പരവൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

കേരളത്തിലെ ഹിന്ദു സമൂഹത്തിലെ ഒരു ജാതിയാണ് പരവൻ. കേരളത്തിന്റെ മധ്യഭാഗത്തും, തെക്കൻ ദേശങ്ങളിലുമാണ് ഈ വിഭാഗത്തിൽപ്പെട്ട ആളുകൾ ധാരാളമായുള്ളത്. കേരള സർക്കാർ ഇവരുടെ സാമുഹിക പിന്നാക്കാവസ്ഥ മനസ്സിലാക്കി ഇവരെ പട്ടികവിഭാഗത്തിൽപ്പെടുതിയിട്ടുണ്ട് [1]. കേരളത്തിലെ സ്ഥലനാമങ്ങളായ 'പറവൂർ', 'പറൂർ' എന്നിവ 'പരവൻ' എന്ന ജാതിനാമത്തിൽ നിന്ന് ഉരുത്തിരിഞ്ഞതാണെന്ന് കരുതപ്പെടുന്നു.

പരവർ ജാതിയിൽപ്പെട്ടവർ അല്ലെങ്കിൽ ഭരതർ, ഭരതകുലക്ഷത്രിയർ കേരളത്തിലും തമിഴ്‌നാട്ടിലുമാണ് കണ്ടുവരുന്നത്. ഇവർ ഈ പ്രദേശത്തെ പുരാതനരായ കടൽയോദ്ധാക്കൾ ആണ്. ഇവർ പാണ്ട്യൻ രാജാവിന്റെ തലമുറക്കാർ ആണെന്ന് കരുതപ്പെടുന്നു. ഇവരുടെ ഉല്പത്തി ചന്ദ്രവംശത്തിലെ ഭരതവംശം ആണ്.[2].

ഉല്പത്തി[തിരുത്തുക]

തങ്ങൾ അയോധ്യയിൽ നിന്നും തെക്കൻ പ്രദേശങ്ങളിലേക്ക് നൂറ്റാണ്ടുകൾക്ക് മുൻപ് കുടിയേറിപ്പാർത്തവർ ആണെന്നാണ് പരവസമുദായത്തിൽപ്പെട്ടവർ വിശ്വസിക്കുന്നത്[2].

പോർച്ചുഗീസുകാരുടെ ആഗമനം[തിരുത്തുക]

പോർച്ചുഗീസുകാർ പലതരം കച്ചവടങ്ങൾ നടത്തി വന്നിരുന്നു. നായർ സമുദായക്കാർ കുരുമുള്ളക് കച്ചവടത്തിൽ പ്രധാനമായും ശ്രദ്ധ പതിപ്പിച്ചു വന്നിരുന്നപ്പോൾ പരവർ സമുദായക്കാർ മുത്തുക്കളുടെയും പവിഴങ്ങളുടെയും കച്ചവടത്തിൽ ശ്രദ്ധ പതിപ്പിച്ചു. കച്ചവടതാല്പര്യങ്ങളുമായി ബന്ധപ്പെട്ട് ഇവർക്കും തദ്ദേശീയരായ മുസ്ലിങ്ങൾക്കും ഇടയിൽ ശത്രുതയുണ്ടാകാൻ ഇതു കാരണമായി. 1540-ൽ ഇന്ത്യയിൽ വന്ന ഫ്രാൻസിസ് സേവ്യർ ഇവരിൽ ചിലരെ കത്തോലിക്കാസഭയിലേക്ക് പരിവർത്തനം ചെയ്തതായും മുസ്ലിങ്ങളുടെ ശല്യം മൂലമാണ് പരവർ മതം മാറാൻ തയ്യാറായതെന്നും ന്യുഹാഫിന്റെ യാത്രാവിവരണത്തിൽ രേഖപ്പെടുത്തിയിടുണ്ട് [അവലംബം ആവശ്യമാണ്].

മറ്റു പ്രദേശങ്ങളിൽ[തിരുത്തുക]

ശ്രിലങ്കയിലെ ഭരതകുല വിഭാഗത്തിൽപ്പെട്ടവർ ഇന്ത്യയിൽനിന്നും കുടിയേറിത്താമസിച്ചവർ ആണ്. തമിഴ്നാട്ടിലും ഇവരെ കണ്ടുവരുന്നു.[3]

വ്യക്തികൾ[തിരുത്തുക]

കുറിപ്പുകൾ[തിരുത്തുക]

പോർച്ചുഗീസുകാരുടെ മതഭ്രാന്തിനും, നിർബന്ധിത മതപരിവർത്തനങ്ങൾക്കും, ഭീകരഭരണത്തിനും ഇരയായി ഒരുപാട്‌ ഹിന്ദുവംശജർ നാലഞ്ചു നൂറ്റാണ്ടുകൾക്കുമുൻപ്‌ ഗോവയിൽനിന്ന്‌ പലായനംചെയ്‌തു. അവർ കർണാടകത്തിലെ കാർവാർ, മംഗലാപുരം എന്നിവിടങ്ങളിലും കേരളത്തിൽ വടക്കൻപറൂർ, തൃശ്ശൂർ, കൊടുങ്ങല്ലൂർ, ചെറായ്‌, വൈപ്പീൻ, എറണാകുളം, തൃപ്പൂണിത്തുറ, ആലപ്പുഴ, ചേർത്തല ഭാഗങ്ങളിലും കുടിയേറി. അവരിലെ സവർണർ, സാരസ്വതബ്രാഹ്മണൻമാർ, മൊത്തത്തിൽ 'കൊങ്ങിണികൾ', 'ഗൗഡ സാരസ്വതൻമാർ' എന്നൊക്കെ അറിയപ്പെട്ടു കേരളത്തിൽ. ഗോവയിലെ 'കുൺബി' എന്ന പിന്നാക്കവിഭാഗക്കാരാവട്ടെ കേരളത്തിൽ 'കുഡുംബികൾ' എന്ന പേരിലും. പഴയനാട്ടിലെ വർണക്രമം വർധിതാവേശത്തോടെ പിൻതുടർന്ന കേരളത്തിലെ സാരസ്വതക്കാർ കുഡുംബികളെ കൊങ്ങിണിമാരായിക്കൂടി തങ്ങളുടെ കൂട്ടത്തിൽ കൂട്ടിയില്ലെന്നതു ദു:ഖചരിത്രം. എന്തുകൊണ്ടോ കുഡുംബിസമുദായക്കാർ കാർവാറിലും മംഗലാപുരത്തുമൊന്നും കാര്യമായിത്തങ്ങാതെ കേരളത്തിലാണ്‌ വേരുറപ്പിച്ചത്‌. ഗൗഡസാരസ്വതർ കച്ചവടത്തിലും വിദ്യാഭ്യാസത്തിലും വൈദ്യത്തിലുമൊക്കെ മുന്നേറിയപ്പോൾ കുഡുംബികൾ മൂപ്പൻമാരും ബായികളുമായി പിൻവലിഞ്ഞു. അവരെ 'ചെട്ടി'കളെന്നും പരവൻ മാരെന്നുമെല്ലാം അൽപം അധിക്ഷേപത്തോടെ തന്നെ ഗൗഡസാരസ്വതക്കാർ വിളിച്ചുമിരുന്നു.

അവലംബം[തിരുത്തുക]

  1. http://socialjustice.nic.in/pdf/scorderkerala.pdf
  2. 2.0 2.1 Thurston p. 140 ഉദ്ധരിച്ചതിൽ പിഴവ്: അസാധുവായ <ref> ടാഗ്; "Thurston140" എന്ന പേര് വ്യത്യസ്തമായ ഉള്ളടക്കത്തോടെ നിരവധി തവണ നിർവ്വചിച്ചിരിക്കുന്നു
  3. One Nation:diversity and multiculturalism-Part I The Island - July 20, 2009
"https://ml.wikipedia.org/w/index.php?title=പരവൻ&oldid=2287254" എന്ന താളിൽനിന്നു ശേഖരിച്ചത്