നുസ്റത്ത് ഫത്തേ അലി ഖാൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(നുസ്രത്ത് ഫത്തേ അലിഖാൻ എന്ന താളിൽ നിന്നും തിരിച്ചുവിട്ടതു പ്രകാരം)
നുസ്രത്ത് ഫത്തേ അലിഖാൻ
ജനനനാമം പർവേശ് ഫത്തേ അലിഖാൻ
അറിയപ്പെടുന്ന പേരു(കൾ) NFAK, ഖാൻ സാഹേബ്, ഷഹെൻഷ -ഇ- ഖവാലി
ജനനം 1948 ഒക്ടോബർ 13(1948-10-13)
ഫൈസലാബാദ്, പഞ്ചാബ് (പാകിസ്താൻ)
പാകിസ്താൻ
മരണം ലണ്ടൻ, ഇംഗ്ലണ്ട്
സംഗീതശൈലി ഖവാലി, ഗസൽ, Fusion
തൊഴിലു(കൾ) സംഗീതജ്ഞൻ
ഉപകരണം വായ്പാട്ട്, ഹാർമോണിയം, തബല
സജീവമായ കാലയളവ് 1965–1997
റെക്കോഡ് ലേബൽ റിയൽ വേൾഡ്, ഓ.എസ്.എ., ഇ.എം.ഐ., വേർജിൻ റെക്കോർഡ്സ്
Associated acts നുസ്രത്ത് ഫത്തേ അലിഖാനും സംഘവും
നുസ്രത്ത് ഫത്തേ അലിഖാൻ & മൈക്കൾ ബ്രൂക്ക്
നുസ്രത്ത് ഫത്തേ അലിഖാൻ ,മുജാഹിദ് മുബാറക് അലിഖാൻ & പാർട്ടി

പ്രശസ്ത കവ്വാലി ഗായകനും ,സംഗീതജ്ഞനുമായിരുന്ന നുസ്രത്ത് ഫത്തേ അലിഖാൻ പാകിസ്താനിലെ ഫൈസലാബാദിൽ സംഗീതവിദ്വാനായ ഫത്തേ അലിഖാന്റെ പുത്രനായി ജനിച്ചു. (13 ഒക്ടോ: 1948 – 16 ഓഗസ്റ്റ് 1997). സൂഫികളുമായി ബന്ധപ്പെട്ട ഭക്തിഗാനശാഖയായ കവ്വാലിക്ക് ലോകവ്യാപകമായ ആസ്വാദകശ്രദ്ധ നേടിക്കൊടുക്കുന്നതിൽ നുസ്രത്ത് വലിയ പങ്കാണ് വഹിച്ചത്. [1]

ജീവിതരേഖ[തിരുത്തുക]

പിതാവായ ഫത്തേ അലിഖാനു തന്റെ മകൻ സംഗീതത്തിന്റെ വഴി തെരഞ്ഞെടുക്കുന്നതിനോടു തെല്ലും യോജിപ്പുണ്ടായിരുന്നില്ല. കവ്വാലി ഗായകരുടെ അന്നത്തെ താഴ്ന്ന ജീവിതനിലവാരമായിരുന്നു അദ്ദേഹം കണ്ടെത്തിയ ഒരു കാരണം. പകരം നുസ്രത്ത് ഒരു ഭിഷഗ്വരൻ ആയിത്തീരുന്നതിലാണ് അദ്ദേഹം ശ്രദ്ധവച്ചത്.[2]എന്നാൽ സംഗീതത്തോട് അദമ്യമായ അഭിവാഞ്ഛ പുലർത്തിയ നുസ്രത്ത് പിതാവിനോടൊപ്പം ആദ്യം തബലയിലും, ഖയാലിന്റെ ചിട്ടവട്ടങ്ങളിൽ ഒതുങ്ങിനിന്നുള്ള സംഗീതപഠനത്തിലും ശ്രദ്ധ കേന്ദ്രീകരിച്ചു. 1964ൽ പിതാവിന്റെ മരണത്തോടെ പിതാവിന്റെ സഹോദരന്മാരായ മുബാറക് അലിഖാന്റേയും, സൽമത് അലിഖാന്റെയും കീഴിൽ നുസ്രത്ത് അലിഖാൻ സംഗീതപരിശീലനം തുടർന്നു. 1971ൽ കുടുംബാംഗങ്ങൾ അടങ്ങുന്ന കവ്വാലി സംഗീത സംഘത്തിന്റെ നേതൃത്വം ഏറ്റെടുത്ത നുസ്രത്ത് പാകിസ്താൻ റേഡിയോയിൽ ആണ് പ്രഥമമായി പരിപാടി അവതരിപ്പിച്ചത്. പരിപാടികൾക്കു വേണ്ടി നിരന്തരം യാത്ര ചെയ്തുവന്ന അലിഖാൻ നാല്പതിലേറെ രാജ്യങ്ങളിൽ പരിപാടി അവതരിപ്പിച്ചിട്ടുണ്ട്.[3] ഒട്ടേറെ ആൽബങ്ങൾ നുസ്രത്ത് അലിഖാന്റെ പേരിൽ പുറത്തിറങ്ങി. പീറ്റർ ഗബ്രിയേൽ, മൈക്കൽ ബ്രൂക്ക്, പേൾ ജാം ,എഡ്ഡി വെഡ്ഡർ എന്നീ പാശ്ചാത്യസംഗീതജ്ഞരുമായും അദ്ദേഹം സഹകരിച്ചിരുന്നു.[4]

ഗിന്നസ് ലോകറിക്കാർഡ് ബുക്ക് പ്രകാരം 2001ൽ ഏറ്റവും കൂടുതൽ റെക്കാർഡ് ചെയ്യപ്പെട്ട കവ്വാലി ഗായകൻ നുസ്രത്താണ്. 125 ആൽബങ്ങളാണ് അപ്രകാരം പുറത്തിറങ്ങിയത്.

ബഹുമതികൾ[തിരുത്തുക]

  • യുനസ്കോ സംഗീതസമ്മാനം - 1995 [5]
  • ഫുക്കുവോക്ക ഏഷ്യൻ കൾച്ചർ പുരസ്ക്കാരം -1996[6]
  • ഗ്രാൻഡ് പ്രി ഡി അമരിക്-1996.[7]

അവലംബം[തിരുത്തുക]

  1. "Nusrat Fateh Ali Khan". Worldmusic.nationalgeographic.com. 17 October 2002. ശേഖരിച്ചത് 2011-12-16. 
  2. "Ustad Nusrat Fateh Ali Khan: A tribute, Hindustan Times". 
  3. Amit Baruah; R. Padmanabhan (6 September 1997). "The stilled voice". Frontline. ശേഖരിച്ചത് 2011-06-30.  Unknown parameter |coauthors= ignored (സഹായം)
  4. "Nusrat Fateh Ali Khan & Michael Brook: Mustt Mustt & Night Song". Allaboutjazz.com. 5 January 2008. ശേഖരിച്ചത് 2011-12-16. 
  5. "International Music Council – Prize laureates 1975–2004". Imc-cim.org. 16 October 2008. ശേഖരിച്ചത് 2011-12-16. 
  6. "Past Laureates | Fukuoka Prize". Asianmonth.com. 
  7. http://www.imdb.com/name/nm0002163/awards

പുറംകണ്ണികൾ[തിരുത്തുക]

Wikiquote-logo-en.svg
വിക്കിചൊല്ലുകളിലെ നുസ്റത്ത് ഫത്തേ അലി ഖാൻ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:
"https://ml.wikipedia.org/w/index.php?title=നുസ്റത്ത്_ഫത്തേ_അലി_ഖാൻ&oldid=2587313" എന്ന താളിൽനിന്നു ശേഖരിച്ചത്