നയ്യാര നൂർ
നയ്യാര നൂർ | |
|---|---|
| ജനനം | 1950 നവംബർ 3 |
| മരണം | 2022 ഓഗസ്റ്റ് 20 (71 വയസ്സ്) |
| തൊഴിൽ | ചലച്ചിത്ര പിന്നണി ഗായിക |
| സജീവ കാലം | 1971–2012 |
| അറിയപ്പെടുന്നത് | ഗസൽ |
| Title | ബുൾബുൾ-എ-പാകിസ്ഥാനി |
| അവാർഡുകൾ |
|
ഒരു പാകിസ്ഥാനി പിന്നണി ഗായികയായിരുന്നു നയ്യാര നൂർ (ഉർദു: نیرہ نور; നവംബർ 1950 - 20 ഓഗസ്റ്റ് 2022). ഉപഭൂഖണ്ഡത്തിലെ ഏറ്റവും ജനപ്രിയരായ ഗായകരിൽ ഒരാളായി അവർ കണക്കാക്കപ്പെടുന്നു. പാകിസ്ഥാൻ ടിവി ഷോകളിലും രാജ്യത്തുടനീളമുള്ള കച്ചേരി ഹാളുകളിലും നടത്തിയ തത്സമയ ഗസൽ ആലാപനക്കച്ചേരികളിലൂടെ അവർ പ്രശസ്തയായിരുന്നു.
ആദ്യകാല ജീവിതവും കരിയറും
[തിരുത്തുക]1950 നവംബർ 3-ന് അസമിലെ ഗുവാഹത്തിയിലാണ് നയ്യാര നൂർ ജനിച്ചത്. വ്യാപാരികളായിരുന്നു അവരുടെ കുടുംബവും പൂർവ്വികരും. [1] [2] നൂറിന്റെ പിതാവ് അഖിലേന്ത്യാ മുസ്ലീം ലീഗിന്റെ സജീവ അംഗമായിരുന്നു; 1947-ലെ വിഭജനത്തിന് മുമ്പ് പാകിസ്ഥാന്റെ സ്ഥാപക പിതാവായ മുഹമ്മദ് അലി ജിന്ന ആസാമിലേക്കു നടത്തിയ യാത്രയിൽ അദ്ദേഹത്തിന് ആതിഥേയത്വം വഹിച്ചിരുന്നു. 1957-ലോ 1958-ലോ അമ്മയ്ക്കും സഹോദരങ്ങൾക്കും ഒപ്പം നൂർ ഇന്ത്യയിൽ നിന്ന് പാകിസ്ഥാനിലേക്ക് കുടിയേറി കറാച്ചിയിൽ സ്ഥിരതാമസമാക്കി. എന്നിരുന്നാലും, കുടുംബത്തിന്റെ സ്ഥാവര സ്വത്തുക്കൾ നോക്കുന്നതിനായി അവരുടെ പിതാവ് 1993 വരെ അസമിൽ താമസിച്ചു. [2] കുട്ടിക്കാലത്ത്, കാനൻ ദേവിയുടെയും കമലയുടെയും ഭജനകളും ബീഗം അക്തറിന്റെ ഗസലുകളും തുംരികളും നയ്യാരയ്ക്ക് പ്രചോദനമായതായി പറയപ്പെടുന്നു. [2] [1]
ഔപചാരികമായ സംഗീത പശ്ചാത്തലമോ ഔപചാരിക പരിശീലനമോ ഇല്ലായിരുന്നെങ്കിലും, 1968-ൽ ലാഹോറിലെ നാഷണൽ കോളേജ് ഓഫ് ആർട്സിൽ അവരുടെ സുഹൃത്തുക്കൾക്കും അധ്യാപകർക്കും വേണ്ടി അവർ പാടുന്നത് കേട്ട്, ലാഹോറിലെ ഇസ്ലാമിയ കോളേജിലെ പ്രൊഫസർ അസ്രാർ അഹ്മദ് അവരെ കണ്ടെത്തി. താമസിയാതെ, യൂണിവേഴ്സിറ്റിയുടെ റേഡിയോ പാകിസ്ഥാൻ പ്രോഗ്രാമുകളിൽ പാടാൻ അവരോട് ആവശ്യപ്പെട്ടു. [1]
1971-ൽ പാകിസ്ഥാൻ ടെലിവിഷൻ സീരിയലുകളിലൂടെ പൊതുവേദിയിലെ ആലാപനത്തിന് അരങ്ങേറ്റം കുറിച്ച നയ്യാര, പിന്നീട് ഘരാന (1973), താൻസെൻ തുടങ്ങിയ ചിത്രങ്ങളിലൂടെ ചലച്ചിത്രഗാനരംഗത്തേക്കും കടന്നു. അതിനുശേഷം ഗാലിബ്, ഫൈസ് അഹമ്മദ് ഫൈസ് തുടങ്ങിയ പ്രശസ്ത കവികൾ രചിച്ച ഗസലുകൾ ആലപിച്ച അവർ, മെഹ്ദി ഹസ്സൻ, അഹമ്മദ് റുഷ്ദി തുടങ്ങിയ ഇതിഹാസതുല്യരായ ഗായകർക്കൊപ്പം പരിപാടികൾ അവതരിപ്പിച്ചിട്ടുമുണ്ട്. [1]
അവാർഡുകളും അംഗീകാരവും
[തിരുത്തുക]- 2006-ൽ പാകിസ്ഥാൻ പ്രസിഡന്റിന്റെ പ്രൈഡ് ഓഫ് പെർഫോമൻസ് അവാർഡ്.
- ഘരാന (1973) എന്ന ചിത്രത്തിലെ മികച്ച പിന്നണി ഗായികയ്ക്കുള്ള നിഗർ അവാർഡ്. [3]
- വാർഷിക ഓൾ പാകിസ്ഥാൻ മ്യൂസിക് കോൺഫറൻസ് കച്ചേരികളിൽ 3 ഗോൾഡ് മെഡൽ അവാർഡുകൾ
പാകിസ്ഥാനിലെയും ഇന്ത്യയിലെയും ഗസൽ പ്രേമികൾക്കിടയിൽ നിരവധി ആരാധകരുണ്ടായിരുന്ന അവർ മെഹ്ഫിലുകളിലും മുഷൈറകളിലും സജീവമായിരുന്നു. അവരുടെ ഏറ്റവും പ്രശസ്തമായ ഗസൽ (ഉറുദു കാവ്യരൂപത്തിലുള്ള ഗാനം) ഒരുപക്ഷേ "ഏ ജസ്ബ-ഇ-ദിൽ ഗർ മെയ്ൻ ചാഹൂൻ" ആയിരുന്നു. ഉർദു നാടകങ്ങളിലൂടെയും ഗസലുകളിലൂടെയും പ്രശസ്തനായ കവിയും തിരക്കഥാകൃത്തും റേഡിയോ പാകിസ്ഥാനിലെ ഗാനരചയിതാവുമായിരുന്ന ബെഹ്സാദ് ലക്നാവി (1900-1974) ആണ് ഇത് എഴുതിയത്. ഈ ഗസലിലൂടെ നയ്യാര നൂർ പിന്നീട് നിരവധി അവാർഡുകൾ നേടി. [4]
ആലാപന ജീവിതം
[തിരുത്തുക]ഒരു ബഹുമുഖ ഗായികയായിരുന്ന അവർ റെക്കോർഡ് ചെയ്ത ചില ഗസലുകൾ താഴെ കൊടുക്കുന്നു: [4]
- "Woh Jo Hum Mein Tum Mein Qarar Tha Tumhein Yaad Ho Keh Na Yaad Ho" (കവി: മോമിൻ ഖാൻ മോമിൻ) [1]
- "Rang barsaat nay bharay kuchh tou" (കവി: നാസിർ കാസ്മി, നയ്യാരയുടെ പ്രിയപ്പെട്ട കവി) [4]
- "Phir sawan ruth ki pawan chali tum yaad aaei" (കവി: നാസിർ കാസ്മി)
- "Aye ishq hamay barbaad na kar" (നസ്ം; കവി: അക്തർ ഷീരാനി; സംഗീതസംവിധായകൻ: ഖലീൽ അഹമ്മദ്; ഒരു പാകിസ്ഥാൻ ടെലിവിഷൻ പ്രൊഡക്ഷൻ) [1] [4]
- "Barkha Barsay Chhat Per, Mein Teray Sapnay Deikhuun" (കവി: ഫൈസ് അഹമ്മദ് ഫൈസ്; ഒരു പാകിസ്ഥാൻ ടെലിവിഷൻ പ്രൊഡക്ഷൻ) [1]
- "Kabhi Hum Bhi Khoobssorat Thay" (കവി: അഹമ്മദ് ഷമീം; തീസ്ര കിനാര എന്ന PTV നാടക പരമ്പരയ്ക്ക് വേണ്ടി) [4]
ഇബ്നു-ഇ-ഇൻഷായുടെ ഗസലുകൾ സവിശേഷമായ ഒരു വിഷാദഭാവം ഉൾക്കൊള്ളുന്നുണ്ടെന്ന് നയ്യാര വിശ്വസിച്ചിരുന്നു:
- "ജലയ് തൗ ജലോ ഗോരി" (കവി: ഇബ്നു-ഇ-ഇൻഷാ) [4]
നയ്യാരയുടെ ശബ്ദത്തിലുള്ള പാകിസ്ഥാൻ ദേശഭക്തിഗാനം:
തന്റെ നീണ്ട ആലാപന ജീവിതത്തിൽ അവർ ഗസലുകളും ഗീതുകളും നസ്മുകളും ദേശഭക്തിഗാനങ്ങളും ആലപിച്ചു. ശാന്തശീലയും ലജ്ജാശീലയുമായിരുന്ന അവർ തുടക്കം മുതൽ തന്റെ ഉയർന്ന ആലാപന നിലവാരം നിലനിർത്തി. പാകിസ്ഥാൻ സിനിമകൾക്കായി നൂറുകണക്കിന് ഗാനങ്ങൾ അവർ റെക്കോർഡുചെയ്തു.
തിരഞ്ഞെടുത്ത ഗാനങ്ങൾ
[തിരുത്തുക]| പാട്ടിന്റെ പേര് | വരികൾ | സംഗീതം | സിനിമയും വർഷവും |
|---|---|---|---|
| "തേരാ സായ ജഹാൻ ഭീ ഹോ സജന, പാൽകൈൻ ബിച്ച ദുഉൻ" | കലീം ഉസ്മാനി | എം അഷ്റഫ് [1] | ഘരാന (1973) |
| "ആജ് ഗം ഹേ തൗ ക്യാ, വോ ദിൻ ഭി സരൂർ ആയേഗാ, ജബ് തേരാ ഗം ഖുഷി മേ ബദൽ ജാഗ" [4] | ഖവാജ പർവേസ് | കമാൽ അഹമ്മദ് | മസ്താന (1973) |
| "റൂതയ് ഹോ തും, തുംകോ കൈസയ് മാനൗൻ പിയാ, ബോലോ നാ" [1] | തസ്ലിം ഫാസിലി | റോബിൻ ഘോഷ് [1] | ഐന (1977) |
| "മുജായ് ദിൽ സേ നാ ഭുലാന, ചാഹയ് റോകേ സമാന" | തസ്ലിം ഫാസിലി | റോബിൻ ഘോഷ് [1] | ഐന (1977) |
| "ഇസ് പർച്ചം കേ സായേ തലൈ ഹം ഈക് ഹേ" [1] | കലീം ഉസ്മാനി | എം അഷ്റഫ് | ഫർസ് ഔർ മംമ്ത (1975) |
| "ബോൾ റീ ഗുര്യ ബോൾ" [4] | മസ്റൂർ അൻവർ | നിസാർ ബസ്മി [1] | ആസ് (1973) |
| "ടൂ ഹീ ബട്ട, പഗ്ലി പവൻ" [4] | മസ്റൂർ അൻവർ | എം അഷ്റഫ് | ഫൂൽ മേരെ ഗുൽഷൻ കാ (1974) |
| "ഇത്നാ ഭി ന ചാഹോ മുജെ" [4] | പർദ ന ഉത്താവോ (1974) | ||
| "ടൂട്ട് ഗയാ സപ്ന" | കരീം ഷഹാബുദ്ദീൻ | ബോബി ആൻഡ് ജൂലി (1978) | |
അവരുടെ തിരഞ്ഞെടുത്ത കൂടുതൽ ഗാനങ്ങൾ ചുവടെ പട്ടികപ്പെടുത്തിയിരിക്കുന്നു:
- "Ik ajnabi chehray" (ചലച്ചിത്രം: ബാഗി ഹസീന)
- "Mera pyar tumhee ho" (1975 സിനിമ: ഫർസ് ഔർ മംമ്ത; ഗാനരചയിതാവ്: കലീം ഉസ്മാനി; സംഗീതം: എം അഷ്റഫ്)
- "Mausum tau diwana hai" (1975 സിനിമ: ദൗ സാത്തി; ഗാനരചയിതാവ്: തസ്ലീം ഫാസിലി; സംഗീതം: റോബിൻ ഘോഷ്)
- "Tera pyar bun kay Aaye" (1974 സിനിമ: ഭൂൽ; ഗാനരചയിതാവ്: ഖവാജ പർവേസ്; സംഗീതം: റോബിൻ ഘോഷ്)
- "Zara meri nabz deikh kar" (1975 ചലച്ചിത്രം: അജ്നബി; ഗാനരചയിതാവ്: തസ്ലീം ഫാസിലി; സംഗീതം: നിസാർ ബസ്മി)
- "Phool bun ja-oon gee" (ചലച്ചിത്രം: ഖിസ്മത്)
- "Kuchh loag mohabbat ka sila" (ചിത്രം: ഗുമ്ര)
- "Anjanay Nagar" (നാടക പരമ്പര അഞ്ജനേ നഗർ)
2012-ൽ, ഇനി പ്രൊഫഷണലായി പാടില്ലെന്ന് നയ്യാര നൂർ ഔദ്യോഗികമായി പ്രഖ്യാപിച്ചു. വിവാഹശേഷം ഭാര്യ, അമ്മ എന്നീ നിലകളിലുള്ളതാണ് തന്റെ പ്രധാന ചുമതലകളെന്ന് അവർ പറഞ്ഞിരുന്നു. സംഗീതം തനിക്ക് ഒരു അഭിനിവേശമായിരുന്നെന്നും എന്നാൽ ഒരിക്കലും തന്റെ മുൻഗണനയായിരുന്നില്ലെന്നും അവർ പറഞ്ഞു.
സ്വകാര്യ ജീവിതം
[തിരുത്തുക]അവർ ഷെഹ്രിയാർ സെയ്ദിയെയാണ് വിവാഹം കഴിച്ചത്. ഇളയ മകൻ ജാഫർ സെയ്ദി കാവിഷ് മ്യൂസിക് ബാൻഡിന്റെ പ്രധാന ഗായകനാണ്; മൂത്ത മകൻ നാദ്-ഇ-അലി സോളോ ഗായകനായി അരങ്ങേറ്റം കുറിച്ചു. [2]
മരണം
[തിരുത്തുക]2022 ഓഗസ്റ്റ് 20-ന് 71-ആം വയസ്സിൽ ഒരു ചെറിയ അസുഖത്തെത്തുടർന്ന് കറാച്ചിയിൽ വച്ച് അവർ മരിച്ചു.
അവലംബം
[തിരുത്തുക]- 1 2 3 4 5 6 7 8 9 10 11 12 13 Amjad Parvez (9 November 2018), "Nayyara Noor — a haunting, tuneful and sweet voice" Daily Times (newspaper), Retrieved 3 January 2021
- 1 2 3 4 ഉദ്ധരിച്ചതിൽ പിഴവ്: അസാധുവായ
<ref>ടാഗ്; "Dawn" എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല. - ↑ Swami Ji (24 November 2017). "Pakistan's 'Oscars': The Nigar Awards (scroll down to read 1973 awards)". Film Reviews on The HotspotOnline.com website. Archived from the original on 2020-06-13. Retrieved 3 January 2021.
- 1 2 3 4 5 6 7 8 9 10 11 Profile of Nayyara Noor on travel-culture.com website Archived 2022-08-22 at the Wayback Machine Retrieved 3 January 2021
- ↑ A patriotic song by Nayyara Noor on The Express Tribune (newspaper) Published 13 August 2015, Retrieved 3 January 2021
പുറംകണ്ണികൾ
[തിരുത്തുക]- ഇന്റർനെറ്റ് മൂവി ഡാറ്റാബേസിൽ നിന്ന് നയ്യാര നൂർ
- നയ്യാര നൂർ discography at Discogs
| International | |
|---|---|
| National | |
| Artists | |
