പേരക്കൊക്ക

കേരളത്തിൽ കൃഷിക്ക് ഉപയോഗിക്കുന്ന ഒരു പണിയായുധമാണ്‌ പേരക്കൊക്ക.' കാസർകോഡ് ജില്ലയിലെ ആദിവാസികൾ ഈ ഉപകരണത്തെ പരുവ എന്നും വിളിക്കാറുണ്ട്. കുറിച്യരുടെ തനതായ കൃഷിയായുധമാണിത്. അഗ്രം വളഞ്ഞ ഒരു മരക്കോലും അതിന്റെ അറ്റത്ത് ഉറപ്പിച്ചിരിക്കുന്ന കൂർത്ത ലോഹഭാഗവും ചേർന്നതാണ്‌ പേരക്കൊക്ക. പുനം കൃഷിയിലാണ്‌ പേരക്കൊക്ക ഉപയോഗിക്കുന്നത്. വിത്ത് വിതച്ച ശേഷം അതിനു മേലെ മണ്ണ് കൊത്തിയിടാനുള്ള ഉപകരണമാണിത്. പേരക്കൊക്കയുടെ പിടി പൂവം, അകിൽ, ചന്ദനം, ഉറുവഞ്ചി എന്നീ മരങ്ങളുടെ തടിയുപയോഗിച്ചാണ്‌ ഉണ്ടാക്കുക.