ദീപ പാലനാട്

ഇംഗ്ലീഷ് വിലാസം

https://ml.wikipedia.org/wiki/Deepa_Palanad

ദീപ പാലനാട്
ജനനം	1982/04/18 കട്ടുപ്പാറ , പുലാമന്തോൾ ഗ്രാമപഞ്ചായത്ത് , മലപ്പുറം ജില്ല, കേരളം, ഇന്ത്യ
ദേശീയത	ഇന്ത്യ
തൊഴിൽ	സ്കൂൾ അദ്ധ്യാപിക (പോരൂർ എ.യു.പി. സ്‌കൂൾ ) , റേഡിയോ അനൗൺസർ
ജീവിതപങ്കാളി(കൾ)	കെ ടി പ്രദീപ്
മാതാപിതാക്ക(ൾ)	പാലനാട് ദിവാകരൻ സുധ
ബന്ധുക്കൾ	സുദീപ് പാലനാട്

സംസ്ഥാനത്തെ ചുരുക്കം ചില വനിതാ കഥകളി സംഗീത ഗായകരിൽ ഒരാൾ ആണ് ദീപ പലനാട് , .

പുരസ്‌കാരം

• കഥകളിരംഗത്തെ യുവ ഗായകർക്കായി ഏർപ്പെടുത്തിയ വെണ്മണി ഹരിദാസ് പുരസ്‌കാരം 2021 ൽ ഇവർ കരസ്ഥമാക്കി ,

• കഥകളി സംഗീതത്തിലെ യുവപ്രതിഭയ്ക്കുള്ള കൊല്ലം കഥകളി ക്ലബ്ബിന്റെ പുരസ്കാരം
• കോഴിക്കോട് നവരസംം ചാരിറ്റബിൾട്രസ്റ്റിന്റെ സ്ത്രീരത്നം അവാർഡിന് തിരഞ്ഞെടുത്തു
• മുംബൈ, ഭേരിയിൽ നിന്നും കലാമണ്ഡലം ഉണ്ണികൃഷ്ണക്കുറുപ്പ് ആദരമുദ്ര ലഭിച്ചു
• ആനമങ്ങാട് കഥകളി ക്ലബ്ബിന്റെ ആദരമുദ്ര ലഭിച്ചു
• പാലൂർ ശ്രീസുബ്രഹ്മണ്യ പുരസ്കാരം 2021

സ്വകാര്യ ജീവിതം

മലപ്പുറം ജില്ലയിലെ പെരിന്തൽമണ്ണയ്ക്കടുത്ത് പുലാമന്തോൾ പഞ്ചായത്തിലെ കട്ടുപ്പാറയിൽ കഥകളി സംഗീതജ്ഞനായ പാലനാട് ദിവാകരന്റെയും സുധയുടേയും മകളായി ജനനം. മൂന്നാം വയസ്സുമുതൽ പദങ്ങൾ പഠിച്ചു തുടങ്ങി , . സംഗീതസംവിധായകനും ഗായകനും ആയ സുദീപ് പാലനാട് സഹോദരൻ ആണ്.

ഗണിതത്തതിൽ ബിരുദവും ബി.എഡും നേടി.

കലാപഠനം

കർണ്ണാടകസംഗീതത്തിന്റെ അടിസ്ഥാന പാഠങ്ങൾ പിതാവിൽനിന്നുംപഠിക്കാൻ തുടങ്ങി. കഥകളി സംഗീതത്തിലും പിതാവായ പാലനാട് ദിവാകരൻ തന്നെയാണ് ഗുരു. തുടർന്ന് കർണ്ണാടക സംഗീതത്തിൽ ശ്രീ വി വി സദാനന്ദൻ, ശ്രീ വെള്ളിനേഴി സുബ്രഹ്മണ്യൻ, ശ്രീ പുന്നപ്പുഴ രാമനാഥൻ, ശ്രീ വെച്ചൂർ ശങ്കർ എന്നിവരുടെ കീഴിൽ ഉന്നതപഠനം നടത്തി. കഥകളിസംഗീതത്തിൽ ശ്രീ മാടമ്പി സുബ്രഹ്മണ്യൻനമ്പൂതിരിയിൽ നിന്നും ശ്രീ കോട്ടയ്ക്കൽമധുവിൽ നിന്നും അഭ്യസനംനേടിയിട്ടുണ്ട്.ശ്രീ കലാമണ്ഡലം കെ ജി വാസുദേവന്റേയും കലാമണ്ഡലം കൃഷ്ണകുമാറിന്റേയും കീഴിൽ കഥകളി അഭ്യസിച്ചിട്ടുണ്ട്. ശ്രീമതി കലാമണ്ഡലം സുധയുടെ കീഴിൽ നൃത്തവും അഭ്യസിച്ചിട്ടുണ്ട്.

കലാജീവിതം

കഥകളിയരങ്ങുകളിൽ ഗായികയായി പ്രവർത്തിച്ചുവരുന്നു.ധാരാളം കഥകളിപ്പദക്കച്ചേരികൾ നടത്തിയിട്ടുണ്ട്. ആകാശവാണിയിൽ കഥകളി സംഗീതവിഭാഗത്തിൽ എ ഗ്രേഡ് ആർട്ടിസ്റ്റ് ആണ്. ലൂക്ക, ഒരു ദേശ വിശേഷം എന്നീ സിനിമകളിൽ പിന്നണി ഗായികയായിട്ടുണ്ട്. കേരള സംസ്ഥാന സ്കൂൾ കലോത്സവത്തിൽ കഥകളി സംഗീതത്തിന് ഒന്നാം സ്ഥാനം ലഭിച്ചിട്ടുണ്ട്. കലാമണ്ഡലം ഉണ്ണികൃഷ്ണക്കുറുപ്പ് സ്മാരക കഥകളി സംഗീത മത്സരത്തിലും എറണാകുളം കഥകളി ക്ലബ്ബ് സംഗീതമത്സരത്തിലും വിജയിയായിട്ടുണ്ട്. കേന്ദ്ര ഗവണ്മെന്റിന്റെ സ്കോളർഷിപ്പോടെ പത്തുവർഷം കഥകളി സംഗീതത്തിൽ ഉപരിപഠനംനേടിയിട്ടുണ്ട്. 1996 ആഗസ്റ്റ് 6ന് സഹോദരൻ സുദീപ് പാലനാടിനൊപ്പം ഗുരുവായൂരിൽ കുചേലവൃത്തം കഥകളിക്ക് പാടിക്കൊണ്ട് അരങ്ങേറ്റം നടത്തി. നചികേതസ്സ് എന്ന ആട്ടക്കഥയ്ക്ക് സംഗീതം ചിട്ടപ്പെടുത്തിയിട്ടുണ്ട്. അഷ്ടപദിയാട്ടം, മോഹിനിയാട്ടം എന്നിവയ്ക്ക് പിന്നണി ഗായികയായി പ്രവർത്തിച്ച് വരുന്നു. വിവിധ സദസ്സുകളിൽ കവിതാലാപനം നടത്തിയിട്ടുണ്ട്.