ദുൽ-ഖർനൈൻ

ദുൽ-ഖർനൈൻ, ( Dhu al-Qarnayn Qarnayn, അറബി: ذُو ٱلْقَرْنَيْن‎ : ذُو ٱلْقَرْنَيْن , റോമൻ :ദുൽ-ഖർനൈൻ, ഇരു കൊമ്പുകളുള്ളവൻ" എന്നു വിവക്ഷ) എന്ന വ്യക്തി ഖുറാനിലെ , സൂറ അൽ-കഹ്ഫ് (18), ആയത്ത് 83-101 എന്നി അധ്യായങ്ങളിൽ പരാമർശിക്കപ്പെടുന്നു. കിഴക്കോട്ടും പടിഞ്ഞാറോട്ടും സഞ്ചരിച്ച് ഒരു പ്രത്യേക വിഭാഗം ആളുകൾക്കും ഗോഗിനും മഗോഗിനും( യാജൂജ്, മജൂജാ എന്നും പറയും) ഇടയിൽ തടസ്സം സ്ഥാപിക്കുന്നവനായിട്ടാണ് പരാമർശം. ഗോഗിനെയും മഗോഗിനെയും തടസ്സത്തിന് പിന്നിൽ നിന്ന് മോചിപ്പിക്കുന്നതിലൂടെ ലോകാവസാനം എങ്ങനെ സംഭവിക്കുമെന്ന് ഖുറാനിൽ മറ്റൊരിടത്ത് പറയുന്നു. ആദ്യകാല മുസ്ലീം വ്യാഖ്യാതാക്കളും ചരിത്രകാരന്മാരും ദുൽ-ഖർനൈൻ മഹാനായ അലക്സാണ്ടർ അഥവാ ദക്ഷിണ-അറേബ്യൻ ഹിംയറൈറ്റ് രാജാവ് അൽ-സാബ് ബിൻ ധി മറാത്തിദ് ആണെന്ന് അഭിപ്രായപ്പെട്ടു. ചില ആധുനിക പണ്ഡിതന്മാർ ഖുറാൻ വിവരണത്തിൻറെ സ്രോതസ്സ് സുറിയാനി അലക്സാണ്ടർ ഇതിഹാസത്തിൽ കാണാമെന്ന് വാദിക്കുന്നു, എന്നാൽ മറ്റുള്ളവർ വിയോജിക്കുന്നു. ദുൽ-ഖർനൈൻ, മഹാനായ സൈറസ് ആണെന്നു പറയുന്നവരും ഉണ്ട്. ചിലർ ഇതിനെ അനുകൂലിക്കുന്നുണ്ടെങ്കിലും, ഭൂരിഭാഗം ആധുനിക പണ്ഡിതന്മാരും വ്യാഖ്യാതാക്കളും മഹാനായ അലക്സാണ്ടറിനാണ് മുൻഗണന നൽകുന്നത്.