പന്തലിങ്ങൽ

കേരളത്തിലെ മലപ്പുറം ജില്ലയിലെ ഒരു പ്രദേശമാണ് പന്തലിങ്ങൽ. വണ്ടൂർ പഞ്ചായത്തിൻറെയും മമ്പാട് പഞ്ചായത്തിൻറെയും ഏകദേശ മധ്യത്തിലായാണ് ഈ ഗ്രാമം സ്ഥിതി ചെയ്യുന്നത്. മേപ്പാടം, കൊട്ടാല, കൊന്നഞ്ചേരി എന്നിവയാണ് സമീപ ഗ്രാമങ്ങൾ. കൃഷിയാണ് പ്രധാന വരുമാനമാർഗ്ഗമെങ്കിലും ഗൾഫ്‌, ഗവർമെൻറ് ഉദ്യോഗം എന്നിവയാണ് നാട്ടുകാരുടെ വരുമാനമാർഗം.

ചരിത്രം

പന്തലിങ്ങൾ എന്നത് ഇവിടെയുള്ള ഒരു പഴയ തറവാടിൻറെ പേരാണ്. "ചെറാട്ടക്കുന്ന്" എന്ന പേരിലും ഈ പ്രദേശം പ്രസിദ്ധമാണ്. ചെറുകാട് കുന്ന് എന്ന പേര് ലോപിച്ചാണ് ആ പേര് വന്നത്. ചെറുകാട് കുടുംബം ഈ നാട്ടിൽ പ്രസിദ്ധരും സാമൂഹിക സാംസ്കാരിക മേഖലകളിൽ അവരുടെതായ സേവനങ്ങൾ അനുഷ്ടിച്ചു വരുന്നവരുമാണ്. ഹാജ്യാർ പടി എന്ന പേരിലും ഈ പ്രദേശം അറിയപ്പെടുന്നു.

ജനങ്ങൾ

മുസ്ലിം ഭൂരിപക്ഷമുള്ള ഈ പ്രദേശത്ത് ഹിന്ദു വിഭാഗക്കാരും കുറവല്ല. താഴ്ന്ന ജാതിയിൽ പെട്ട ഹിന്ദു സമൂഹങ്ങളാണ് ഭൂരിഭാഗവും. മുസ്ലിംകളിൽ തന്നെ മുജാഹിദ്, ജമാഅത്, സുന്നി എന്നീ എല്ലാ വിഭാഗക്കാരും ഇവിടെയുണ്ട്. മത സാഹോദര്യത്തിൻറെ ഉത്തമ മാതൃക ഇവിടെ ദർശിക്കാം. വ്യക്തമായ രാഷ്ട്രീയ ബോധമുള്ളവരാണ് ഈ ദേശക്കാർ. മുസ്ലിം ലീഗ്, കോൺഗ്രസ്സ്, എൽ.ഡി.എഫ്., ബി.ജെ.പി. തുടങ്ങി എല്ലാ പാർട്ടികൾക്കും ഇവിടെ സാന്നിദ്ധ്യമുണ്ട്.

പ്രധാന സ്ഥാപനങ്ങൾ

1. ഐ.എച്ച്.എസ്. പന്തലിങ്ങൽ
2. പ്രാഥമികാരോഗ്യകേന്ദ്രത്തിന്റെ ഉപകേന്ദ്രം
3. മൂന്നു മദ്രസകൾ
4. മുജാഹിദീൻ അറബിക് കോളേജ്
5. ഇസ്ലാഹിയ ഹൈ സ്കൂൾ
6. ജി.എം.എൽ.പി. സ്കൂൾ
7. അംഗൻ വാടി