പൊയ്സർ നദി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പൊയ്സർ നദി
Countryഇന്ത്യ
Stateമഹാരാഷ്ട്ര
Cityമുംബൈ
Physical characteristics
പ്രധാന സ്രോതസ്സ്സഞ്ജയ് ഗാന്ധി ദേശീയോദ്യാനം
മുംബൈ സബർബൻ ജില്ല, ഇന്ത്യ
നദീമുഖംഅറബിക്കടൽ, ഇന്ത്യ
നീളം7 കി.മീ (4.3 mi)
ആഴം
  • Average depth:
    4 മീ.

മുംബൈയിലെ ഒരു നദിയാണ് പൊയ്സർ നദി. സഞ്ജയ് ഗാന്ധി ദേശീയോദ്യാനത്തിൽ ഉത്ഭവിച്ച് മാർവെ ക്രീക്ക് വഴി അറേബ്യൻ കടലിലേക്ക് ചേരുന്നു. വ്യാവസായിക മാലിന്യങ്ങളും മലിനജലവും അനിയന്ത്രിതമായി പുറന്തള്ളുന്നതു മൂലം ഈ നദി ഇപ്പോൾ നഗരത്തിലെ ഒരു അഴുക്കുചാൽ മാത്രമായി മാറിയിട്ടുണ്ട്.

ഗതി[തിരുത്തുക]

ഏകദേശം 7 കിലോമീറ്ററാണ് ഇതിന്റെ നീളം. ശരാശരി വീതി 10 മീറ്ററും ആഴം 4 മീറ്ററും ആണ്.[1] അപ്പാ പാഡ, ക്രാന്തി നഗർ, കുറാർ വില്ലേജ്, ഹനുമാൻ നഗർ, താക്കൂർ കോംപ്ലക്സ്, മഹീന്ദ്ര ആൻഡ് മഹീന്ദ്ര, (വെസ്റ്റേൺ എക്സ്പ്രസ് ഹൈവേയ്ക്ക് സമീപം), പൊയിസർ എന്നീ സ്ഥലങ്ങളിലൂടെ ഒഴുകുന്നു.

ചരിത്രം[തിരുത്തുക]

ഒരു കാലത്ത് ഈ നദിയിലെ ജലം ആളുകൾ ഗാർഹികാവശ്യങ്ങൾക്കായി ഉപയോഗിച്ചിരുന്നു. ഗണേശോത്സവത്തോടനുബന്ധിച്ചുള്ള വിഗ്രഹനിമഞ്ജനത്തിനായും ആളുകൾ ഈ നദിയിൽ എത്തിയിരുന്നു. നദിയ്ഇലെ മാലിന്യത്തിന്റെ അളവ് കൂടിയതോടെ ഇത് നിലച്ചു. 2005 ൽ മുംബൈയിലെ വെള്ളപ്പൊക്കത്തിനിടയിൽ, പൊയ്സർ നദി കരകവിഞ്ഞൊഴുകി. മലിനജലം ഈ നദിയുടെ പരിസരങ്ങളിലുള്ള കെട്ടിടങ്ങളിലും എത്തി. ഈ പ്രദേശത്തെ ഒരു ജലസംഭരണിയിലേക്ക് മാലിന്യം ഒഴുകിയെത്തിയതോടെ ജലജന്യരോഗങ്ങൾ പടർന്നുപിടിച്ചു ഇതേത്തുടർന്ന് ചുറ്റുപാടുകളിൽ താമസിക്കുന്നവർ ദുരിതത്തിലായി. നദിയുടെ സമീപമുള്ള മഹീന്ദ്ര & മഹീന്ദ്ര സ്ഥാപനങ്ങളിലും ഈ വെള്ളം കയറി വലിയ സാമ്പത്തിക നഷ്ടമുണ്ടായി.[1]

2021-22 കാലയളവിലെ മഹാരാഷ്ട്ര സംസ്ഥാന ബഡ്ജറ്റിൽ പൊയ്സർ, ദഹിസർ, ഓഷിവാരാ നദികളുടെ പുനരുദ്ധീകരണത്തിനായി 1500 കോടി രൂപ വകയിരുത്തി. [2]

അവലംബം[തിരുത്തുക]

"https://ml.wikipedia.org/w/index.php?title=പൊയ്സർ_നദി&oldid=3535787" എന്ന താളിൽനിന്ന് ശേഖരിച്ചത്