നോക്കുവിദ്യ
കേരളത്തിൽ പ്രചാരത്തിലുള്ള ഒരു നാടൻ കലാരൂപമാണ് നോക്കുവിദ്യാ പാവകളി അഥവാ നോക്കുവിദ്യ. അപൂർവമായ ഒരു പാവനാടക അവതരണമാണ് നോക്കുവിദ്യ.[1] ആദ്യക്കാലങ്ങളിൽ ഓണംതുള്ളൽ എന്ന പേരിലാണ് ഇത് അറിയപ്പെട്ടിരുന്നത്.[2][3][4][5] ചിങ്ങമാസത്തിലെ തിരുവോണം മുതൽ മൂന്നു ദിവസം ഹൈന്ദവഭവനങ്ങളിൽ നടത്തി വന്ന ഒരു കലാരൂപമായ ഓണക്കളിയിലെ ഒരിനമാണ് നോക്കുവിദ്യ. അമ്മാനാട്ടം, പാറാവളയം, ചുറ്റിക്കൽ എന്നിവയാണ് മറ്റ് പ്രധാന ഇനങ്ങൾ. വേലൻ സമുദായത്തിൽപ്പെട്ടവരാണ് ഈ കളി നടത്തിവന്നിരുന്നത്. തുടി, കൈമണി എന്നീ വാദ്യോപകരണങ്ങളും ഇതിനുപയോഗിക്കുന്നു.[6]
അവതരണം
[തിരുത്തുക]പലകയിൽ കൊത്തിയെടുത്ത വിവിധ തരം പാവകൾ ചായം തേച്ച ഒരു മുളന്തണ്ടിനുമേൽ പിടിപ്പിക്കും. ആ മുളയുടെ അടിഭാഗം മൂക്കിനു താഴെ,മേൽച്ചുണ്ടിനു മുകളിലായി നിറുത്തും. പാവകളുമായി ബന്ധപ്പെട്ട ഒരു ചരട് വലിച്ച് പാവകളെ ചലിപ്പിക്കുകയാണ് ഇതിന്റെ സ്വഭാവം. പ്രത്യേക പാട്ടുകളും പാടും. അവരുടെ നോക്ക് എപ്പോഴും മുളയുടെ തുലനത്തിലായിരിക്കും. വാദ്യത്തിനും പാട്ടിനും പുരുഷൻമാരുമുണ്ടായിരിക്കും.[7]
രണ്ടുമുതൽ മൂന്നുമിനിട്ട് വരെയാണ് ഒരോ പാട്ടിന്റെയും ദൈർഘ്യം. രാമായണത്തിലെയും മഹാഭാരത്തിലെയും കഥാസന്ദർഭങ്ങളാണ് മിക്കപ്പോഴും നോക്കുവിദ്യയ്ക്ക് വിഷയങ്ങളാകുന്നതെങ്കിലും പ്രപഞ്ചത്തെയും പ്രകൃതിയെയും വർണ്ണിക്കാറുണ്ട്. കൂടാതെ വിവിധ നാടൻ കഥാപാത്രങ്ങളും ഈ കളിക്ക് വിഷയമാവാറുണ്ട്.
മൂക്കിലിരിക്കുന്ന വടി ബാലൻസ് ചെയ്ത് കൈയിലെ ചരടുകൾ ചലിപ്പിച്ചുവേണം പാവനാടകം നടത്താൻ. വടി മൂക്കിൻ തുമ്പത്ത് നിർത്തിക്കൊണ്ടുതന്നെ കാലുകളുടെ പെരുവിരൽ കൊണ്ട് പാറാവളയം കറക്കുന്നു. ഒപ്പം തന്നെ ചെറിയ പന്തുകൾകൊണ്ട് അമ്മാനാട്ടം നടത്തുകയും ചെയ്യുന്നു. ഓണക്കളിയുടെ ഒരു പ്രധാന ഇനമാണിത്. ഓണത്തെ സംബന്ധിച്ച പാട്ടുകളാണ് ഇതിന് പാടുന്നത്. സാധാരണ സ്ത്രീകളാണ് ഈ പരിപാടി അവതരിപ്പിക്കാറ്.[8] മൂക്കേവിദ്യ എന്നും അറിയപ്പെടുന്നു. കോട്ടയം ജില്ലയിലാണ് കണ്ടു വരുന്നത്. ഈ കല അൽപ്പമെങ്കിലും സ്വായത്തമാക്കാൻ കുറഞ്ഞത് നാലഞ്ചുവർഷത്തെ പരിശീലനംവേണം.
പാലത്തടിയിലാണ് ഇതിനുള്ള പാവകൾ കൊത്തിയെടുക്കുന്നത്. നല്ല ഏകാഗ്രതയും പരിശീലനവും വേണ്ട കലാരൂപമാണിത്.
ഓണം തുള്ളൽ
[തിരുത്തുക]തറയിൽ കാലുനീട്ടി മണിക്കൂറുകളോളം ഇരുന്നാണ് ഈ കലാരൂപം അവതരിപ്പിക്കുന്നത്. പിന്നിൽ തുടികൊട്ടിപാ ടുവാൻ ഒരാൾ ഉണ്ടാകും. ഇതോടൊപ്പം ഇലത്താളവും. പച്ച കുരുത്തോല കൊണ്ടുനിർമ്മിച്ചെടുക്കുന്ന വെഞ്ചാമരം ഇരുകൈകളിലും പിടിച്ച്, കാൽ നീട്ടിയിരിക്കുന്ന മുഖ്യ അവതാരക യുടെ ഇരുവശങ്ങളിലായി നിന്ന് പ്രത്യേക താളത്തിൽ ചുവടു വെക്കുന്ന രണ്ടു പെൺകുട്ടികൾ.
| “ | അരുൾ തരിക ഗണപതിയെ
ഗുരുപാദം തൊഴു പെണ്ണേ.. |
” |
എന്ന് പിൻപാട്ടുകാരന്റെ സഹായത്തോടെയാണ് ചുവടുകൾ വെയ്ക്കുന്നത്. "ഓണം തുള്ളൽ' എന്ന പേരിലാണ് ഈ ഭാഗം അറിയുന്നത്.
പാറാവളയം
[തിരുത്തുക]സർക്കസ്സുകാർ പല വളയങ്ങൾ കൈയിലൂടെയും കാലിലൂടെയും കടത്തി വൃത്താകാരത്തിൽ ചലിപ്പിച്ച് കെ തൊടാതെ ഊരിയെടുക്കുന്നതുപോലുള്ള ഒരു അവതരണവും ഇതോടൊപ്പം ഉണ്ടാകും. നീട്ടിവെച്ചിട്ടുള്ള കാലിന്റെ പെരുവി രലിൽ വളയം കയറ്റി വിരലിൽ തന്നെ ഇട്ടു കറക്കുന്ന പരി പാടിയാണ് ഇത്. രണ്ടുകാലിന്റെ പെരുവിരലിലും വിപരീതമായ ദിശയിലും പ്രകടനം നടത്തുവാൻ മൃഢാനിയ്ക്കു കഴിഞ്ഞി രുന്നു. “പാറാവളയം' എന്ന പേരിലാണ് ഇത് അറിയപ്പെടുന്നത്.
അമ്മാനാട്ടം
[തിരുത്തുക]നോക്കുവിദ്യയുടെ മൂന്നാം ഭാഗമാണ് അമ്മാനാട്ടം. രണ്ടു പന്തുകൾ കൊണ്ടാണ് തുടക്കം. ഓരോ കൈകളിലിരിക്കുന്ന പന്തും ഒരേ സമയം മുകളിലേയ്ക്കിട്ടും പന്തുകൾ മാറിപ്പിടി ച്ചും അനുസ്യൂതം നടത്തുന്ന പരിപാടിയാണ് അമ്മാനാട്ടം. രണ്ടു പന്തിൽ തുടങ്ങി മൂന്ന്, നാല് എന്നിങ്ങനെ എണ്ണം കൂടിവരും. രണ്ടു കൈകളുടെ മുട്ടും കൈപ്പത്തിയും അമ്മാനാട്ടത്തിന് ഉപയോഗിക്കും. ഈ പ്രവർത്തനങ്ങൾ നടക്കുമ്പോൾ പിൻപാ ട്ടുകാരനോടൊപ്പം അമ്മാനമാടുന്നയാളും പാടുന്നുണ്ടാകും.[9]
| “ | പത്മനാഭാ മുകുന്ദാ ഗുരുവായൂർ
മേവും പദാംബുജം തൊഴാം |
” |
എന്ന പാട്ടും,
| “ | കിങ്ങിണി, തള, വള, മാലകൾ.. | ” |
എന്ന ദ്രുതതാളത്തി ലുള്ള പാട്ടുകളും ഇതിന് ഉപയോഗിച്ചിരുന്നു. ദ്രുതതാളത്തി ലുള്ള പാട്ടുകൾക്കൊപ്പം ദ്രുതതാളത്തിൽ അമ്മാനമാടും.
പ്രധാന അവതാരകർ
[തിരുത്തുക]- മൃഡാനി വാസു
- രജ്ഞിനി(നോക്കുവിദ്യ കലാകാരി)
അവലംബം
[തിരുത്തുക]- ↑ http://news.keralakaumudi.com/beta/printerpage.php?NewsId=TktUTTAxMTU4MzQ=%5Bപ്രവർത്തിക്കാത്ത+കണ്ണി%5D
- ↑ "രഞ്ജിനിയും 'നോക്കുവിദ്യ' പാവകളിയും" (in Malayalam). Madhyamam. 2022-04-17. Archived from the original on 2023-04-14. Retrieved 2024-09-30.
{{cite web}}: CS1 maint: bot: original URL status unknown (link) CS1 maint: unrecognized language (link) - ↑ "നോക്കുവിദ്യ പാവകളിയും" (in Malayalam). Vanitha. 2020-03-07. Archived from the original on 2024-02-23. Retrieved 2024-09-30.
{{cite web}}: CS1 maint: bot: original URL status unknown (link) CS1 maint: unrecognized language (link) - ↑ "ഓണംതുള്ളൽ" (in Malayalam). Kerala Literature. 2017-10-14.
{{cite web}}: CS1 maint: unrecognized language (link) - ↑ "ചെമ്പകക്കുട്ടി ഗോപാലൻ" (in Malayalam). Manorama. 2023-01-13. Archived from the original on 2024-09-30. Retrieved 2024-09-30.
{{cite web}}: CS1 maint: bot: original URL status unknown (link) CS1 maint: unrecognized language (link) - ↑ http://www.deshabhimani.com/periodicalContent2.php?id=651%5Bപ്രവർത്തിക്കാത്ത+കണ്ണി%5D
- ↑ ഫോക്ലോർ നിഘണ്ടു, ഡോ.എം.വി. വിഷ്ണു നമ്പൂതിരി, കേരള ഭാഷാ ഇൻസ്റ്റിറ്റ്യൂട്ട്, പേജ് 529
- ↑ "ആർക്കൈവ് പകർപ്പ്". Archived from the original on 2016-03-04. Retrieved 2012-11-11.
- ↑ കാവാലം, സുരേഷ്ബാബു (2025). കനൽ തേടുന്ന കാവൽമാടങ്ങൾ (1st ed.). Perumbavoor: Yespresss Books (published August 2025). pp. 24–28. ISBN 978-81-988141-9-7.
{{cite book}}: CS1 maint: date and year (link)