പാം (ഏകകം)
നീളം അളക്കാനുള്ള കാലഹരണപ്പെട്ട ഒരു ആന്ത്രോപിക് ഏകകമാണ് പാം (palm) അഥവാ കൈ. പെരുവിരലൊഴികെയുള്ള നാലുവിരലുകളുടെ വീതിയാണ് ഇതെങ്കിലും, ചിലയിടങ്ങളിൽ കൈയുടെ നീളം എന്ന നിർവ്വചനത്തിലും ഇത് അറിയപ്പെട്ടിരുന്നു.[1]
പുരാതന ഈജിപ്ത്, ഇസ്രായേൽ, ഗ്രീസ്, റോം എന്നിവിടങ്ങളിലും മധ്യകാല ഇംഗ്ലണ്ടിലും പാം എന്നത് നാലുവിരലുകളുടെ വീതിക്ക് തുല്യമായിരുന്നു.[2] ഹാൻഡ്‌ബ്രെഡ്ത്ത് അല്ലെങ്കിൽ ഹാൻഡ്‌സ്‌ബ്രെഡ്ത്ത് എന്നും ഇത് അറിയപ്പെട്ടുവന്നു.[3] ഇന്ന് പാം എന്നറിയപ്പെടുന്നത് ഇതാണ്.
റോമൻ "ഗ്രേറ്റർ പാം" അഥവാ കൈയുടെ നീളത്തിന് തുല്യമായ ഏകകത്തിൽ നിന്നാണ് മധ്യകാല ഇറ്റലിയിലെയും ഫ്രാൻസിലെയും പാം രൂപപ്പെട്ടത്.
സ്പെയിൻ, പോർച്ചുഗൽ എന്നിവിടങ്ങളിൽ "പാം" (palmo അല്ലെങ്കിൽ palmo de craveira) എന്നത് ചാണിന് തുല്യമായിരുന്നു.