പഞ്ചാബി വസ‌്ത്രരീതികൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ലാഹോറിലെ പഞ്ചാബി വസ്ത്രധാരണരീതി,1890s

പുരാതന പഞ്ചാബിലെ, ജനങ്ങൾ പരുത്തി വസ്ത്രങ്ങളായിരുന്നു ധരിച്ചിരുന്നത്. സ്ത്രീ പുരുഷന്മാർ ലിംഗഭേദമെന്യെ മുട്ടുവരെയുള്ള മേലുടുപ്പും ഇടുപ്പിനു താഴെ ധോത്തിയും, ഇടതുതോളിനും മീതേയും വലതു തോളിന് അടിയിലുമായി കിടക്കുന്ന നീണ്ട വേഷ്ടിയും.   കൂടാതെ ഇരു തോളുകളേയും മൂടിക്കിടക്കുന്ന മറ്റൊരു വലിയ ഷീറ്റും ധരിക്കുമായിരുന്നു. [1]ആധുനിക പഞ്ചാബി വസ്ത്രങ്ങൾ ഇതിൽ നിന്നും ഏറെ വിഭിന്നമാണ്. പഞ്ചാബി വസ്ത്രധാരണരീതിക്ക് നീണ്ട ചരിത്രമാണുള്ളത്.

പത്തൊമ്പത്-ഇരുപത് നൂറ്റാണ്ടുകളിൽ പഞ്ചാബിൽ പരുത്തി വ്യവസായം വലിയ തോതിൽ നിലനിന്നിരുന്നു.വിവിധതരം പരുത്തി ഉത്പന്നങ്ങൾ- സാധാരണ ലുങ്കികൾ, മടക്കുകളുള്ള തെഹ്മത് ലുങ്കികൾ, ഖേസുകൾ (വിരിപ്പുകളും, കട്ടിയില്ലാത്ത ജമുക്കാളങ്ങളും), ദറ്റാഹികൾ, ചാദറുകൾ(പുതപ്പുകൾ), കോട്ട്, ഷർട്ട് എന്നിവക്കുള്ള തുണിത്തരങ്ങൾ, വാതൽ-ജനാല വിരികൾ , സുസികൾ(?), തെഹ്മത്തുകൾ(മുട്ടു വരെയെത്തുന്ന മേലുടുപ്പുകൾ), ദരികൾ( നിലത്തു വിരിക്കാവുന്ന കട്ടിയുള്ള വർണശബളമായ വിരിപ്പുകൾ), ടവലുകൾ, ഡസ്റ്ററുകൾ, പട്കാസ്(ആൺകുട്ടികൾക്കായുള്ള ശിരോവസ്ത്രം) എന്നിവ ലഭ്യമായിരുന്നു . ഇവയൊക്കെ നിർമ്മിക്കപ്പെട്ടത് ഹോഷിയാർപ്പൂർ, ഗുർദാസ്പുർ, പെഷാവർ, ലാഹോർ, അമൃത്സർ, ലുധിയാന, ഝംഗ്, ഷാഹ്പൂർ, ജലന്ധർ, ഡെൽഹി, ഗുഡ്ഗാവ്, റോഹ്തക്, കർനാൽ, രെവരി, പാനിപത്ത് എന്നിവിടങ്ങളിലായിരുന്നു.[2]ഈ കോട്ടൺ വ്യവസായം പഞ്ചാബികളെ സമ്പന്നരാക്കി, അതവരുടെ വസ്ത്രരീതികളിലും കാണാം.[3][4]മറ്റു തരത്തിലുള്ള പഞ്ചാബി വസ്ത്രങ്ങൾ അവരുടെ പ്രദേശത്തിലെ ഉത്സവങ്ങൾക്കും, മറ്റുമാണ് ധരിക്കാറ്.

സുത്താൻ[തിരുത്തുക]

സുത്താന എന്നുകൂടി വിളിക്കുന്ന സുത്താൻ പഞ്ചാബിലെ സ്വസ്ഥാനയുടെ ബാക്കിനിൽക്കുന്ന ഒരു ഭാഗമാണ്.[5] സ്വസ്ഥാനയെ ട്രൗസർ എന്നുകൂടി വിളിക്കുന്നുണ്ട്. മൗര്യൻ കാലത്ത് പ്രഭുക്കന്മാരും സ്വസ്ഥാനയെ ഉപയോഗിച്ചിരുന്നു.[6] നോർത്ത് ഇന്ത്യയിലെ കുശാന സാമ്രാജ്യ കാലത്ത് ഒന്നും, മൂന്നും നൂറ്റാണ്ടുകളിലും,[7] ഗുപ്ത ഭരണകാലമായ നാലും ആറും നൂറ്റാണ്ടുകളിലും,[8] ഏഴാം നൂറ്റാണ്ടുകളിലും ഇത് ഉപയോഗിക്കപ്പെട്ടിരുന്നു.[9]

സൂത്താനയ്ക്ക് സ്വസ്ഥാനയിൽ നിന്ന് ചെറിയ വ്യത്യാസങ്ങളുണ്ട്, കണങ്കാലിന് മുകൾ ഭാഗത്തേക്ക് അയയുകയും, കണങ്കാലിന് താഴേക്ക് ഇറുക്കവുമാണ്. സുത്താന പുരുഷൻമാർക്കാണ്, പക്ഷെ സ്ത്രീകളിടുന്ന സുത്താനയ്ക്ക് പ്രാധാന്യമേറെയാണ്. സ്ത്രീകളത് കുർത്തയ്ക്കൊപ്പമാണ് ധരിക്കുന്നത്. അത് പഞ്ചാബി ഘാഗരയുടെ ഒരു ഭാഗം കൂടിയാണ്.

അവലംബം[തിരുത്തുക]

  1. Mohinder Singh Randhawa. (1960) Punjab: Itihas, Kala, Sahit, te Sabiachar aad.
  2. Parshad, Gopal (2007) Industrial development in Northern India: a study of Delhi, Punjab and Haryana, 1858-1918 [1]
  3. "Punjabi Dressing". Coloursofpunjab.com. ശേഖരിച്ചത് 2015-05-17.
  4. "Baisakhi Dress,Bhangra Dress,Gidda Dress,Dress for Baisakhi Festival". Baisakhifestival.com. ശേഖരിച്ചത് 2015-05-17.
  5. Catherine Ella Blanshard Asher, Thomas R. Metcalf (1994) Perceptions of South Asia's visual past [2]
  6. Viishnu Asha (1993) Material Life of Northern India: Based on an Archaeological Study, 3rd Century B.C. to 1st Century B. [3]
  7. Archaeological Congress and Seminar Papers: Papers Presented at the 4th Annual Congress of the Indian Archaeological Society and the Seminars Held at Nagpur on the 10th, 11th, and 12th Nov. 1970, Volume 4, Part 1970 [4]
  8. Mohapatra, Ramesh Prasad (1992) Fashion Styles of Ancient India: A Study of Kalinga from Earliest Times to Sixteenth Century Ad [5]
  9. A. V. Narasimha Murthy, K. V. Ramesh (1987) Giridharaśrī: essays on Indology : Dr. G.S. Dikshit felicitation volume [6]
"https://ml.wikipedia.org/w/index.php?title=പഞ്ചാബി_വസ‌്ത്രരീതികൾ&oldid=2374080" എന്ന താളിൽനിന്ന് ശേഖരിച്ചത്