മൗലവി മുഹമ്മദ് നബി മുഹമ്മദി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(നബി മുഹമ്മദി എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
Mawlawi Muhammad Nabi Muhammadi مولوي محمد نبي محمدي
ജനനം1920
Shah Mazar, Logar Province, Afghanistan
മരണംഏപ്രിൽ 21, 2002(2002-04-21) (aged 81–82)
അടക്കം ചെയ്തത്Baraki Barak, Logar Province
ജോലിക്കാലം1965–2002
Commands heldHarakat-i-Inqilab-i-Islami
യുദ്ധങ്ങൾSoviet–Afghan War
മൗലവി മുഹമ്മദ് നബി മുഹമ്മദി
1990-കളിലെ ചിത്രം

അഫ്ഗാനിസ്താനിലെ ഒരു പരമ്പരാഗത ഇസ്ലാമിക പ്രതിരോധകക്ഷിയായ ഹർക്കത്ത് ഇ ഇങ്കിലാബ്-ഇ ഇസ്ലാമി-യി അഫ്ഗാനിസ്താന്റെ (ഇസ്ലാമിക് റെവല്യൂഷണറി മൂവ്മെന്റ് ഓഫ് അഫ്ഗാനിസ്താൻ) നേതാവാണ് മൗലവി മുഹമ്മദ് നബി മുഹമ്മദി (Maulvi Muhammad Nabi Muhammadi).[1] കമ്മ്യൂണിസ്റ്റുകൾക്ക് ശേഷം അഫ്ഗാനിസ്താനിൽ അധികാരത്തിലെത്തിയ മുജാഹിദീനുകളുടെ ഇടക്കാല സർക്കാരിൽ 1992 മുതൽ 1996 വരെ ഇദ്ദേഹം വൈസ് പ്രസിഡണ്ടായിരുന്നു.[2]

1980-കളുടെ ആരംഭത്തിൽ സോവിയറ്റ് സൈന്യവുമായുള്ള യുദ്ധത്തിന്റെ തുടക്കം മൗലവി മുഹമ്മദ് നബി മുഹമ്മദിയുടെ കക്ഷിയായിരുന്നു പ്രതിരോധകക്ഷികളുടെ കൂട്ടത്തിൽ ഏറ്റവും പ്രധാനപ്പെട്ടത്. പഷ്തൂൺ വംശജരായ മതനേതാക്കളുടേയും മദ്രസ വിദ്യാർത്ഥികളുടേയ്യും പിന്തുണ ഈ കക്ഷിക്കുണ്ടായിരുന്നു. പാകിസ്താൻ അതിർത്തിയിലെ പഷ്തൂൺ വംശജരുടെ പിന്തുണയും ഇതിനു ലഭിച്ചിരുന്നു.

ജീവിതരേഖ[തിരുത്തുക]

മൗലവി മുഹമ്മദ് നബി മുഹമ്മദി
1980-കളിലെ ചിത്രം

1921-ൽ കാബൂളിന് തെക്കുള്ള ലോഗറിലാണ് നബി മുഹമ്മദി ജനിച്ചത്. വിവിധ മതപഠനശാലകളിൽ വിദ്യാഭ്യാസം പൂർത്തിയാക്കിയ ഇദ്ദേഹം 1965-ൽ പാർലമെന്റിലേക്ക് തിരഞ്ഞെടുക്കപ്പെട്ടു. രാജ്യത്തെ കമ്മ്യൂണിസ്റ്റ് സ്വാധീനത്തിന് എന്നും എതിരായി ഇദ്ദേഹംനിലകൊണ്ടു. 1978-ൽ സോർ വിപ്ലവത്തിലൂടെ നൂർ മുഹമ്മദ് താരക്കിയുടെ നേതൃത്വത്തിൽ കമ്മ്യൂണിസ്റ്റുകൾ ഭരണത്തിലെത്തിയതോടെ നബി മുഹമ്മദി, പാകിസ്താനിലേക്ക് കടന്നു.

ഇദ്ദേഹത്തിന്റെ കീഴിൽ രൂപമെടുത്ത ഹർക്കത്-ഇ ഇങ്ക്വിലാബ്-ഇ ഇസ്ലാമി-യി അഫ്ഗാനിസ്താൻ എന്ന പ്രതിരോധകക്ഷി, അയഞ്ഞ രൂപഘടനയുള്ളതും കൂടുതലും യാഥാസ്ഥിതിക ഇസ്ലാമികവാദികൾ അടങ്ങിയതുമായിരുന്നു. സോവിയറ്റ് സൈന്യവുമായുള്ള യുദ്ധത്തിന്റെ തുടക്കം നബി മുഹമ്മദിയുടെ കക്ഷി വളരെ പ്രാധാന്യമുള്ള ഒന്നായിരുന്നു.[1] താലിബാന്റെ നേതാവായ മുല്ല മുഹമ്മദ് ഒമർ ഈ കക്ഷിയിൽ പ്രവർത്തിച്ചിരുന്നു.[3] എന്നാൽ കുറച്ചുവർഷങ്ങൾക്കകം മുഹമ്മദിയുടെ കക്ഷിയുടെ പ്രാധാന്യം കുറഞ്ഞു. 1980-കളോടെ സോവിയറ്റ് മാർക്സിസ്റ്റ് ഭരനത്തിനെതിരെയുള്ള പോരാട്ടത്തിൽ മുഖ്യ പങ്കുവഹിച്ചത്, ഗുൾബുദ്ദീൻ ഹെക്മത്യാറിന്റേയും ബുർഹനുദ്ദീൻ റബ്ബാനിയുടേയും നേതൃത്വത്തിലുള്ള കക്ഷികളായിരുന്നു.[1]

2002 ഏപ്രിൽ 22-ന് പാകിസ്റ്റാനിൽ വച്ച് ക്ഷയരോഗം മൂലം മൗലവി മുഹമ്മദ് നബി മുഹമ്മദി മരണമടഞ്ഞു.[4]

അവലംബം[തിരുത്തുക]

  1. 1.0 1.1 1.2 Vogelsang, Willem (2002). "19-The Years of Communism". The Afghans. LONDON: Willey-Blackwell, John Willey & SOns, Ltd, UK. p. 314. ISBN 978-1-4051-8243-0.
  2. "അഫ്ഗാനിസ്താൻ ഗവണ്മെന്റ് - ഫ്രം 1996 സി.ഐ.എ. ഫാക്റ്റ്ബുക്ക്". എ.ബി.സി. കാണ്ട്രി ബുക്ക് ഓഫ് അഫ്ഗാനിസ്താൻ (ഭാഷ: ഇംഗ്ലീഷ്). 1996. ശേഖരിച്ചത് 2010 മേയ് 29.
  3. Vogelsang, Willem (2002). "20 - After the soviets". The Afghans. LONDON: Willey-Blackwell, John Willey & SOns, Ltd, UK. p. 326. ISBN 978-1-4051-8243-0.
  4. "മൗലവി മുഹമ്മദ് നബി മുഹമ്മദി" (ഭാഷ: ഇംഗ്ലീഷ്). ഖൈബർ.ഓർഗ്. ശേഖരിച്ചത് 2010 മേയ് 29.