പെരുങ്കൊക്കൻ പ്ലോവർ

പെരുങ്കൊക്കൻ പ്ലോവർ
ശ്രീലങ്കയിലെയാല ദേശീയോദ്യാനത്തിൽ
Conservation status
Near Threatened  (IUCN 3.1)
Scientific classification
Kingdom:	Animalia
Phylum:	Chordata
Class:	Aves
Order:	Charadriiformes
Family:	Burhinidae
Genus:	Esacus
Species:	E. recurvirostris
Binomial name
Esacus recurvirostris (Cuvier, 1829)
Distribution of E. recurvirostris in dark green. E. magnirostris in light green

Great thick-knee or great stone-curlew പാലക്കാട് ജില്ലയിൽ, തൃത്താല ഭാരതപ്പുഴയിൽ നിന്നും

Great stone-curlew or great thick-knee പാലക്കാട് ജില്ലയിൽ, തൃത്താല ഭാരതപ്പുഴയിൽ നിന്നും

പെരുങ്കൊക്കൻ പ്ലോവറിന് ആംഗലേയത്തിൽ great stone-curlew എന്നും great thick-knee എന്നും പേരുണ്ട്. ശാസ്ത്രീയ നാമം Esacus recurvirostris' എന്നാണ്.തെക്കേ ഏഷ്യയിൽ ഇന്ത്യ,പാകിസ്താൻ, ശ്രീലങ്ക എന്നിവിടങ്ങളിലേയും തെക്കു-കിഴ്ശ്ക്കൻ ഏഷ്യയിലേയും സ്ഥിര വാസിയാണ്. ഇവയെ നദി-യ്ഹടാക തീരങ്ങളിൽ പ്രത്യേകിച്ച് ചരലുകൾ ഉള്ളിടത്ത് കാണുന്നു.പറക്കുമെങ്കിലും ശത്രുവിനെ കണ്ടാൽ ഓടുകയാണ് ചെയ്യുന്നത്. ആഴം കുറഞ്ഞ വെള്ളത്തിൽ ഇരതേടുന്നവയാണ്. പതുക്കെ ഇടയ്ക്ക് ഓടിയും ഇര തേടുന്നു.

രൂപ വിവരണം

ഈ പക്ഷിക്ക് 49-55 സെ.മീ നീളം കാണും.കൊക്കിന് 7 സെ.മീ. നീളം.കൊക്കിന്റെ അറ്റം കറുത്തതും തുടങുന്ന ഭാഗം മഞ്ഞയുമാണ്.കൊക്കിനു മുകളിൽ നേരിയ വളവുണ്ടാകും. നെറ്റിത്തടവും കണ്ണിനെ ചുറ്റിയുള്ള കഴുത്തിലെ വളയവും വെള്ള നിറമാണ്. കണ്ണിനോട് ചേർന്ന് മുകളിലും താഴേയുമായി വീതികൂടിയ രണ്ടു കറുത്ത വരകളുണ്ട്.ചിറകിൽ വീതികൂടിയ കറുത്ത വരയുണ്ട്.അടിവശത്തും നെഞ്ചിലും വരകളില്ലാതെ ചാര- തവിട്ടു നിറമാണുള്ളത്.ബാക്കി അടിഭാഗം വെള്ളയാണ്.കണ്ണുകൾക്ക് നല്ല മഞ്ഞ നിറമാണ്.കാലുകൾ മങ്ങിയ പച്ച കലർന്ന മഞ്ഞനിറം. പൂവനും പിടയും ഒരേപോലെയാണ്. പ്രായമാവാത്തവയ്ക്ക് അല്പം മങ്ങിയ നിറമാണ്.

ഭക്ഷണം

പ്രാണികളും ധാന്യങ്ങളുമാണ് പ്രധാന ഭക്ഷണം. വലിയ പ്രാണികളേയും ഞണ്ടുകളേയും ഭക്ഷണമാക്കാറുണ്ട്.

പ്രജനനം

ജലത്തിനരികിൽ ചെറിയ കല്ലുകൾക്കിടയിൽ ഒരു മുട്ടയാണ് ഇടുന്നത്.