നാരങ്ങപ്പാല്

കേരളത്തിൽ പ്രചാരത്തിലുള്ള ഒരു നാടൻ കളിയാണ് നാരങ്ങപ്പാല്. മൂന്നിലധികം കുട്ടികൾ ഒത്തുചേർന്നു കളിക്കുന്ന കളിയാണിത്.

കളിയുടെ രീതി

ഈ കളി കളിക്കുവാനായിട്ട് ഉപകരണങ്ങൾ ഒന്നും തന്നെ ആവശ്യമില്ല. രണ്ടുകൊട്ടികൾ കൈകൾ ചേർത്ത് ഉയർത്തിപ്പിടിച്ച് നിൽക്കേണ്ടതുണ്ട്. ബാക്കി വരുന്ന കുട്ടികൾ ഈ കൈകൾക്കിടയിലൂടെ ചുറ്റിലുമായി ഓടിക്കോണ്ടിരിക്കണം. കൈകൾ ചേർത്തു പിടിച്ചിരിക്കുന്ന കുട്ടികൾ അപ്പോൾ ഒരു പാട്ടു പാടുന്നു. പാട്ടിന്റെ അവസാനം കള്ളനെ പിടിച്ചു എന്നു പറയുമ്പോൾ അവരുടെ കൈവലയത്തിനുള്ളിൽ പെടുന്ന ഒരാൾ പിടിക്കപ്പെടുന്നു.

പാട്ട്

നാരങ്ങ പാല്,
ചൂണ്ടക്ക് രണ്ട്,
ഇലകൾ പച്ച,
പൂക്കൾ മഞ്ഞ,
ഓടി വരുന്ന ചാടി വരുന്ന കള്ളനെ പിടിച്ചു.