പെരുച്ചാഴി

ഇംഗ്ലീഷ് വിലാസം

https://ml.wikipedia.org/wiki/Greater_bandicoot_rat

പെരുച്ചാഴി
പരിപാലന സ്ഥിതി
ഒട്ടും ആശങ്കാജനകമല്ല (IUCN 2.3)
ശാസ്ത്രീയ വർഗ്ഗീകരണം
Kingdom:	Animalia
Phylum:	Chordata
Class:	Mammalia
Order:	Rodentia
Family:	Muridae
Genus:	Bandicota
Species:	ബാൻഡിക്കൂട്ട ഇൻഡിക്ക
Binomial name
Bandicota indica (Bechstein, 1800)

മ്യൂറിഡേ കുടുംബത്തിൽ പെട്ട കാർന്നുതിന്നുന്ന ജീവി സ്പീഷീസാണ് പെരുച്ചാഴി (ഗ്രേറ്റർ ബാൻഡിക്കൂട്ട് റാറ്റ് (Greater Bandicoot Rat); ബാ‌ൻഡിക്കൂട്ട ഇൻഡിക്ക (Bandicota indica)).

വിവരണം

വലിപ്പമുള്ള ഈ വലിയ എലിക്ക് കറുപ്പെന്നു തോന്നുന്ന ഇരുണ്ട തവിട്ടുനിറവും കട്ടിയുള്ള രോമങ്ങളുമുണ്ട്. ഒറ്റനോട്ടത്തിൽ മിക്ക ആളുകളും ഇതിനോട് അറപ്പായിരിക്കും തോന്നുക. കാലുകളും വാലും കറുത്തനിറവും ശരീരത്തിന്റെ അടിവശം മറ്റുഭാഗങ്ങളേക്കാൾ അൽപ്പം മാത്രം ചാരനിറമുള്ളതും ആയതിനാൽ ശരീരമാകെ ഇരുണ്ടിരിക്കും.

പെരുമാറ്റം

വായ്‌വട്ടം വലിപ്പമേറിയപൊത്തിൽ കഴിയുന്നവയാണിവ. ഇവയുടെ മാളത്തിനു ഒരു പ്രവേശനകവാടം മാത്രമേയുള്ളൂ.

കാണപ്പെടുന്നത്

ചൈന, ഇന്ത്യ, ഇന്തോനേഷ്യ, ലാവോസ്, മലേഷ്യ, മ്യാന്മാർ, നേപ്പാൾ, ശ്രീലങ്ക, തായ്‌വാൻ, തായ്ലാന്റ്, വിയറ്റ്നാം എന്നിവിടങ്ങളിൽ ഈ ജീവിയെ കണ്ടുവരുന്നുണ്ട്.

ആവാസം

മരുഭൂമിയും പർവ്വതങ്ങളുമൊഴിച്ച് ഇന്ത്യയിലെല്ലായിടവും മനുഷ്യർ താമസിക്കുന്നിടത്തും കൃഷിയിടങ്ങളിലും കാണ്ടുവരുന്നൂ.

വലിപ്പം

ശരീരത്തിന്റെ മൊത്തം നീളം : 21-34 സെ.മീ.

വാൽ : 16.7-34 സെ.മീ.

 

മറ്റുപേരുകൾ

ശ്രീലങ്കയിൽ പെരുച്ചാഴിയെ "ഉരു-മീയ" എന്നാണ് വിളിക്കുന്നത്. സിംഹള ഭാഷയിൽ ഇതിന്റെ അർത്ഥം "പന്നിയെലി" എന്നാണ്.

പരാദജീവികൾ

പെരുച്ചാഴിയെ താഴെപ്പറയുന്ന പരാദങ്ങൾ ബാധിക്കാറുണ്ട്:

• ഷീസ്റ്റോസോമ സ്പിൻഡേൽ (Schistosoma spindale)

പെരുച്ചാഴി പരത്തുന്ന അസുഖങ്ങൾ

• ലെപ്റ്റോസ്പൈറോസിസ്

ഇതും കാണുക

• കേരളത്തിലെ സസ്തനികൾ

അവലംബം

• Musser, G. G.; Carleton, M. D. (2005). "Superfamily Muroidea". എന്നതിൽ Wilson, D. E.; Reeder, D. M (സംശോധകർ.). Mammal Species of the World (3rd പതിപ്പ്.). Johns Hopkins University Press. പുറങ്ങൾ. 894–1531. ISBN 978-0-8018-8221-0. OCLC 62265494. {{cite book}}: Invalid |ref=harv (help)