നാരായൻ
നാരായൻ | |
|---|---|
 | |
| Occupation | നോവലിസ്റ്റ്, പോസ്റ്റ്മാസ്റ്റർ |
| Nationality |  ഇന്ത്യ |
| Notable works | കൊച്ചരേത്തി, ഊരാളിക്കുടി, ചെമ്മാരും കൂട്ടാളും |
| Spouse | പങ്കജാക്ഷി[1] |
| Children | രാജേശ്വരി, സിദ്ധാർത്ഥകുമാർ, സന്തോഷ്‌ നാരായൻ[1] |
മലയാള നോവലിസ്റ്റാണ് നാരായൻ (ജനനം: സെപ്റ്റംബർ 26 1940 മരണം : ആഗസ്റ്റ് 16 2022). മികച്ച നോവലിനുള്ള കേരള സാഹിത്യ അക്കാദമി പുരസ്കാരം ഉൾപ്പെടെ മറ്റ് നിരവധി പുരസ്കാരങ്ങൾ നേടിയിട്ടുണ്ട്.
ജീവിതരേഖ[തിരുത്തുക]
ഇടുക്കി ജില്ലയിലെ കുടയത്തൂർ മലയുടെ അടിവാരത്ത് ചാലപ്പുറത്തുരാമന്റെയും കൊടുകുട്ടിയുടെയും മകനായി 1940 സെപ്റ്റംബർ 26 ന് ജനിച്ചു[1]. കുടയത്തൂർ ഹൈസ്കൂളിൽ നിന്നും എസ്.എസ്.എൽ.സി. പാസ്സായി. തപാൽ വകുപ്പിൽ ജോലിയിൽ പ്രവേശിച്ച് 1995-ൽ പോസ്റ്റ്മാസ്റ്ററായി വിരമിച്ചു[2]. സമൂഹത്തിന്റെ അടിത്തട്ടിലെ സാധാരണ ജനങ്ങളുടെ ജീവിതപ്രശ്നങ്ങൾ ചിത്രീകരിക്കുന്ന നോവലുകളാണ് പ്രധാന സാഹിത്യസംഭാവന. പ്രകൃതിയോടു മല്ലിട്ടു ജീവിക്കുന്ന കേരളത്തിലെ ആദിവാസി സമൂഹമായ മലയരയന്മാരെക്കുറിച്ച് അനുഭവങ്ങളുടെ വെളിച്ചത്തിൽ എഴുതിയിട്ടുള്ള നോവലാണ് കൊച്ചരേത്തി. ഈ കൃതിയിലെ ഭാഷാപരമായ പ്രത്യേകതകൾ, പ്രമേയം തുടങ്ങിയവ ഇതിനെ ദലിത് നോവൽ എന്ന നിലയിൽ ശ്രദ്ധേയമാക്കി. മുതുവാന്മാരുടെയും ഊരാളന്മാരുടെയും ജീവിതമാണ് ഊരാളിക്കുടി എന്ന നോവലിലെ പ്രമേയം. ലളിതവും എന്നാൽ ശക്തവുമാണ് ആവിഷ്കരണരീതി.
കൃതികൾ[തിരുത്തുക]
- കൊച്ചരേത്തി[3]
- ഊരാളിക്കുടി
- ചെങ്ങാറും കുട്ടാളും
- വന്നല - നോവൽ
- നിസ്സഹായന്റെ നിലവിളി (കഥാസമാഹാരം)
- ഈ വഴിയിൽ ആളേറെയില്ല (നോവൽ)
- പെലമറുത (കഥകൾ)
- ആരാണു തോൽക്കുന്നവർ (നോവൽ)
പുരസ്കാരങ്ങൾ[തിരുത്തുക]
- കേരള സാഹിത്യ അക്കാദമി പുരസ്കാരം (1999) കൊച്ചരേത്തി (നോവൽ)
- അബുദാബി ശക്തി അവാർഡ്(1999)
- തോപ്പിൽ രവി അവാർഡ്(1999)
- swami aananda theerdha award (2011)
- economist crossword book award (2011)
അവലംബം[തിരുത്തുക]
- ↑ 1.0 1.1 1.2 "ആർക്കൈവ് പകർപ്പ്". മൂലതാളിൽ നിന്നും 2012-09-28-ന് ആർക്കൈവ് ചെയ്തത്. ശേഖരിച്ചത് 2012-02-06.
- ↑ "സംഭാഷണം" (PDF). മലയാളം വാരിക. 2013 ഏപ്രിൽ 19. ശേഖരിച്ചത് 2013 ഒക്ടോബർ 07.
{{cite news}}: Check date values in:|accessdate=and|date=(help)[പ്രവർത്തിക്കാത്ത കണ്ണി] - ↑ "ആർക്കൈവ് പകർപ്പ്". മൂലതാളിൽ നിന്നും 2013-12-09-ന് ആർക്കൈവ് ചെയ്തത്. ശേഖരിച്ചത് 2012-02-06.
