഇംഗ്ലണ്ട് ലെജന്റ്സ് എന്ന പുസ്തകത്തിൽ അവൾ എഴുതി:

“ഒരു ദിവസം തിയോഡോർ അന്ത്യശ്വാസം വലിച്ചു. അടുത്ത ബുധനാഴ്ച അദ്ദേഹത്തിന്റെ സംസ്കാരം നടന്നു. ഗവർണറുടെ ഉത്തരവ് പ്രകാരം പട്ടണത്തിലെ എല്ലാ മണികളും മരണമണിയടിക്കുകയും പതാകകൾ പകുതി താഴ്ത്തികെട്ടുകയും ചെയ്തു. കോട്ടയിൽ നിന്നും തുറമുഖത്തെ യുദ്ധക്കപ്പലുകളിൽ നിന്നും മിനിറ്റ് തോക്കുകളിൽനിന്ന് വെടിയൊച്ച ഉയർന്നു. ഞായറാഴ്ച വരെ കരഞ്ഞുകൊണ്ടിരിക്കുന്ന വിധവയായി ചുളിവുകളുള്ള ലോലമായ വസ്ത്രമണിഞ്ഞ് ശവസംസ്കാര ചടങ്ങുകൾ പള്ളിയിൽ ശ്രദ്ധിച്ചു. തിങ്കളാഴ്ച അവളുടെ കഷ്ടതകൾക്ക് പരിഹാരമായി. ചൊവ്വാഴ്ച രാജ്യത്തെ തുന്നൽക്കാരികളുടെ വിരലുകളെല്ലാം വിവാഹവസ്ത്രം തുന്നുന്നതിൽ വേഗത്തിൽ വലയംചെയ്തുകൊണ്ടിരുന്നു. അടുത്ത ഞായറാഴ്ച, വെളുത്ത സാറ്റിൻ, ആഭരണങ്ങൾ, വധുവിന്റെ ഫാർഡിംഗേലുകൾ [വളഞ്ഞ പാവാട] എന്നിവയിൽ അവൾ ഗവർണർ വെന്റ്വർത്തിന്റെ ഭാര്യയായി ദേവാലയത്തിലെ പാർശ്വഭാഗത്തിലൂടെ നടന്നു.[3]

അവർ ന്യൂ ഹാംഷെയറിൽ ഗവർണറായ ജോണിനോടൊപ്പം തുടർന്നു. ജോണിന്റെ നിർദ്ദേശപ്രകാരം ന്യൂ ഹാംഷെയർ പട്ടണങ്ങളായ ഡീറിംഗ്, ഫ്രാൻസെസ് ടൗൺ എന്നിവ അവളുടെ പേരിലായിരുന്നു.[4]1775 ജൂൺ 13 ന് അമേരിക്കൻ വിപ്ലവ യുദ്ധത്തിന്റെ വക്കിലെത്തിയ വെന്റ്വർത്ത് ന്യൂ ഹാംഷെയറിൽ നിന്ന് ഇംഗ്ലണ്ടിലേക്ക് പാലായനം ചെയ്തു.[5] ഒടുവിൽ അവർ നോവ സ്കോട്ടിയയിലെ ഹാലിഫാക്സിൽ താമസമാക്കി ജോണിനൊപ്പം ലെഫ്റ്റനന്റ് ഗവർണറായി. അമേരിക്കയിലേക്കും ഇംഗ്ലണ്ടിലേക്കും പരിചിതമായ ഫ്രാൻസെസ് നോവ സ്കോട്ടിയയിലെ തന്റെ ജീവിതത്തെ വെറുത്തിരുന്നുവെന്നും വില്യം രാജകുമാരനുമായി ബന്ധമുണ്ടായിരുന്നെന്നും കരുതപ്പെടുന്നു. ഈ കാര്യം ജോൺ അറിഞ്ഞപ്പോൾ, അദ്ദേഹത്തിന് അവളോട് നീരസമുണ്ടാകുന്നതിനുപകരം, വില്യമിന്റെ പിതാവായ ജോർജ്ജ് മൂന്നാമൻ രാജാവിന് അദ്ദേഹം വില്യമിനെ ഇംഗ്ലണ്ടിലേക്ക് തിരികെ വിളിക്കാനായി ശുപാർശചെയ്തുകൊണ്ട് കത്തെഴുതുകയാണുണ്ടായത്.[6]

ചിതരചന[തിരുത്തുക]

അമേരിക്കൻ കോളനികളിലെ ഏറ്റവും മികച്ച ഛായാചിത്രകാരനായി ജോൺ സിംഗിൾട്ടൺ കോപ്ലിയെ കണക്കാക്കപ്പെടുന്നു. അദ്ദേഹത്തിന് നിരവധി ചിത്രീകരണങ്ങൾക്ക് അവസരം ലഭിച്ചു. അവയിൽ തിയോഡോർ അറ്റ്കിൻസൺ ജൂനിയറുമായുള്ള വിവാഹം കഴിഞ്ഞ് രണ്ട് വർഷത്തിന് ശേഷം 19 വയസ്സുള്ള ഫ്രാൻസെസ് ഡീറിംഗ് വെന്റ്വർത്തിന്റെ ഛായാചിത്രം വരച്ചു. ചിത്രത്തിൽ ഫ്രാൻസെസ് ചാര-നീല നിറത്തിലുള്ള സാറ്റിൻ ഫാഷൻ വസ്ത്രം ധരിച്ചിരിക്കുന്നു. കഴുത്തിൽ മുത്ത് കൊണ്ടുള്ള ഒരു ചോക്കർ അണിഞ്ഞിരിക്കുന്നു. മുടിയിൽ ചെറിയ മുത്തുകൾ അലങ്കരിക്കുന്നു.[7]ഒരു കൈ മേശയുടെ അരികിൽ പിടിക്കുമ്പോൾ മറ്റേ കൈ അവളുടെ വളർത്തുജീവിയായ പറക്കുന്ന അണ്ണാൻ സ്വർണ്ണ ചങ്ങലകൊണ്ട് പിടിക്കുന്നു. കൊളോണിയൽ അമേരിക്കയിൽ പറക്കുന്ന അണ്ണാൻ പ്രമാണിവർഗ്ഗത്തിന്റെ വളർത്തുജീവിയായി സൂക്ഷിച്ചിരുന്നു. യുവ ഭാര്യയുടെ ഛായാചിത്രത്തിൽ പറക്കുന്ന അണ്ണാൻ ചിത്രീകരിക്കുന്നത് ഭാര്യയും കോളനിവാസിയുമായ അവളുടെ പങ്ക് എടുത്തുകാണിക്കുന്നു.[8]

ഉത്ഭവം[തിരുത്തുക]

John Wentworth by John Singleton Copley

1762-ൽ തിയോഡോർ അറ്റ്കിൻസൺ ജൂനിയർ (1737–69) ഈ ഛായാചിത്രത്തിന്റെ മാതൃകയായ ഫ്രാൻസെസ് ഡീറിംഗ് വെന്റ്വർത്തിനെ വിവാഹം കഴിച്ചു. തന്റെ കുടുംബത്തിന് വേണ്ടി മറ്റ് ഛായാചിത്രങ്ങൾ വരച്ച ജോൺ സിംഗിൾട്ടൺ കോപ്ലിയെ അറ്റ്കിൻസൺ തന്റെ പുതിയ ഭാര്യയുടെ ചിത്രം വരയ്ക്കാൻ നിയോഗിച്ചു. 1769-ൽ, അറ്റ്കിൻസൺ ക്ഷയരോഗം ബാധിച്ച് അകാലചരമം പ്രാപിച്ചു. ഛായാചിത്രം അറ്റ്കിൻസണിന്റെ പിതാവ് തിയോഡോർ സീനിയർ (1697–1779) കൈവശമാക്കുകയും തിയോഡോർ അറ്റ്കിൻസൺ, സീനിയർ 1779-ൽ മരിച്ചപ്പോൾ, ചിത്രം ഒരു കസിൻ ജോർജ്ജ് കിംഗ് അറ്റ്കിൻസണിന് (മരണം 1788) നൽകി. ജോർജ്ജ് കിംഗ് അറ്റ്കിൻസന്റെ അനന്തരവനായ വില്യം കിങ്ങിന് (1765–1820) ഈ ചിത്രം കൈമാറി.[9]അദ്ദേഹത്തിന്റെ മകൾ ഫ്രാൻസെസ് അറ്റ്കിൻസൺ ഫ്രീമാൻ (ജനനം: 1797) 1820-ൽ ചിത്രം അവകാശമാക്കി. പതിറ്റാണ്ടുകളായി ഈ ചിത്രം കുടുംബാംഗങ്ങളിൽ നിന്ന് പിൻതലമുറക്കാരിലേയ്ക്ക് കൈമാറിയിരുന്നു. എന്നാൽ ഫ്രാൻസെസ് അറ്റ്കിൻസൺ ഫ്രീമാൻ 1872-ൽ ചിത്രം വില്ക്കുകയാണുണ്ടായത്[10]

ജോൺ ഫിഷർ ഷീഫെ (1805–82) തന്റെ സഹോദരൻ ജെയിംസ് ലെനോക്‌സിനായി ചിത്രം വാങ്ങി. സമ്പന്നനായ ഒരു അമേരിക്കൻ മനുഷ്യസ്‌നേഹി, ഗ്രന്ഥസൂചിക, കലാ സമാഹർത്താവ് എന്നിവയായിരുന്നു ലെനോക്സ്. തന്റെ പുസ്തകങ്ങൾ സൂക്ഷിക്കാനും പൊതു ഉപയോഗത്തിനും കലാസമാഹാരം പ്രദർശിപ്പിക്കുന്നതിനുമായി അദ്ദേഹം ലെനോക്സ് ലൈബ്രറി സ്ഥാപിച്ചു. ലെനോക്സ് ലൈബ്രറി പൊളിച്ചുമാറ്റിയതിനുശേഷം ഹെൻറി ക്ലേ ഫ്രിക്, ഫ്രിക് ശേഖരം നിർമ്മിച്ചു. 1876-ൽ ലെനോക്സ് ലൈബ്രറി പൊളിച്ചുമാറ്റിയപ്പോൾ, ന്യൂയോർക്ക് പബ്ലിക് ലൈബ്രറി രൂപീകരിക്കുന്നതിനായി ടിൽഡൻ ട്രസ്റ്റിന്റെയും ആസ്റ്റർ ലൈബ്രറിയുടെയും ഉള്ളടക്കങ്ങൾക്കൊപ്പം ലെനോക്സ് ലൈബ്രറിയുടെ പുസ്തകങ്ങളും കലാസൃഷ്ടികളും സംഭാവന ചെയ്തു.[11]ഈ ചിത്രം 1938-ൽ ജോൺ പബ്ലിക് സിംഗിൾട്ടൺ കോപ്ലി എക്സിബിഷനായി ന്യൂയോർക്ക് പബ്ലിക് ലൈബ്രറി ബോസ്റ്റണിലെ മ്യൂസിയം ഓഫ് ഫൈൻ ആർട്ട്സിന് നൽകി. ഇത് കാറ്റലോഗിൽ no. 7 എന്ന് പട്ടികപ്പെടുത്തിയിരിക്കുന്നു.[12]

ന്യൂയോർക്ക് പബ്ലിക് ലൈബ്രറി 2005 നവംബർ 30 ന് സോതെബീസിൽ ചിത്രം ചീട്ട് 4 ആയി ലേലം ചെയ്തു. ക്രിസ്റ്റൽ ബ്രിഡ്ജസ് മ്യൂസിയമാണ് ചിത്രം വാങ്ങിയത്. അതേ ലേലത്തിൽ, ക്രിസ്റ്റൽ ബ്രിഡ്ജസ് മ്യൂസിയം ഒരിക്കൽ ലെനോക്സ് ലൈബ്രറി, ന്യൂയോർക്ക് പബ്ലിക് ലൈബ്രറി എന്നിവയുടെ ശേഖരങ്ങളിൽ ഉണ്ടായിരുന്ന മാർക്വിസ് ഡി ലഫായെറ്റിന്റെ ഛായാചിത്രം, ഗിൽബർട്ട് സ്റ്റുവർട്ടിന്റെ ജോർജ്ജ് വാഷിംഗ്ടൺ (കോൺസ്റ്റബിൾ-ഹാമിൽട്ടൺ പോർട്രെയിറ്റ്) തുടങ്ങിയ മറ്റ് ചിത്രങ്ങളും വാങ്ങി. [13]

അനുബന്ധ ചിത്രങ്ങൾ[തിരുത്തുക]

നേരത്തെ 1757-ൽ തിയോഡോർ അറ്റ്കിൻസൺ ജൂനിയർ ജോൺ സിംഗിൾട്ടൺ കോപ്ലിയെ തന്റെ ഛായാചിത്രം വരയ്ക്കാൻ നിയോഗിച്ചിരുന്നു. അറ്റ്കിൻസൺ ജൂനിയർ ജീവിച്ചിരിക്കുമ്പോൾ, അദ്ദേഹത്തിന്റെ ഛായാചിത്രവും 1765-ൽ ഫ്രാൻസെസ് ഡീറിംഗ് വെന്റ്വർത്തിന്റെ ഛായാചിത്രവും ഒരുമിച്ച് തൂക്കിയിട്ടിരിക്കാം. ക്രിസ്റ്റൽ ബ്രിഡ്ജസ് ആർട്ട് മ്യൂസിയത്തിൽ 2017 ഏപ്രിലിൽ ചിത്രങ്ങൾ വീണ്ടും ഒന്നിച്ച് ഒരു നൂറ്റാണ്ടിലേറെ ഒരുമിച്ച് പ്രദർശിപ്പിച്ചിരുന്നു.[14]

അവലംബം[തിരുത്തുക]

  1. "Frances Wentworth" Ancestry https://www.ancestry.com/genealogy/records/frances-wentworth_44206318 Accessed 12 July 2017
  2. Treat, Stace. "Mr. and Mrs. Theodore Atkinson, Jr., Reunited for the First Time in Over a Century" 7 April 2017 http://crystalbridges.org/blog/mr-and-mrs-theodore-atkinson-jr-reunited-for-the-first-time-in-over-a-century/ Accessed 12 July 2017
  3. "New-England Legends" 1871. E-book https://archive.org/details/newenglandlegend00spofuoft Accessed 12 July 2017
  4. "The Scandalous Wedding of Gov. John Wentworth" New England Historical Society. http://www.newenglandhistoricalsociety.com/the-scandalous-wedding-of-gov-john-wentworth/ Accessed 12 July 2017
  5. O'Brien, Maureen C. "'The Best Portrait Joseph Blackburn [Never] Painted' John Singleton Copley's Portrait of Theodore Atkinson, Jr." RISD Museum http://risdmuseum.org/manual/205_the_best_portrait_joseph_blackburn_never_painted_john_singleton_copleys_portrait_of_theodore_atkinson_jr Accessed 12 July 2017
  6. "Wentworth, Sir John" Dictionary of Canadian Biography. http://www.biographi.ca/en/bio/wentworth_john_1737_1820_5E.html Accessed 12 July 2017
  7. "Lady Wentworth" Frick Digital Collections. http://digitalcollections.frick.org/digico/#/details/bibRecordNumber/b13015242/Photoarchive Archived 2017-04-27 at the Wayback Machine. Accessed 6 July 2017
  8. "Mrs. Theodore Atkinson Jr.". ശേഖരിച്ചത് 6 July 2017.
  9. "Atkinson, William King". ശേഖരിച്ചത് 6 July 2017.
  10. "John Singleton Copley". Sotheby's. ശേഖരിച്ചത് 6 July 2017.
  11. "Lenox Library: A Guide to the Paintings and Sculptures Exhibited to the Public". HathiTrust Digital Library. ശേഖരിച്ചത് 13 July 2017.
  12. "John Singleton Copley Loan Exhibition of Paintings, Pastels, Miniatures and Drawings: In Commemoration of the Two Hundredth Anniversary of the Artist's Birth" 1 February 1938. Museum of Fine Arts, Boston. Accessed 10 July 2017
  13. "George Washington [The Constable-Hamilton Portrait]". ശേഖരിച്ചത് 6 July 2017.
  14. "Mr and Mrs Theodore Atkinson Jr Reunited for the First Time in Over a Century". ശേഖരിച്ചത് 6 July 2017.