പുൽവാമ ആക്രമണം (2019)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പുൽവാമ തീവ്രവാദ ആക്രമണം (2019)
ജമ്മുകാശ്മീലെ കലാപം എന്നതിന്റെ ഭാഗം
ലുവ പിഴവ് ഘടകം:Location_map-ൽ 502 വരിയിൽ : Unable to find the specified location map definition: "Module:Location map/data/India Jammu and Kashmir" does not exist
ആക്രമണം നടന്ന സ്ഥലത്തിന്റെ ഭൂപടം
സ്ഥലംലെത്തപ്പോര, അവാന്തിപുര, പുൽവാമ ജില്ല, ജമ്മു കാശ്മീർ, ഇന്ത്യ
നിർദ്ദേശാങ്കം33°57′53″N 74°57′52″E / 33.96472°N 74.96444°E / 33.96472; 74.96444 (Attack location)Coordinates: 33°57′53″N 74°57′52″E / 33.96472°N 74.96444°E / 33.96472; 74.96444 (Attack location)
തീയതി14 ഫെബ്രുവരി 2019 (2019-02-14)
15:15 IST (UTC+05:30)
ആക്രമണലക്ഷ്യം കേന്ദ്ര റിസർവ്വ് പോലീസ് സേനയിലെ 49 സൈനികർ
ആക്രമണത്തിന്റെ തരം
മനുഷ്യബോംബ്, ചാവേർ ബോംബ്‌സ്ഫോടനം
മരിച്ചവർ46 സൈനികർ, ഒരു തീവ്രവാദി
മുറിവേറ്റവർ
35
ആക്രമണം നടത്തിയത്ജെയ്‌ഷ് ഇ മൊഹമ്മദ്

ജമ്മു കാശ്മീരിൽ പുൽവാമ ജില്ലയിലെ അവാന്തിപുരക്കടുത്ത് സുരക്ഷാ ഉദ്യോഗസ്ഥരുമായി സഞ്ചരിച്ചിരുന്ന വാഹനങ്ങൾക്കു നേരെ 2019 ഫെബ്രുവരി പതിനാലാം തീയതി, തീവ്രവാദികൾ മനുഷ്യബോംബ് ആക്രമണം നടത്തുകയുണ്ടായി. 49 സി.ആർ.പി.എഫ് ജവാന്മാരുടെ മരണത്തിനിടയാക്കിയ ഈ ആക്രമണത്തിന്റെ[1] ഉത്തരവാദിത്തം പാകിസ്താനിലെ തീവ്രവാദ സംഘടനയായ ജെയ്‌ഷ് ഇ മൊഹമ്മദ് ഏറ്റെടുത്തിരുന്നു.

പശ്ചാത്തലം[തിരുത്തുക]

പാകിസ്താന്റെ പിന്തുണയോടെ, 2015 മുതൽ ജമ്മു കാശ്മീരിൽ തീവ്രവാദികൾ ആക്രമണം തുടങ്ങിയിരുന്നു. ആയുധധാരികളായ മൂന്നു തീവ്രവാദികൾ 2015 ജൂലൈ മാസത്തിൽ ഗുർദാസ്പൂർ പോലീസ് സ്റ്റേഷൻ ആക്രമിച്ചു. പത്താൻകോട്ട് 2016-ന്റെ തുടക്കത്തിൽ ആക്രമണം നടന്നു.[2] 2016 ൽ ഫെബ്രുവരിയിലും, ജൂലൈയിലും നടന്ന ആക്രമണങ്ങളിൽ യഥാക്രമം, ഒമ്പതും എട്ടും സൈനികർ കൊല്ലപ്പെട്ടു. ഉറിയിലെ സൈനിക ക്യാംപിൽ 2016 സെപ്തംബർ മാസത്തിലുണ്ടായ ഒരു ആക്രമണത്തിൽ 19 ഇന്ത്യൻ സൈനികർ കൊല്ലപ്പെട്ടു. ജമ്മു - ശ്രീനഗർ ദേശീയപാതക്കു സമീപപ്രദേശങ്ങളിലാണ് തീവ്രവാദ ആക്രമണങ്ങളിൽ ഏറെയും നടന്നത്.[3]

ആക്രമണം[തിരുത്തുക]

ഏകദേശം 2500 ഓളം വരുന്ന കേന്ദ്ര റിസർവ്വ് പോലീസ് സേനയിലെ സൈനികർ, 2019 ഫെബ്രുവരി 14-ന്, 78 ബസ്സുകളിലായി ജമ്മുവിൽ നിന്നും ശ്രീനഗറിലേക്ക് ദേശീയപാത 44-ലൂടെ സഞ്ചരിക്കുകയായിരുന്നു. ഇന്ത്യൻ പ്രാദേശിക സമയം 3.30-നോടുകൂടിയാണു സംഘം ജമ്മുവിൽ നിന്നും യാത്ര തിരിച്ചത്. വൈകിട്ടോടെ അവർ ശ്രീനഗറിൽ എത്തിച്ചേരേണ്ടതായിരുന്നു. അവാന്തിപുരക്കടുത്തുള്ള ലെത്തപ്പോരയിൽ വച്ച് സ്ഫോടകവസ്തുക്കൾ നിറച്ച ഒരു മഹീന്ദ്ര സ്കോർപിയോ, സൈനിക വാഹനവ്യൂഹത്തിലേക്ക് അക്രമി ഇടിച്ചു കയറ്റുകയായിരുന്നു. തൽക്ഷണം 49 സൈനികർ കൊല്ലപ്പെട്ടു.[4] നിരവധിപേർക്ക് ഈ ആക്രമണത്തിൽ ഗുരുതരമായി പരുക്കേറ്റു. പരുക്കേറ്റവരെ ശ്രീനഗറിലെ സൈനിക ആശുപത്രിയിൽ പ്രവേശിപ്പിച്ചു. അവധി കഴിഞ്ഞ് ഉദ്യോഗത്തിൽ തിരികെ പ്രവേശിക്കാൻ എത്തിയവരായിരുന്നു കൊല്ലപ്പെട്ടവരിൽ ഏറേയും.

പാകിസ്താനിലെ തീവ്രവാദ സംഘടനയായ ജെയ്‌ഷ് ഇ മൊഹമ്മദ് ആക്രമണത്തിന്റെ ഉത്തരവാദിത്തം ഏറ്റെടുത്തു. മനുഷ്യബോംബായിരുന്ന ആദിൽ അഹമ്മദ് ദർ എന്ന തീവ്രവാദിയുടെ വീഡിയോയും അവർ പുറത്തു വിട്ടു.[5] ഈ തീവ്രവാദ ആക്രമണത്തിൽ ജെയ്ഷ് ഇ മൊഹമ്മദിന്റെ പങ്ക് പാകിസ്താൻ തള്ളിക്കളഞ്ഞു.[6]

അന്വേഷണം[തിരുത്തുക]

ജമ്മു കാശ്മീർ പോലീസിനോടൊപ്പം പന്ത്രണ്ടു അംഗങ്ങൾ അടങ്ങുന്ന നാഷണൽ ഇൻവെസ്റ്റിഗേഷൻ ഏജൻസി ഈ കൂട്ടക്കൊലയെപ്പറ്റി അന്വേഷിക്കും.

പ്രതികരണങ്ങൾ[തിരുത്തുക]

പരിണതഫലങ്ങൾ[തിരുത്തുക]

അവലംബം[തിരുത്തുക]

  1. "Pulwama attack: India will 'completely isolate' Pakistan". BBC. 2019-02-15. ശേഖരിച്ചത് 2019-02-16.
  2. "Gurdaspur, Pathankot, and Now Uri: What Are India's Options?". The Diplomat. 2016-09-19. ശേഖരിച്ചത് 2019-02-17.
  3. "Jaish terrorists attack CRPF convoy in Kashmir, kill at least 38 personnel". Times of India. 2019-02-15. ശേഖരിച്ചത് 2019-02-16.
  4. "Kashmir attack: Bomb kills 40 Indian paramilitary police in convoy". BBC. 2019-02-14. ശേഖരിച്ചത് 2019-02-16.
  5. "Terrorist Lived 10 km From Site Where He Killed 40 Soldiers In Kashmir". NDTV. 2019-02-15. ശേഖരിച്ചത് 2019-02-16.
  6. "Viewpoint: How far might India go to 'punish' Pakistan?". BBC. 2019-02-15. ശേഖരിച്ചത് 2019-02-16.
"https://ml.wikipedia.org/w/index.php?title=പുൽവാമ_ആക്രമണം_(2019)&oldid=3257364" എന്ന താളിൽനിന്ന് ശേഖരിച്ചത്