ദേവാനന്ദ് (ഗായകൻ)
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. (2010 ജനുവരി) ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
മലയാള സിനിമാ പിന്നണി ഗായകനാണ് ദേവാനന്ദ്.
വൈക്കം സ്വദേശി. യഥാർഥ പേര്‌ പ്രതാപചന്ദ്രൻ. 2006 -ൽ പേര്‌ ദേവാനന്ദ് എന്നു മാറ്റി. കർണാടക സംഗീതജ്ഞനായ വൈക്കം ജി.വാസുദേവൻ നമ്പൂതിരിയുടെയും ലീലാവതിയുടെയും മകൻ. പ്രശസ്ത കർണാടക സംഗീതജ്ഞനായ വൈക്കം ജയചന്ദ്രൻ ജ്യേഷ്ഠനാണ്. രണ്ടാം ക്ലാസ്‌ മുതൽ മൽസരങ്ങളിൽ പങ്കെടുത്തു. സ്കൂളിലും കോളജിലും ലളിത സംഗീതത്തിനും ശാസ്ത്രീയ സംഗീതത്തിനും തുടർച്ചയായി സമ്മാനങ്ങൾ നേടി. ഭാര്യ: കീർത്തി. മകൻ: ശ്രീശേഷ്‌
ആദ്യ ഗാനങ്ങൾ[തിരുത്തുക]
കോളജിൽ പഠിക്കുമ്പോൾ വി.ദക്ഷിണാമൂർത്തിയുടെ സംഗീതത്തിൽ 'ശിവം' എന്ന കാസറ്റിൽ പത്തു പാട്ടുകൾ പാടി. പിന്നീട്‌ എ.ബി.സി.എല്ലിന്റെ 'ഓണം പൊന്നോണം' കാസറ്റിൽ രണ്ടു പാട്ട്‌ പാടി. പ്രണയ വർണങ്ങൾ എന്ന സിനിമയിൽ ആലേലോ പുല്ലേലോ എന്ന സംഘ ഗാനത്തിൽ പാടി. രണ്ടാം ഭാവം എന്ന സിനിമയിലെ 'അമ്മ നക്ഷത്രമേ' എന്ന പാട്ടാണ് സിനിമയിലെ ആദ്യ പ്രധാന പാട്ട്‌. പിന്നീട്‌ മീശ മാധവൻ എന്ന സിനിമയിലെ 'കരിമിഴിക്കുരുവിയെ കണ്ടില്ല' എന്ന പാട്ട്‌ ഹിറ്റായതോടെ ശ്രദ്ധിക്കപ്പെട്ടു.
തമിഴിലും തെലുങ്കിലും പാടിയിട്ടുണ്ട്‌
പ്രധാന ഗാനങ്ങൾ[തിരുത്തുക]
- കാത്തിരുന്ന പെണ്ണല്ലേ (ക്ലാസ്‌മേറ്റ്സ്‌)
- കരിമിഴിക്കുരുവി (മീശമാധവൻ)
- തൊട്ടുരുമ്മിയിരിക്കാൻ (രസികൻ)
- അറിയാതെ ഇഷ്ടമായ്‌ (പാണ്ടിപ്പട)
- ജിന്നിന്റെ കോട്ടകാണാൻ(ദൈവനാമത്തിൽ)
- അന്നക്കിളി (ഫോർ ദ പീപ്പിൾ)
- സുഖമോ മായ സാന്ത്വനം (സിംഫണി)
- ഒരു പടപ്പാടിന്റെ (പൗരൻ)
- വേനൽ വനികയിൽ (ആനച്ചന്തം).