പി.എ. ബക്കർ

ഇംഗ്ലീഷ് വിലാസം

https://ml.wikipedia.org/wiki/P._A._Backer

പി.എ. ബക്കർ
ജനനം	1940
മരണം	1993
ദേശീയത	ഇന്ത്യൻ
തൊഴിൽ	ചലച്ചിത്രസംവിധായകൻ

ഒരു മലയാളചലച്ചിത്രസംവിധായകനായിരുന്നു പി.എ. ബക്കർ ‍(1940-1993). സംവിധായകൻ രാമു കാര്യാട്ടിൻറ്റെ സംവിധാന സഹായിയായി ചലച്ചിത്ര മേഖലയിൽ എത്തിയ ഇദ്ദേഹത്തിന്റെ കബനീ നദി ചുവന്നപ്പോൾ, മണിമുഴക്കം, സംഘഗാനം തുടങ്ങിയവ ശ്രദ്ധേയ ചിത്രങ്ങൾ ആണ്. 1993-ൽ പി.എ.ബക്കർ നിര്യാതനായി.

ജീവിതരേഖ

1940-ൽ തൃശൂരിൽ ജനിച്ചു. കുട്ടികൾ, പൂമൊട്ടുകൾ എന്നീ പ്രസിദ്ധീകരണങ്ങളിൽ പ്രവർത്തിച്ചു. പത്രപ്രവർത്തന രംഗത്തുനിന്നാണ് സിനിമയിലെത്തിയത്. രാമു കാര്യാട്ടിന്റെ സം‌വിധാന സഹായിയായി പ്രവർത്തിച്ചു. പി.എൻ. മേനോൻ സംവിധാനം ചെയ്ത ഓളവും തീരവും എന്ന ചിത്രത്തിന്റെ നിർമാതാവായി. 1975-ൽ കബനീ നദി ചുവന്നപ്പോൾ എന്ന ചിത്രം സം‌വിധാനം ചെയ്തുകൊണ്ട് മലയാളചലച്ചിത്രസം‌വിധായകനായി. 1976-ലെ മികച്ച രണ്ടാമത്തെ ചിത്രത്തിനുള്ള അവാർഡ് കബനീനദി ചുവന്നപ്പോൾ കരസ്ഥമാക്കി. ഏറ്റവും നല്ല സംവിധായകനുള്ള അവാർഡ് പി.എ. ബക്കറിനും ലഭിച്ചു. പിന്നീട് സം‌വിധാനം ചെയ്ത മണിമുഴക്കം (1976), ചുവന്ന വിത്തുകൾ (1976) എന്നിവയ്ക്കും സംസ്ഥാന അവാർഡ് ലഭിച്ചു. സംഘഗാനം (1979), ചാപ്പ തുടങ്ങിയ ചിത്രങ്ങൾ ബക്കറിന്റെ ജീവിതവീക്ഷണത്തിനും പ്രത്യേകശൈലിക്കും ഉദാഹരണങ്ങളാണ്. അദ്ദേഹം സംവിധാനം ചെയ്ത അവസാനചിത്രം സഖാവ് പൂർത്തിയായില്ല. പി. കൃഷ്ണപ്പിള്ളയുടെ ജീവിതത്തെ ആധാരമാക്കിയുള്ളതായിരുന്നു ഈ ചിത്രം.

1993 നവംബർ 22-ന് അന്തരിച്ചു.

ചലച്ചിത്രങ്ങൾ

• കബനീ നദി ചുവന്നപ്പോൾ (1975)
• മണിമുഴക്കം (1977)
• ചുവന്ന വിത്തുകൾ (1977)
• സംഘഗാനം (1979)
• ഉണർത്തുപാട്ട് (1980)
• മണ്ണിന്റെ മാറിൽ (1980)
• ചാരം (1981)
• ചാപ്പ (1982)
• ശ്രീനാരായണ ഗുരു (1985)
• പ്രേമലേഖനം (1985)
• ഇന്നലെയുടെ ബാക്കി (1988)

പുറമെ നിന്നുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് പി.എ. ബക്കർ
• P. A. Backer Archived 2011-01-17 at the Wayback Machine. at Cinema of Malayalam
• ക്ഷോഭിക്കുന്നവരുടെ അപ്പോസ്തലൻ - പി.കെ. ശ്രീനിവാസൻ[1]